ಕನಸಿನ ಪ್ರವಾಸ… ವಂಚನೆ ಆಗದಂತೆ ಎಚ್ಚರ!fake ರೆಸಾರ್ಟ್ ಹೋಟೆಲ್ಸ್ website ಬುಕಿಂಗ್ scam..!

ಇತ್ತೀಚೆಗೆ ಮೈಸೂರು ಮತ್ತು ಬೆಂಗಳೂರು ಭಾಗಗಳಲ್ಲಿ ಪ್ರವಾಸಿಗರನ್ನು ಗುರಿಯಾಗಿಸಿಕೊಂಡು ನಕಲಿ ಹೋಟೆಲ್ ಮತ್ತು ರೆಸಾರ್ಟ್ ಬುಕ್ಕಿಂಗ್ ವಂಚನೆಗಳು ಹೆಚ್ಚಾಗಿವೆ. ಆನ್‌ಲೈನ್‌ನಲ್ಲಿ ಹೋಟೆಲ್ ಹುಡುಕುವವರನ್ನೇ ಟಾರ್ಗೆಟ್ ಮಾಡಿಕೊಂಡು ಸೈಬರ್ ವಂಚಕರು ಹಣ ಕಸಿದುಕೊಳ್ಳುತ್ತಿದ್ದಾರೆ.

ಈ ವಂಚನೆಗಳಲ್ಲಿ, ವಂಚಕರು ನಿಜವಾದ ಹೋಟೆಲ್/ರೆಸಾರ್ಟ್ ವೆಬ್‌ಸೈಟ್‌ಗಳನ್ನು ನಕಲು ಮಾಡಿ, ಅದರ ಹೆಸರಿನಲ್ಲಿ ಸ್ವಲ್ಪ ಅಕ್ಷರ ಬದಲಾವಣೆ ಮಾಡಿ ಹೊಸ ವೆಬ್‌ಸೈಟ್ ಸೃಷ್ಟಿಸುತ್ತಾರೆ. ಆ ವೆಬ್‌ಸೈಟ್‌ನಲ್ಲಿ ನಿಜವಾದ ಫೋಟೋಗಳು ಮತ್ತು ವೀಡಿಯೊಗಳನ್ನು ಹಾಕಿ ಜನರಿಗೆ ನಂಬಿಕೆ ಮೂಡಿಸುತ್ತಾರೆ. ಬುಕ್ಕಿಂಗ್ ಮಾಡುವಾಗ QR ಕೋಡ್, UPI ಅಥವಾ ಬ್ಯಾಂಕ್ ಟ್ರಾನ್ಸ್‌ಫರ್ ಮೂಲಕ ಹಣ ಪಾವತಿಸಲು ಕೇಳುತ್ತಾರೆ.

ಜನರು ಹಣ ಪಾವತಿಸಿದ ನಂತರ ಮಾತ್ರ ಮೋಸ ಗೊತ್ತಾಗುತ್ತದೆ. ಪ್ರವಾಸಿಗರು ಹೋಟೆಲ್‌ಗೆ ಹೋದಾಗ ಅಲ್ಲಿ ಯಾವುದೇ ಬುಕ್ಕಿಂಗ್ ಆಗಿಲ್ಲ ಎಂದು ತಿಳಿಯುತ್ತದೆ. ಇಂತಹ ಪ್ರಕರಣಗಳಲ್ಲಿ ಕೆಲವರು ಲಕ್ಷಾಂತರ ರೂಪಾಯಿ (₹6 ಲಕ್ಷವರೆಗೆ) ಕಳೆದುಕೊಂಡಿದ್ದಾರೆ. ಮೈಸೂರು ನಗರದಲ್ಲೇ ಸುಮಾರು 60 ಹೋಟೆಲ್ ಮತ್ತು ರೆಸಾರ್ಟ್‌ಗಳಿಗೆ ಸಂಬಂಧಿಸಿದಂತೆ ಇಂತಹ ದೂರುಗಳು ಬಂದಿವೆ.

Also Read ಫುಟ್‌ಪಾತ್ ಬೇಕು, ಆದರೆ ಬದುಕಿಗೂ ಜಾಗ ಬೇಕಲ್ಲವೇ?ಮಂಗಳೂರಿನಲ್ಲಿ ಬೀದಿಬದಿ ಹೂವಿನ ವ್ಯಾಪಾರಕ್ಕೆ ‘ಶಾಕ್’ ವ್ಯಾಪಾರಿಗಳ ತೆರವು ನಿಯಮ ಸರಿ… ಪರ್ಯಾಯ ವ್ಯವಸ್ಥೆ ಎಲ್ಲಿ?

ಇನ್ನಷ್ಟು ಅಪಾಯಕಾರಿ ವಿಷಯವೆಂದರೆ, ಕೆಲವೊಮ್ಮೆ ಹೋಟೆಲ್ ಮಾಲೀಕರು ತಮ್ಮ ಹೆಸರು ಕೆಡುತ್ತದೆ ಎಂಬ ಕಾರಣಕ್ಕೆ ದೂರು ಕೊಡದೇ, ತಮ್ಮ ಖರ್ಚಿನಲ್ಲಿ ಪ್ರವಾಸಿಗರಿಗೆ ಹಣ ಹಿಂದಿರುಗಿಸುತ್ತಿದ್ದಾರೆ. ಜೊತೆಗೆ ವಂಚಕರು ನಕಲಿ Google ಲಿಸ್ಟಿಂಗ್, WhatsApp ಮೂಲಕ ಬುಕ್ಕಿಂಗ್ ರಸೀದಿ, ಹಾಗೂ ಹೋಟೆಲ್ ಸ್ಟಾಫ್ ಎಂದು ಕರೆ ಮಾಡುವಂತಹ ಹೊಸ ತಂತ್ರಗಳನ್ನು ಕೂಡ ಬಳಸುತ್ತಿದ್ದಾರೆ.

ಈ ವಂಚನೆಗಳಿಂದ ತಪ್ಪಿಸಿಕೊಳ್ಳಲು, ಹೋಟೆಲ್ ಬುಕ್ಕಿಂಗ್ ಮಾಡುವ ಮೊದಲು ಅಧಿಕೃತ ವೆಬ್‌ಸೈಟ್ ಸರಿಯಾಗಿದೆಯೇ ಎಂದು ಪರಿಶೀಲಿಸಿ. ಸಾಧ್ಯವಾದರೆ ನೇರವಾಗಿ ಹೋಟೆಲ್‌ಗೆ ಕರೆ ಮಾಡಿ ಖಚಿತಪಡಿಸಿಕೊಳ್ಳಿ. ಕೇವಲ QR ಕೋಡ್ ಅಥವಾ ಅಪರಿಚಿತ ಲಿಂಕ್ ಮೂಲಕ ಹಣ ಪಾವತಿಸಬೇಡಿ. ವಿಶ್ವಾಸಾರ್ಹ ಪ್ಲಾಟ್‌ಫಾರ್ಮ್‌ಗಳು ಆದ Booking.com, MakeMyTrip ಮತ್ತು Goibibo ಬಳಸುವುದು ಉತ್ತಮ. “Pay at Hotel” ಆಯ್ಕೆ ಇದ್ದರೆ ಅದನ್ನೇ ಬಳಸುವುದು ಸುರಕ್ಷಿತ.

Also Read ಮೊಬೈಲ್ ನೋಡುತ್ತಿದ್ದ ಉಡುಪಿ ಡಿಸಿ ವಿರುದ್ಧ ಮುಖ್ಯಮಂತ್ರಿ ಡಿಕೆ ಶಿವಕುಮಾರ್ ಕಿಡಿ

ಯಾವುದೇ ವಂಚನೆ ನಡೆದರೆ ತಕ್ಷಣ Cyber Crime Portal India ನಲ್ಲಿ ದೂರು ನೀಡಬೇಕು ಅಥವಾ 1930 ಹೆಲ್ಪ್‌ಲೈನ್‌ಗೆ ಕರೆ ಮಾಡಬೇಕು. ಜೊತೆಗೆ ನಿಮ್ಮ ಬ್ಯಾಂಕ್‌ಗೆ ತಕ್ಷಣ ಮಾಹಿತಿ ನೀಡಿ ಹಣದ ನಷ್ಟವನ್ನು ಕಡಿಮೆ ಮಾಡಬಹುದು.

##ಸೈಬರ್ವಂಚನೆ #ಎಚ್ಚರಿಕೆ #ಹೋಟೆಲ್‌ಬುಕ್ಕಿಂಗ್ #ಸುರಕ್ಷಿತಪ್ರಯಾಣ #StayAlert #DigitalSafety