ಬೆಂಗಳೂರು: ಬ್ಯಾಂಕ್ ಗ್ರಾಹಕರಿಗೆ ಪ್ರಮುಖ ಮಾಹಿತಿ. ಸೆಪ್ಟೆಂಬರ್ 27ರ ಭಾನುವಾರ ಬ್ಯಾಂಕ್‌ಗಳು ತೆರೆಯಲಿವೆ. ಸಾಮಾನ್ಯವಾಗಿ ಭಾನುವಾರ ರಜೆ ಇದ್ದರೂ, ಸೆ.28ರಿಂದ ಮೂರು ದಿನಗಳ ರಾಷ್ಟ್ರವ್ಯಾಪಿ ಬ್ಯಾಂಕ್ ಮುಷ್ಕರ ನಡೆಯಲಿರುವ ಹಿನ್ನೆಲೆಯಲ್ಲಿ ಗ್ರಾಹಕರ ತುರ್ತು ಕೆಲಸಗಳಿಗೆ ಅನುಕೂಲವಾಗುವಂತೆ ಈ ವಿಶೇಷ ವ್ಯವಸ್ಥೆ ಮಾಡಲಾಗಿದೆ. ಹಲವು ಬ್ಯಾಂಕ್‌ಗಳು ಗ್ರಾಹಕರಿಗೆ ಈಗಾಗಲೇ SMS ಮೂಲಕ ಭಾನುವಾರ ಶಾಖೆ ತೆರೆದಿರುತ್ತದೆ ಎಂದು ಮಾಹಿತಿ ನೀಡುತ್ತಿವೆ.

ಸೆ.28, 29 ಮತ್ತು 30ರಂದು ಬ್ಯಾಂಕ್ ನೌಕರರ ಮುಷ್ಕರ ನಡೆಯಲಿದೆ. ಬ್ಯಾಂಕ್ ನೌಕರರ ಪ್ರಮುಖ ಬೇಡಿಕೆ ವಾರದಲ್ಲಿ ಐದು ದಿನ ಮಾತ್ರ ಬ್ಯಾಂಕ್ ಕೆಲಸ ಮಾಡುವ ವ್ಯವಸ್ಥೆ ಜಾರಿ ಮಾಡುವುದು. ಇದರ ಜೊತೆಗೆ ಪಿಂಚಣಿ ಪರಿಷ್ಕರಣೆ, ಪಿಂಚಣಿದಾರರಿಗೆ ಏಕರೂಪದ ತುಟ್ಟಿಭತ್ಯೆ ಸೇರಿದಂತೆ ಇತರ ಬೇಡಿಕೆಗಳನ್ನೂ ಸಂಘಟನೆಗಳು ಮುಂದಿಟ್ಟಿವೆ. ಈ ಬೇಡಿಕೆಗಳ ಕುರಿತು ಒತ್ತಾಯಿಸಿ ಮುಷ್ಕರಕ್ಕೆ ಕರೆ ನೀಡಲಾಗಿದೆ.

ಮುಷ್ಕರದ ವೇಳೆ ಶಾಖಾ ಸೇವೆಗಳಿಗೆ ತೊಂದರೆಯಾಗುವ ಸಾಧ್ಯತೆ ಇರುವುದರಿಂದ ಸೆ.27 ಭಾನುವಾರ ಹೆಚ್ಚುವರಿ ಕೆಲಸದ ದಿನವಾಗಿ ಸಾರ್ವಜನಿಕ ವಲಯದ ಬ್ಯಾಂಕ್‌ಗಳು ಮತ್ತು ಪ್ರಾದೇಶಿಕ ಗ್ರಾಮೀಣ ಬ್ಯಾಂಕ್‌ಗಳನ್ನು ತೆರೆಯಲಾಗುತ್ತಿದೆ. ಹೀಗಾಗಿ ಶಾಖೆಗೆ ಹೋಗಿ ಮಾಡಬೇಕಾದ ತುರ್ತು ಕೆಲಸಗಳಿದ್ದರೆ ಭಾನುವಾರವೇ ಮಾಡಿಕೊಳ್ಳಬಹುದು.

ಯಾವ ದಿನ ಬ್ಯಾಂಕ್ ಬಂದ್?

ಸೆ.26 – ಶನಿವಾರ: ರಜೆ
ಸೆ.27 – ಭಾನುವಾರ: ಬ್ಯಾಂಕ್‌ಗಳು ಕಾರ್ಯನಿರ್ವಹಣೆ
ಸೆ.28 – ಸೋಮವಾರ: ಮುಷ್ಕರ
ಸೆ.29 – ಮಂಗಳವಾರ: ಮುಷ್ಕರ
ಸೆ.30 – ಬುಧವಾರ: ಮುಷ್ಕರ

ಮುಷ್ಕರದ ದಿನಗಳಲ್ಲಿ UPI, ATM, ಮೊಬೈಲ್ ಬ್ಯಾಂಕಿಂಗ್ ಮತ್ತು ಇಂಟರ್‌ನೆಟ್ ಬ್ಯಾಂಕಿಂಗ್ ಸೇವೆಗಳು ಸಾಮಾನ್ಯವಾಗಿ ಮುಂದುವರಿಯುವ ನಿರೀಕ್ಷೆಯಿದೆ. ಆದರೆ ಶಾಖೆಯಲ್ಲಿ ನೇರವಾಗಿ ಮಾಡಬೇಕಾದ ಕೆಲಸಗಳನ್ನು ಮುಂಚಿತವಾಗಿಯೇ ಮುಗಿಸಿಕೊಳ್ಳುವುದು ಸೂಕ್ತ.

##BankStrike2026 #BankHoliday #BankingNews #FiveDayBanking #BankEmployee