ಪ್ರಕರಣದ ಗಂಭೀರತೆ ಮರೆತ ಅಧಿಕಾರಿಗಳು: ಯುಪಿಎಸ್‌ಸಿ ಪಾಸ್ ಮಾಡಿದವರಿಗೆ ಸಾರ್ವಜನಿಕ ನಡವಳಿಕೆಯ ಜ್ಞಾನವಿಲ್ಲವೇ?

ತಮಿಳುನಾಡಿನಲ್ಲಿ 10 ವರ್ಷದ ಬಾಲಕಿಯ ಮೇಲೆ ನಡೆದ ಅತ್ಯಾಚಾರ ಮತ್ತು ಕೊಲೆ ಪ್ರಕರಣ ಇಡೀ ದೇಶವನ್ನೇ ಬೆಚ್ಚಿಬೀಳಿಸಿದೆ. ಆದರೆ, ಇಂತಹ ದಾರುಣ ಸಂದರ್ಭದಲ್ಲೂ ತನಿಖೆಯ ಜವಾಬ್ದಾರಿ ಹೊತ್ತ ಉನ್ನತ ಪೊಲೀಸ್ ಅಧಿಕಾರಿಗಳು ನಡೆದುಕೊಂಡ ರೀತಿ ವ್ಯವಸ್ಥೆಯ ಅತಿ ದೊಡ್ಡ ದುರಂತಕ್ಕೆ ಸಾಕ್ಷಿಯಾಗಿದೆ. ದೇಶದ ಅತ್ಯಂತ ಕಠಿಣವಾದ ಯುಪಿಎಸ್‌ಸಿ (UPSC) ಪರೀಕ್ಷೆ ಪಾಸ್ ಮಾಡಿ, ಉನ್ನತ ಐಪಿಎಸ್ ಹುದ್ದೆಗೇರಿದ ಅಧಿಕಾರಿಗಳಿಗೆ ಸಾರ್ವಜನಿಕವಾಗಿ, ಅದೂ ಇಂತಹ ಸೂಕ್ಷ್ಮ ಸಂದರ್ಭಗಳಲ್ಲಿ ಹೇಗೆ ನಡೆದುಕೊಳ್ಳಬೇಕು ಎಂಬ ಕನಿಷ್ಠ ಜ್ಞಾನವೂ ಇಲ್ಲದಿರುವುದು ಇಡೀ ನಾಗರಿಕ ಸಮಾಜ ತಲೆತಗ್ಗಿಸುವಂತೆ ಮಾಡಿದೆ.

ದಾರುಣ ಘಟನೆ ಮತ್ತು ಅಧಿಕಾರಿಗಳ ಬೇಜವಾಬ್ದಾರಿತನ

ಕೋಯಂಬತ್ತೂರು ಜಿಲ್ಲೆಯ ಸುಲೂರು ವ್ಯಾಪ್ತಿಯಲ್ಲಿ ಚಾಕಲೇಟ್ ಆಮಿಷವೊಡ್ಡಿ 10 ವರ್ಷದ ಮಾಲಿನ್ಯ ಹೆಣ್ಣುಮಗುವನ್ನು ಅಪಹರಿಸಿ, ಅತ್ಯಾಚಾರ ಎಸಗಿ, ಕ್ರೂರವಾಗಿ ಕೊಲೆ ಮಾಡಲಾಗಿತ್ತು. ಈ ಘಟನೆಯ ತನಿಖಾ ಪ್ರಗತಿಯನ್ನು ವಿವರಿಸಲು ಪಶ್ಚಿಮ ವಲಯದ ಐಜಿ ರಮ್ಯಾ, ಕೊಯಂಬತ್ತೂರು ವಿಭಾಗದ ಡಿಐಜಿಪಿ ಸೆಮಿನಾಥನ್ ಮತ್ತು ಎಸ್ಪಿ ಪವನ್ ಕುಮಾರ್ ರೆಡ್ಡಿ ಮೇ 25 ರಂದು ಜಂಟಿ ಪತ್ರಿಕಾಗೋಷ್ಠಿ ಕರೆದಿದ್ದರು. ಆದರೆ, ಇಡೀ ರಾಜ್ಯವೇ ಕಣ್ಣೀರಲ್ಲಿ ಮುಳುಗಿರುವಾಗ, ಈ ಮೂವರೂ ಅಧಿಕಾರಿಗಳು ಟಿವಿ ಕ್ಯಾಮೆರಾಗಳ ಮುಂದೆ ಹರಟೆ ಹೊಡೆಯುತ್ತಾ, ನಗುತ್ತಾ ನಿಂತಿದ್ದ ದೃಶ್ಯಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿ ತೀವ್ರ ಆಕ್ರೋಶಕ್ಕೆ ಕಾರಣವಾಗಿವೆ.

Also Read ಟ್ರಂಪ್ ಮೇಲೆ ದಾಳಿ ಯತ್ನ -ಗನ್ ಸದ್ದು ಮತ್ತೆ ವೈಟ್ ಹೌಸ್ ರಾಜಕೀಯವನ್ನ ನಡುಗಿಸಿದೆ!ಭದ್ರತಾ ಪ್ರಶ್ನೆ!

ನಗು ಆರೋಗ್ಯಕ್ಕೆ ಒಳ್ಳೆಯದು, ಆದರೆ ಅಕಾಲಿಕ ನಗು ಹುಚ್ಚುತನದ ಲಕ್ಷಣ!

“ನಗು ಅತ್ಯುತ್ತಮ ಔಷಧ” ಎಂಬ ಮಾತು ನಿಜ. ಆದರೆ ಎಲ್ಲಿ ನಗಬೇಕು, ಯಾರ ಮುಂದೆ ನಗಬೇಕು ಎಂಬ ವಿವೇಕ ಇರಬೇಕು. ಮಗುವನ್ನು ಕಳೆದುಕೊಂಡು ಪೋಷಕರು ಮತ್ತು ಇಡೀ ಸಮಾಜ ಆಕ್ರೋಶದಿಂದ ಕುದಿಯುತ್ತಿರುವಾಗ, ಅತ್ಯಾಚಾರದಂತಹ ಸೂಕ್ಷ್ಮ ಪ್ರಕರಣದ ಮಾಹಿತಿ ನೀಡಲು ಬಂದು ನಗಾಡುವುದು ವಿಕೃತ ವರ್ತನೆಯಲ್ಲದೆ ಮತ್ತೇನೂ ಅಲ್ಲ? ಅಕಾಲಿಕವಾಗಿ ಮತ್ತು ಅಪ್ರಸ್ತುತವಾಗಿ ನಗುವವರನ್ನು ಸಮಾಜ ‘ಮತಿಹೀನರು’ ಅಥವಾ ‘ಹುಚ್ಚರು’ ಎಂದು ಕರೆಯುತ್ತದೆ. ಸಾರ್ವಜನಿಕರು ಆಕ್ರೋಶ ಭರಿತರಾಗಿದ್ದಾಗ ಸಂವೇದನಾಶೀಲತೆಯಿಂದ ವರ್ತಿಸಬೇಕಾದ ಅಧಿಕಾರಿಗಳು, ತಮಗೂ ಆ ಘಟನೆಗೂ ಸಂಬಂಧವೇ ಇಲ್ಲದಂತೆ ಸಾರ್ವಜನಿಕವಾಗಿ ಹಲ್ಲು ಕಿರಿದಿರುವುದು ಅವರ ಅಮಾನವೀಯತೆಗೆ ಹಿಡಿದ ಕನ್ನಡಿಯಾಗಿದೆ.

Also Read ಮಗಳ ಗಂಡನೇ …ಅತ್ತೆಯ ಗಂಡ! ಹೌದು…ಅಳಿಯ-ಅತ್ತೆಯ ಪ್ರೇಮಕಥೆ ವೈರಲ್!ಕುಟುಂಬ ಸಂಬಂಧಗಳೇ ತಲೆಕೆಳಗು! ಉತ್ತರ ಪ್ರದೇಶದ ಈ ಮದುವೆ ಹಿಂದಿನ ರಹಸ್ಯ ಏನು?

ಕ್ಯಾಮೆರಾ ಆಫ್ ಇರಲಿ, ಆನ್ ಇರಲಿ… ಸಂವೇದನೆ ಮುಖ್ಯ!

“ಇದು ಪತ್ರಿಕಾಗೋಷ್ಠಿ ಆರಂಭವಾಗುವ ಮುನ್ನ ನಡೆದ ಘಟನೆ, ಕ್ಯಾಮೆರಾ ಆನ್ ಆಗಿರುವುದು ಅವರಿಗೆ ತಿಳಿದಿರಲಿಲ್ಲ” ಎಂದು ಕೆಲವರು ಸಮರ್ಥಿಸಿಕೊಳ್ಳಲು ಯತ್ನಿಸುತ್ತಿದ್ದಾರೆ. ಆದರೆ, ಒಬ್ಬ ಐಪಿಎಸ್ ಅಧಿಕಾರಿಗೆ ಘಟನೆಯ ಗಂಭೀರತೆ ಮನಸಿನಲ್ಲಿದ್ದರೆ, ಸುದ್ದಿಗೋಷ್ಠಿಯ ಕೊಠಡಿ ಪ್ರವೇಶಿಸುವಾಗ ಅವರ ಮುಖದಲ್ಲಿ ಗಾಂಭೀರ್ಯವಿರಬೇಕಿತ್ತೇ ಹೊರತು ಲಘುತನವಲ್ಲ. ಕ್ಯಾಮೆರಾ ಮುಂದಷ್ಟೇ ಅಲ್ಲ, ಮನದಾಳದಲ್ಲೂ ಇವರಿಗೆ ಮೃತಪಟ್ಟ ಮಗುವಿನ ಮತ್ತು ಸಂತ್ರಸ್ತ ಕುಟುಂಬದ ನೋವಿನ ಅರಿವಿರಲಿಲ್ಲ ಎಂಬುದನ್ನು ಈ ದೃಶ್ಯಗಳು ಸ್ಪಷ್ಟಪಡಿಸುತ್ತವೆ.

ಕಟಕಟೆಯಲ್ಲಿ ಸಿಎಂ ವಿಜಯ್: ತಕ್ಷಣವೇ ಅಮಾನತು ಮಾಡಿದ ಮುಖ್ಯಮಂತ್ರಿ

ಈ ಅಧಿಕಾರಿಗಳ ಬೇಜವಾಬ್ದಾರಿ ವರ್ತನೆಯಿಂದಾಗಿ ತಮಿಳುನಾಡು ಮುಖ್ಯಮಂತ್ರಿ ವಿಜಯ್ ಅವರು ಸಾರ್ವಜನಿಕವಾಗಿ ಮುಜುಗರಕ್ಕೊಳಗಾಗುವಂತಾಯಿತು ಮತ್ತು ವಿರೋಧ ಪಕ್ಷಗಳ ಟೀಕೆಗೆ ಗುರಿಯಾಗಬೇಕಾಯಿತು. ಪರಿಸ್ಥಿತಿಯ ಗಂಭೀರತೆಯನ್ನು ಅರಿತ ಮುಖ್ಯಮಂತ್ರಿ ವಿಜಯ್ ಅವರು, ಇಂತಹ ಸೂಕ್ಷ್ಮ ಪ್ರಕರಣದಲ್ಲೂ ಜೋಕ್ ಮಾಡಿಕೊಂಡು ನಕ್ಕಿದ್ದ ಐಜಿ ರಮ್ಯಾ, ಡಿಐಜಿಪಿ ಸೆಮಿನಾಥನ್ ಸೇರಿದಂತೆ ಮೂವರೂ ಐಪಿಎಸ್ ಅಧಿಕಾರಿಗಳನ್ನು ತಕ್ಷಣದಿಂದ ಜಾರಿಗೆ ಬರುವಂತೆ ಅಮಾನತು (Suspend) ಮಾಡಿ ಆದೇಶಿಸಿದ್ದಾರೆ.

Also Read ಬಿಡದಿ ಟೌನ್‌ಶಿಪ್ ಯೋಜನೆ ಜಾರಿಗೆ ಸ್ಥಳೀಯ ರೈತರಿಂದಲೇ ಆಗ್ರಹ

ಕೊನೆಯ ಮಾತು: ಕೇವಲ ಪುಸ್ತಕಗಳನ್ನು ಓದಿ, ಪರೀಕ್ಷೆ ಪಾಸ್ ಮಾಡಿ ಅಧಿಕಾರ ಹಿಡಿದ ತಕ್ಷಣ ಯಾರೂ ಶ್ರೇಷ್ಠ ಅಧಿಕಾರಿಗಳಾಗುವುದಿಲ್ಲ. ಅಧಿಕಾರ ಚಲಾಯಿಸುವ ಹುದ್ದೆಯಲ್ಲಿರುವವರಿಗೆ ಸಮಾಜದ ನೋವಿಗೆ ಸ್ಪಂದಿಸುವ ‘ಮಾನವೀಯತೆ’ ಮತ್ತು ಸಂದರ್ಭಕ್ಕೆ ತಕ್ಕಂತೆ ವರ್ತಿಸುವ ‘ಸಂವೇದನಾಶೀಲತೆ’ ಮುಖ್ಯ ಎಂಬುದನ್ನು ಈ ಘಟನೆ ಮತ್ತೊಮ್ಮೆ ಸಾಬೀತುಪಡಿಸಿದೆ. ಇಂತಹ ಅಧಿಕಾರಿಗಳ ವರ್ತನೆ ಇಡೀ ಪೊಲೀಸ್ ಇಲಾಖೆಗೆ ಕಪ್ಪು ಚುಕ್ಕೆಯಾಗಿದೆ.

##IPSSuspended##ShameOnKhaki #BureaucracyInsensitivity##TamilNaduNews #JusticeForMinor