ಕಿನ್ಶಾಸಾ: ಡೆಮಾಕ್ರಟಿಕ್ ರಿಪಬ್ಲಿಕ್ ಆಫ್ ಕಾಂಗೋದಲ್ಲಿ ಶುಕ್ರವಾರ ನಡೆದ ಸೇನಾ ವಿಮಾನ ಅಪಘಾತದಲ್ಲಿ ಇಬ್ಬರು ಹಿರಿಯ ಸೇನಾ ಅಧಿಕಾರಿಗಳು ಸೇರಿದಂತೆ 14 ಮಂದಿ ಮೃತಪಟ್ಟಿದ್ದಾರೆ. ಕಿಕ್ವಿಟ್‌ನಿಂದ ರಾಜಧಾನಿ ಕಿನ್ಶಾಸಾಗೆ ಹಿಂದಿರುಗುತ್ತಿದ್ದ ವಿಮಾನವು ತಾಂತ್ರಿಕ ದೋಷಕ್ಕೆ ಒಳಗಾಗಿ ಕ್ವಾಂಗೊ ಪ್ರಾಂತ್ಯದ ಕೆಂಜೆ ಪ್ರದೇಶದಲ್ಲಿ ಅಪಘಾತಕ್ಕೀಡಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಮೃತರಲ್ಲಿ ಲೆಫ್ಟಿನೆಂಟ್ ಜನರಲ್ ಮುತೊಂಬೊ ಕಟಲಾಯಿ ಟಿಯೆಂಡೆ ಮತ್ತು ಲೆಫ್ಟಿನೆಂಟ್ ಜನರಲ್ ಬಕುಮಿ ಲಿಕುಲಿಯಾಸೇರಿದ್ದಾರೆ. ಟಿಯೆಂಡೆ ಅವರು ಕಾಂಗೋದ ಮಿಲಿಟರಿ ಕೋರ್ಟ್‌ನ ಮುಖ್ಯಸ್ಥರಾಗಿದ್ದರೆ, ಲಿಕುಲಿಯಾ ಅವರು ಸಶಸ್ತ್ರ ಪಡೆಗಳ ಆಡಿಟರ್ ಜನರಲ್ ಆಗಿದ್ದರು.

ತಾಂತ್ರಿಕ ದೋಷದ ಬಳಿಕ ತುರ್ತು ಲ್ಯಾಂಡಿಂಗ್ ಪ್ರಯತ್ನ

ಸ್ಥಳೀಯ ಅಧಿಕಾರಿಗಳ ಪ್ರಕಾರ, ವಿಮಾನ ಕಿಕ್ವಿಟ್‌ನಿಂದ ಕಿನ್ಶಾಸಾಗೆ ತೆರಳುತ್ತಿದ್ದಾಗ ತಾಂತ್ರಿಕ ಸಮಸ್ಯೆ ಎದುರಾಯಿತು. ಬಳಿಕ ಕೆಂಜೆಯಲ್ಲಿ ತುರ್ತು ಲ್ಯಾಂಡಿಂಗ್ ಮಾಡಲು ಪ್ರಯತ್ನಿಸಲಾಯಿತು. ಆದರೆ ಅಲ್ಲಿ ಸೂಕ್ತ ರನ್‌ವೇ ಇಲ್ಲದ ಕಾರಣ ವಿಮಾನ ವಸತಿ ಪ್ರದೇಶವೊಂದರಲ್ಲಿ ಪತನಗೊಂಡಿದೆ ಎಂದು ಕ್ವಾಂಗೊ ಪ್ರಾಂತ್ಯದ ಉಪ ಗವರ್ನರ್ ರೆಮಿ ಸಾಕಿ ಬೊಕಿಂಡಾ ತಿಳಿಸಿದ್ದಾರೆ.

Also Read ಕಾಂಗ್ರೆಸ್ ನಿಂದ ''MLC ಮಾಡಿಸುತ್ತೇನೆ'' ಎಂದು 1.5 ಕೋಟಿ ವಂಚನೆ ಆರೋಪ

ಕಾಂಗೋ ಸೇನಾ ವಕ್ತಾರ ಮೇಜರ್ ಜನರಲ್ ಎಫೋಮಿ ಎಕೆಂಗೆ ಪ್ರಕಾರ, ಇಬ್ಬರು ಜನರಲ್‌ಗಳ ಜೊತೆಗೆ ನಿಯೋಗದ ಸದಸ್ಯರು ಹಾಗೂ ವಿಮಾನದ ಸಿಬ್ಬಂದಿಯೂ ಮೃತಪಟ್ಟಿದ್ದಾರೆ. ಸೇನೆಯ ಅಧಿಕೃತ ಹೇಳಿಕೆಯಲ್ಲಿ ಒಟ್ಟು 14 ಸಾವುಗಳು ದೃಢಪಡಿಸಲಾಗಿದೆ.

##DRCongo #CongoPlaneCrash #PlaneCrash #MilitaryPlaneCrash #CongoNews #WorldNews #BreakingNews