ಮಂಗಳೂರು: ಭಾನುವಾರ ಸಮುದ್ರದಲ್ಲಿ ಆಟವಾಡಲು ಇಳಿದಿದ್ದ ಬೆಳ್ತಂಗಡಿ ಕಸಬ ಗ್ರಾಮದ 14 ವರ್ಷದ ವಿದ್ಯಾರ್ಥಿ ಶ್ರೇಯಸ್ ನೀರುಪಾಲಾಗಿದ್ದ. ಎರಡು ದಿನಗಳ ಹುಡುಕಾಟದ ಬಳಿಕ ಮಂಗಳವಾರ ಹೆಜಮಾಡಿ ಅಳಿವೆ ಸಮೀಪ ಅರ್ಧ ಕೊಳೆತ ಸ್ಥಿತಿಯಲ್ಲಿ ಆತನ ಮೃತದೇಹ ಪತ್ತೆಯಾಗಿದೆ. ಮೀನುಗಾರರು ಮೃತದೇಹವನ್ನು ಗಮನಿಸಿ ಪೊಲೀಸರಿಗೆ ಮಾಹಿತಿ ನೀಡಿದ್ದು, ಬಳಿಕ ಕರಾವಳಿ ರಕ್ಷಣಾ ಪೊಲೀಸ್ ಹಾಗೂ ಹೆಜಮಾಡಿ ಠಾಣೆ ಸಿಬ್ಬಂದಿ ಸ್ಥಳಕ್ಕೆ ತೆರಳಿ ಮೃತದೇಹವನ್ನು ಪಣಂಬೂರು ಪೊಲೀಸರ ಮೂಲಕ ಕುಟುಂಬದವರಿಗೆ ಹಸ್ತಾಂತರಿಸಿದ್ದಾರೆ. ಪ್ರಕರಣ ಪಣಂಬೂರು ಠಾಣೆಯಲ್ಲಿ ದಾಖಲಾಗಿದೆ.

ಈ ಘಟನೆ ಬಳಿಕ ಬೀಚ್‌ಗಳಲ್ಲಿ ಸುರಕ್ಷತಾ ವ್ಯವಸ್ಥೆ, ಲೈಫ್‌ಗಾರ್ಡ್‌ಗಳ ಲಭ್ಯತೆ ಮತ್ತು ಅಪಾಯದ ಸೂಚನಾ ಫಲಕಗಳ ಬಗ್ಗೆ ಸಂಬಂಧಪಟ್ಟವರು ಮತ್ತಷ್ಟು ಗಮನ ಹರಿಸಬೇಕಿದೆ. ಆದರೆ ಘಟನೆಗೆ ಹತ್ತಿರಲ್ಲಿ ಲೈಫ್‌ಗಾರ್ಡ್ ಇರಲಿಲ್ಲವೇ?ಬಾಲಕ ಯಾರೊಂದಿಗೆ ಬೀಚ್‌ಗೆ ಬಂದಿದ್ದ? ಒಬ್ಬನೇ ಬಂದಿದ್ದಾನ ಎಂಬಂತಹ ವಿಚಾರಗಳು ಈಗ ಚರ್ಚೆಯಲ್ಲಿವೆ..

Also Read ಮುಂಜಾನೆ ಹೊತ್ತಿ ಉರಿದ ಆಸ್ಪತ್ರೆ…ಜೀವ ಉಳಿಸಿಕೊಳ್ಳಲು ರೋಗಿಗಳ ಪರದಾಟ.ಬಿಹಾರದಲ್ಲಿ ಹೃದಯವಿದ್ರಾವಕ ಘಟನೆ.

ಒಂದು ಕ್ಷಣದ ಆಟ, ಒಂದು ಕುಟುಂಬಕ್ಕೆ ಜೀವನಪೂರ್ತಿ ಮರೆಯಲಾಗದ ನೋವು,ನಷ್ಟ ..ಸಮುದ್ರದ ಅಲೆಗಳು ಹೊರಗಿನಿಂದ ನೋಡಲು ಶಾಂತವಾಗಿದ್ದರೂ, ಒಳಗೆ ಅಪಾಯಕಾರಿ ಸೆಳೆತ, ಆಳ ಮತ್ತು ಅಲೆಗಳ ತೀವ್ರತೆ ಇರಬಹುದು.ಪೋಷಕರಿಗೆ ಒಂದು ಸಣ್ಣ ಮನವಿ…ಮಕ್ಕಳನ್ನು ಸಮುದ್ರದ ಬಳಿ ಕಣ್ಣಿನಿಂದ ದೂರ ಮಾಡಬೇಡಿ. ಮಕ್ಕಳು ಕೂಡ ಎಚ್ಚರಿಕೆ ಫಲಕಗಳು, ಕೆಂಪು ಧ್ವಜ ಅಥವಾ ಅಪಾಯಕಾರಿ ಪ್ರದೇಶಗಳ ಸೂಚನೆಗಳನ್ನು ನಿರ್ಲಕ್ಷಿಸಬೇಡಿ. ಈಜಲು ಬಾರದಿದ್ದರೆ ಸಮುದ್ರಕ್ಕೆ ಇಳಿಯಲೇಬೇಡಿ.

ಶ್ರೇಯಸ್‌ನಂತಹ ಮತ್ತೊಂದು ಜೀವವನ್ನು ಕಳೆದುಕೊಳ್ಳದಂತೆ, ಪ್ರವಾಸಿಗರು, ಪೋಷಕರು ಮತ್ತು ಅಧಿಕಾರಿಗಳು—ಮೂರೂ ಕಡೆಯಿಂದ ಎಚ್ಚರಿಕೆ ಅಗತ್ಯ.

##Mangalore #Panambur #BeachSafety #SeaSafety #ChildSafety #CoastalKarnataka #PublicAwareness