ಉಡುಪಿಯ ಕರಾವಳಿ ಬೈಪಾಸ್ ಬಳಿ, ವ್ಯಕ್ತಿಯೊಬ್ಬ ಚಾಕು ಹಿಡಿದು ಬೆದರಿಸಿ ಅಂಗಡಿಯೊಂದರ ಸಾಮಾನುಗಳನ್ನು ಚೆಲ್ಲಾಪಿಲ್ಲಿ ಮಾಡಿ, ಅಂಗಡಿಯ ಮಾಲೀಕನ ಮೇಲೆ ಹಲ್ಲೆ ನಡೆಸುವ ಮೂಲಕ ಸಾರ್ವಜನಿಕವಾಗಿ ಭಯದ ವಾತಾವರಣವನ್ನು ಸೃಷ್ಟಿಸಿದಂತಹ ಘಟನೆಯು ನಡೆದಿದೆ.

ಕಳೆದ ಎರಡು ದಶಕದಿಂದ ಬೇಕರಿ ಅಂಗಡಿಯನ್ನು ನಡೆಸಿಕೊಂಡು ಬರುತ್ತಿದ್ದ ಮನೋಹರ್ ಎಂಬ ವ್ಯಕ್ತಿಯ ಮೇಲೆಯೇ ದೌರ್ಜನ್ಯ ನಡೆದಿದೆ. ಅವರ ಬೇಕರಿಯ ಮೇಲೆಯೇ ದಾಳಿ ನಡೆದಿದೆ. ದಾಳಿ ನಡೆಸಿದ ವ್ಯಕ್ತಿಯ ಹೆಸರು ಅಶೋಕ್. ಕಳೆದ ಕೆಲವು ಸಮಯದ ಹಿಂದಷ್ಟೇ ಈ ಅಶೋಕನೂ ಸಹ ಇದೇ ಪರಿಸರದಲ್ಲಿ ಬೇಕರಿ ಒಂದನ್ನು ಪ್ರಾರಂಭಿಸಿರುತ್ತಾನೆ. ಆತನ ಬೇಕರಿಗೆ ಜನರು ಹೋಗದೆ ಇರುವುದು ಒಂದಾದರೆ, ಮನೋಹರ ಅವರ ಬೇಕರಿಗೆ ಸದಾ ಜನರು ಹೋಗುತ್ತಿರುವುದನ್ನು ನೋಡಿ ಸಿಟ್ಟಾದ ಅಶೋಕ್ ಚಾಕು ಹಿಡಿದು ಬಂದು ಗುಂಡಾಗಿರಿ ನಡೆಸಿದ್ದಾನೆ ಎಂದು ಪ್ರತ್ಯಕ್ಷ ದರ್ಶಿಗಳು ಹೇಳುತ್ತಿದ್ದಾರೆ.

Also Read ಮೊದಲ ದಿನವೇ ಯು.ಟಿ. ಖಾದರ್ ಖಡಕ್ ನಡೆ …PF ಕೊಡದ ಗುತ್ತಿಗೆದಾರನಿಗೆ ನೋಟಿಸ್, ಅಧಿಕಾರಿಗಳಿಗೆ ತರಾಟೆ

ಇಂತಹ ಗುಂಡಾ ಪ್ರವೃತ್ತಿಯ ಅಶೋಕನ ಬೇಕರಿಗೆ ಸಭ್ಯರ್ಯಾರು ಹೋಗಲಾರರು. ಸನ್ನಡತೆ ಇಲ್ಲದಿದ್ದರೆ ಯಾರು ಹೋಗುತ್ತಾರೆ ಹೇಳಿ. ಇಲ್ಲಿ ಆದದ್ದು ಅದೇ ಅನ್ನಿಸುತ್ತದೆ ಎಂದು ಸಾರ್ವಜನಿಕರು ಮಾತನಾಡಿಕೊಳ್ಳುತ್ತಿದ್ದಾರೆ. ವ್ಯಾಪಾರ ಇಲ್ಲದೆ ನೊಣ ಹೊಡೆಯುತ್ತಿದ್ದ ಅಶೋಕನಿಗೆ ಮನೋಹರನ ವ್ಯಾಪಾರ ನೋಡಿ ಹೊಟ್ಟೆ ಉರಿ ಯಾದಂತಿದೆ. ಹಾಗಾಗಿ, ಮನೋಹರ್ ಅವರ ಬೇಕರಿ ಮೇಲೆ ದಾಳಿ ನಡೆಸಿದ್ದಾನೆ. ಅವರ ಬೇಕರಿಯ ವಸ್ತುಗಳನ್ನು ಚೆಲ್ಲಾಪಿಲ್ಲಿ ಮಾಡಿದ್ದಾನೆ ಹಾಗೆಯೇ ಬೇಕರಿಯ ಒಳ ನುಗ್ಗೆ ಮನೋಹರನ ಕಾಲರ್ ಹಿಡಿದು ಹಲ್ಲೆ ನಡೆಸಿದ್ದಾನೆ ಎಂದು ಹೇಳಲಾಗುತ್ತಿದೆ. ಒಟ್ಟಿನಲ್ಲಿ ಅಶೋಕನ ದಾಂದಲೆಯಿಂದ ಈ ಪರಿಸರದಲ್ಲಿ ಒಂದಿಷ್ಟು ಭಯದ ವಾತಾವರಣ ಸೃಷ್ಟಿಯಾದದ್ದು ಸುಳ್ಳಲ್ಲ. ಈ ಬಗ್ಗೆ ಉಡುಪಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ ಎಂದು ತಿಳಿದುಬಂದಿದೆ. ಗುಂಡಾ ಪ್ರವೃತ್ತಿಯ ವ್ಯಕ್ತಿಗಳ ಮೇಲೆ ಪೊಲೀಸರು ಕಠಿಣ ಕ್ರಮ ಕೈಗೊಳ್ಳಬೇಕು ಎಂಬ ಆಗ್ರಹಾವು ಸಾರ್ವಜನಿಕ ವಲಯದಿಂದ ಕೇಳಿಬರುತ್ತಿದೆ.

Also Read ಬರ್ಗಿ ಅಣೆಕಟ್ಟಿನಲ್ಲಿ ಭೀಕರ ದುರಂತ-ಕರುಳು ಹಿಂಡುವ ದೃಶ್ಯ ಅಮ್ಮ-ಮಗು ಅಪ್ಪಿಕೊಂಡೇ ಜಲಸಮಾದಿ ಸಂತೋಷದ ಪ್ರವಾಸದಿಂದ ಶೋಕದ ಸಾಗರಕ್ಕೆ