ಬೆಂಗಳೂರು: ಸರ್ಕಾರ , ಜನಪ್ರತಿನಿಧಿಗಳು ,ರಾಜಕಾರಣಿಗಳು ಸರ್ಕಾರದ ಹಣ ಖರ್ಚು ಮಾಡಿ ,ಅಮೂಲ್ಯ ಸಮಯವನ್ನ ಕೊಟ್ಟು ಮಾಡಬೇಕಾದ ನೂರಾರು ಕೆಲಸಗಳು ಇರುವಾಗ, ಬಾಷಾದಾರಿತ, ಧರ್ಮಾಧಾರಿತ , ರಾಜಕೀಯ ಪ್ರೇರಿತ ಯಾವುದೇ ಕೆಲಸಗಳಾಗಲಿ ಯೋಚಿಸುವ ಮುನ್ನವೇ.. ಅದರ ಅಗತ್ಯವನ್ನ ಪರಾಮಾರ್ಶಿಸಿ, ಕಾರ್ಯರೂಪಕ್ಕೆ ತಂದಾಗ, ಮುಜುಗರ ಮುಲಾಜಿಲ್ಲದ ವ್ಯಕ್ತಿತ್ವದಿಂದ ಕೆಲಸ ಮಾಡಿದ್ರೆ ದೇಶದ ಪ್ರಗತಿ ನಿಶ್ಚಯ..

ಇದೀಗ ವಿಧಾನಸೌಧದ ಮೆಟ್ಟಿಲುಗಳ ಮೇಲೆ ‘ಉರ್ದು ಹಬ್ಬ’ ಆಚರಿಸುವ ಆರೋಗ್ಯ ಸಚಿವ ಯು.ಟಿ. ಖಾದರ್ ಅವರ ಪ್ರಸ್ತಾಪಕ್ಕೆವಿರೋಧ ವ್ಯಕ್ತವಾದ ಬೆನ್ನಲ್ಲೇ, ಅಲ್ಲಿ ಯಾವುದೇ ಖಾಸಗಿ ಅಥವಾ ಸರ್ಕಾರೇತರ ಕಾರ್ಯಕ್ರಮಕ್ಕೆ ಅನುಮತಿ ನೀಡಲಾಗಿಲ್ಲ ಎಂದು ಸರ್ಕಾರ ಸ್ಪಷ್ಟಪಡಿಸಿದೆ.ವಿಧಾನಸೌಧದ ಮೆಟ್ಟಿಲುಗಳನ್ನು ಖಾಸಗಿ ಕಾರ್ಯಕ್ರಮಗಳಿಗೆ ಬಳಸಲು ಅವಕಾಶವಿಲ್ಲ. ಹೀಗಾಗಿ ಅಲ್ಲಿ ಯಾವುದೇ ಸರ್ಕಾರೇತರ ಕಾರ್ಯಕ್ರಮ ನಡೆಯುವುದಿಲ್ಲ ಎಂದು ವಿಧಾನಸೌಧದ ಕಾರ್ಯಾಲಯ ತಿಳಿಸಿದೆ.

Also Read ಉಡುಪಿ ನಗರಸಭೆಗೆ ನೂತನ ಪೌರಾಯುಕ್ತರಾಗಿ ಸಂತೋಷ್ ಡಿ.ಎಸ್. ನೇಮಕ

ಈ ಪ್ರಸ್ತಾಪಕ್ಕೆ ಬಿಜೆಪಿ ಹಾಗೂ ಕೆಲವು ಕನ್ನಡಪರ ಸಂಘಟನೆಗಳಿಂದ ವಿರೋಧ ವ್ಯಕ್ತವಾಗಿದೆ. ಕರ್ನಾಟಕ ರಕ್ಷಣಾ ವೇದಿಕೆ ರಾಜ್ಯಾಧ್ಯಕ್ಷ ನಾರಾಯಣಗೌಡ, ಇಂತಹ ನಿರ್ಧಾರಗಳನ್ನು ಕೈಗೊಳ್ಳುವ ಮುನ್ನ ಸರ್ಕಾರ ಹೆಚ್ಚು ಎಚ್ಚರಿಕೆ ವಹಿಸಬೇಕು ಎಂದು ಆಗ್ರಹಿಸಿದ್ದಾರೆ.

ಇದೇ ವೇಳೆ ಜೆಡಿಎಸ್ ಯುವ ಘಟಕದ ರಾಜ್ಯಾಧ್ಯಕ್ಷ ನಿಖಿಲ್ ಕುಮಾರಸ್ವಾಮಿ, ಉರ್ದು ಹಬ್ಬವನ್ನು ಕೇವಲ ರಾಜಕೀಯ ದೃಷ್ಟಿಕೋನದಿಂದ ನೋಡಬಾರದು ಎಂದು ಹೇಳಿದ್ದಾರೆ. ವಿವಿಧ ಸಮುದಾಯಗಳು ತಮ್ಮ ಭಾಷೆ, ಸಾಹಿತ್ಯ ಮತ್ತು ಸಂಸ್ಕೃತಿಯನ್ನು ಆಚರಿಸುವುದು ಸಹಜ ಎಂದು ಅವರು ಅಭಿಪ್ರಾಯಪಟ್ಟಿದ್ದಾರೆ.

ಆರೋಗ್ಯ ಸಚಿವ ಯು.ಟಿ. ಖಾದರ್, ಉರ್ದು ಹಬ್ಬದ ಉದ್ದೇಶ ಉರ್ದು ಭಾಷೆಯ ಸಾಹಿತ್ಯ ಮತ್ತು ಸಂಸ್ಕೃತಿಯನ್ನು ಪರಿಚಯಿಸುವುದೇ ಹೊರತು ರಾಜಕೀಯ ಅಥವಾ ಮತಬ್ಯಾಂಕ್ ಸೃಷ್ಟಿಸುವುದಲ್ಲ ಎಂದು ಹೇಳಿದ್ದಾರೆ. ಹಲವು ವರ್ಷಗಳಿಂದ ವಿವಿಧ ಸ್ಥಳಗಳಲ್ಲಿ ಇಂತಹ ಕಾರ್ಯಕ್ರಮಗಳು ನಡೆಯುತ್ತಿದ್ದು, ಈ ಬಾರಿ ವಿಧಾನಸೌಧದ ಎದುರು ಕಾರ್ಯಕ್ರಮ ನಡೆಸುವ ಉದ್ದೇಶವಿತ್ತು ಎಂದು ಅವರು ತಿಳಿಸಿದ್ದಾರೆ.

Also Read ದೇಶದ ಗಮನ ಸೆಳೆದ ಒಡಿಶಾದ ಐತಿಹಾಸಿಕ ಶಿಕ್ಷಣ ಕ್ರಾಂತಿ: LKGಯಿಂದ PGವರೆಗೆ ಸಂಪೂರ್ಣ ಉಚಿತ ಶಿಕ್ಷಣ ಘೋಷಣೆ… "ಶಿಕ್ಷಣ ಎಲ್ಲರ ಹಕ್ಕು"

ನೂರು ಒಳ್ಳೆಯ ಕೆಲಸಗಳ ನಡುವೆ ಒಂದೇ ಒಂದು ಅನಗತ್ಯ ನಿರ್ಧಾರವೂ ಜನರ ಗಮನ ಸೆಳೆಯಬಹುದು. ಹೀಗಾಗಿ ಒಳ್ಳೆಯ ಉದ್ದೇಶದ ಕಾರ್ಯಕ್ರಮಗಳನ್ನೂ ಜಾರಿಗೆ ತರುವ ಮುನ್ನ ಸ್ಥಳ, ಸಾರ್ವಜನಿಕ ಸ್ವೀಕಾರ ಮತ್ತು ಅದರ ಪರಿಣಾಮಗಳನ್ನು ಗಮನದಲ್ಲಿಟ್ಟುಕೊಂಡು ಸರ್ಕಾರ ಎಚ್ಚರಿಕೆಯಿಂದ ಹೆಜ್ಜೆ ಇಡುವುದು ಮುಖ್ಯ.

##UTKhader #UrduFestival #VidhanaSoudha #KarnatakaPolitics #KarnatakaGovernment #KannadaOrganizations #BengaluruNews