ದುಬೈ ಕನಸು ಕಂಡ ಯುವಕ… ಡ್ರಗ್ ಮಾಫಿಯಾದ ಬಲೆಗೆ ಬಿದ್ದು ಜೈಲು ಸೇರಿದ!

ಬೆಳ್ತಂಗಡಿ ತಾಲೂಕಿನ ಕುವೆಟ್ಟು ಗ್ರಾಮದ ತಲಹ್ ಯಾನೆ ಅನ್ವರ್ ಯಾನೆ ಅನ್ಸಾರ್ (21) ದುಬೈಗೆ ಉದ್ಯೋಗಕ್ಕಾಗಿ ತೆರಳಲು ಸಿದ್ಧತೆ ನಡೆಸಿದ್ದ. ಜುಲೈ 30ರ ಸಂಜೆ ವಿಮಾನ ಏರಿ ಹೊಸ ಜೀವನ ಆರಂಭಿಸುವ ಕನಸು ಆತನದಾಗಿತ್ತು. ಆದರೆ ಒಂದು ತಪ್ಪು ನಿರ್ಧಾರ, ಒಂದು ತಪ್ಪು ಸಂಪರ್ಕ ಆ ಕನಸನ್ನು ಕ್ಷಣಾರ್ಧದಲ್ಲಿ ಪುಡಿಗೈದಿದೆ.

ಬೆಳ್ತಂಗಡಿ ಪೊಲೀಸರು ಬುಧವಾರ ರಾತ್ರಿ ಪಿಲಿಚಂಡಿಕಲ್ಲು ಪ್ರದೇಶದಲ್ಲಿ ಅನುಮಾನಾಸ್ಪದವಾಗಿ ನಿಂತಿದ್ದ ತಲಹ್‌ನನ್ನು ವಶಕ್ಕೆ ಪಡೆದು ವಿಚಾರಣೆ ನಡೆಸಿದಾಗ, ಆತನ ಬಳಿ 20 ಗ್ರಾಂ ಗಾಂಜಾ ಪತ್ತೆಯಾಯಿತು. ನಂತರ ಕಾರಿನ ಪರಿಶೀಲನೆಯಲ್ಲಿ 76 ಗ್ರಾಂ ಎಂಡಿಎಂಎಪತ್ತೆಯಾಗಿದ್ದು, ಒಟ್ಟು 15.41 ಲಕ್ಷ ರೂ. ಮೌಲ್ಯದ ಮಾದಕ ವಸ್ತುಗಳು ಮತ್ತು ಇತರ ವಸ್ತುಗಳನ್ನು ಪೊಲೀಸರು ವಶಪಡಿಸಿಕೊಂಡಿದ್ದಾರೆ.

Also Read ತೊಕ್ಕೊಟ್ಟು ವಿನಮ್ರ ಬಾರ್‌ನಲ್ಲಿ ತಲವಾರು ಹಿಡಿದು ದಾಂಧಲೆ!

ವಿಚಾರಣೆಯಲ್ಲಿ ತಲಹ್, ಗಾಂಜಾವನ್ನು ಹೆಚ್ಚಿನ ಬೆಲೆಗೆ ಮಾರಾಟ ಮಾಡುವ ಉದ್ದೇಶದಿಂದ ಖರೀದಿಸಿದ್ದಾಗಿ ತಿಳಿಸಿದ್ದಾನೆ ಎಂದು ಪೊಲೀಸರು ಹೇಳಿದ್ದಾರೆ. ಪ್ರಕರಣದಲ್ಲಿ ಮತ್ತೋರ್ವ ಆರೋಪಿ ಹಮ್ಮತ್ ಕರಾರ್ ವಿರುದ್ಧವೂ ಪ್ರಕರಣ ದಾಖಲಾಗಿದ್ದು, ತನಿಖೆ ಮುಂದುವರಿದಿದೆ. ತಲಹ್‌ನನ್ನು ನ್ಯಾಯಾಲಯಕ್ಕೆ ಹಾಜರುಪಡಿಸಿ ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಲಾಗಿದೆ.

ಯುವಕರಿಗೆ ಎಚ್ಚರಿಕೆ

ದುಬೈಗೆ ಹೋಗಿ ಉತ್ತಮ ಜೀವನ ಕಟ್ಟಿಕೊಳ್ಳುವ ಕನಸು ಕಂಡಿದ್ದ ಯುವಕ, ಕೊನೆಗೆ ವಿಮಾನ ನಿಲ್ದಾಣದ ಬದಲು ಜೈಲಿನ ದಾರಿ ಹಿಡಿಯಬೇಕಾಯಿತು. ಕ್ಷಣಿಕ ಹಣದ ಆಸೆ, ತಪ್ಪು ಸ್ನೇಹ, ಡ್ರಗ್ ಜಾಲದ ಸಂಪರ್ಕ – ಇವೆಲ್ಲವೂ ಭವಿಷ್ಯವನ್ನೇ ನಾಶ ಮಾಡಬಹುದು.

ಡ್ರಗ್ ಮಾಫಿಯಾ ಮೊದಲು ಹಣದ ಆಸೆ ತೋರಿಸುತ್ತದೆ; ನಂತರ ಕನಸು, ಕುಟುಂಬ, ವೃತ್ತಿ ಮತ್ತು ಜೀವನವನ್ನೇ ಕಸಿದುಕೊಳ್ಳುತ್ತದೆ. ಯುವಕರೇ, ಮಾದಕ ಜಾಲದಿಂದ ದೂರವಿರಿ. ಒಂದು ತಪ್ಪು ಹೆಜ್ಜೆ ಇಡೀ ಜೀವನವನ್ನು ಕತ್ತಲೆಗೆ ತಳ್ಳಬಹುದು.

Also Read ಕುಂದಾಪುರದಲ್ಲಿ ಶಾಕಿಂಗ್ ಘಟನೆ..ಪತ್ನಿಗೆ ವಿಷ ನೀಡಿ ಬಳಿಕ ಪ್ರೇಮಿಯೊಂದಿಗೆ ಆತ್ಮಹತ್ಯೆ..!

##DrugMafia #DrugNetwork #MDMA #Belthangady #KarnatakaPolice #YouthAwareness #KarnatakaNews