ಮಾಜಿ ಸಚಿವ ವಿನಯ್ ಕುಲಕರ್ಣಿಗೆ, ಬಿಜೆಪಿ ಯುವ ನಾಯಕ ಯೋಗೀಶ್ ಗೌಡ ಮರ್ಡರ್ ಪ್ರಕರಣಕ್ಕೆ ಸಂಬಂಧಪಟ್ಟಂತೆ ಜೀವಾವಧಿ ಶಿಕ್ಷೆ ಘೋಷಣೆಯಾಗಿದೆ.

ತಮ್ಮನ್ನು ತಾವು ಇಲ್ಲಿಯವರೆಗೂ ಅಮಾಯಕರು, ಆ ಕೊಲೆ ಪ್ರಕರಣಕ್ಕೂ ತಮಗೂ ಏನೂ ಸಂಬಂಧವಿಲ್ಲ ಅಂತ ಹೇಳಿಕೊಳ್ಳುತ್ತಲೇ ಬಂದಿದ್ದ ವಿನಯ್ ಕುಲಕರ್ಣಿ ಅವರ ಮಾತಿಗೆ ವಿರುದ್ಧವಾದ ತೀರ್ಪು ನ್ಯಾಯಾಲಯದಿಂದ ಬಂದಿದೆ.

ಈ ಬಗ್ಗೆ ರಾಜ್ಯದ ಉಪಮುಖ್ಯಮಂತ್ರಿ ಡಿಕೆ ಶಿವಕುಮಾರ್ ನೀಡಿರುವ ಹೇಳಿಕೆ ಸಂಚಲನವನ್ನು ಮೂಡಿಸಿದೆ. ಅಷ್ಟಕ್ಕೂ ಡಿಕೆ ಶಿವಕುಮಾರ್ ಹೇಳಿದ್ದೇನು?

ಸಿಬಿಐ ನ್ಯಾಯಾಲಯದಲ್ಲಿ ವಿನಯ್ ಕುಲಕರ್ಣಿ ತಪ್ಪಿತಸ್ಥರು ಅಂತ ತೀರ್ಮಾನವಾಗಿದ್ದು ನಿಜವೇ ಆಗಿದ್ದರೂ, ಅದೇ ಫೈನಲ್ ಅಲ್ಲ. ವಿನಯ್ ಕುಲಕರ್ಣಿಯವರಿಗೆ ಮೇಲ್ಮನವಿ ಸಲ್ಲಿಸಲು ಅವಕಾಶವಿದೆ. ಈ ಪ್ರಕರಣದಲ್ಲಿ ನನಗೆ ಗೊತ್ತಿರುವಂತೆ ವಿನಯ್ ಕುಲಕರ್ಣಿ ಭಾಗಿಯಲ್ಲ. ಇದು ರಾಜಕಾರಣದ ಭಾಗವಾಗಿದೆ. ನಾನೂ ಸಹ, ಇಂತಹ ಸಮಸ್ಯೆಯನ್ನು ಎದುರಿಸಿದ್ದೇನೆ. ನಾನು ರಾಜಕಾರಣದ ಭಾಗವಾಗಿಯೇ ಜೈಲಿಗೆ ಹೋಗಿ ಬಂದಿದ್ದೇನೆ. ಹಾಗಾಗಿ ಈ ಒಂದು ಆದೇಶದಿಂದ ವಿನಯ್ ಕುಲಕರ್ಣಿಯಾಗಲಿ ಅವರ ಕುಟುಂಬದವರಾಗಲಿ ಕಂಗಾಲಾಗುವ ಅವಶ್ಯಕತೆ ಇಲ್ಲ. ಒಳ್ಳೆಯ ಸಮಯ ಮುಂದಿನ ದಿನದಲ್ಲಿ ಬರಬಹುದು ಅಂತ ಕುಟುಂಬಸ್ಥರಿಗೆ ಸಾಂತ್ವಾನ ಹೇಳುವ ರೀತಿಯಲ್ಲಿ ಡಿಕೆ ಶಿವಕುಮಾರ್ ಹೇಳಿರುವಂತದ್ದು ಶಾಕ್ ನೀಡಿದೆ ಅಂತ ಸಾಮಾಜಿಕ ಕಾರ್ಯಕರ್ತರೊಬ್ಬರು ಹೇಳಿದ್ದಾರೆ.

Also Read “ASDDO ಪಟ್ಟಿಯಲ್ಲಿ 1.11 ಕೋಟಿ ಮತದಾರರು…!ನಿಮ್ಮ ಹೆಸರು ಇದೆಯೇ? ವೋಟರ್ ಲಿಸ್ಟ್‌ನಲ್ಲಿ ನಿಮ್ಮ ಹೆಸರು ಮಿಸ್ಸಿಂಗ್?ಫಾರ್ಮ್-6 ಸಲ್ಲಿಸಲು ಮರೆಯಬೇಡಿ!

ನ್ಯಾಯಾಲಯದ ಆದೇಶದ ವಿಚಾರವಾಗಿ ಈ ರೀತಿಯ ಸ್ಟೇಟ್ಮೆಂಟ್ ಗಳು ದೊಡ್ಡವರಿಂದಲೇ ಬಂದರೆ ನ್ಯಾಯಾಲಯದ ಘನತೆ ಕೆಳಗೆ ಇಳಿಯುವುದಿಲ್ಲವೇ ಅನ್ನೋದು ಅವರ ಪ್ರಶ್ನೆಯಾಗಿದೆ.