ಉಡುಪಿ: ಜಗದ್ಗುರು ಶ್ರೀಶ್ರೀ ಶಂಕರಾಚಾರ್ಯರ ಕುರಿತು ನಿಂದನಾತ್ಮಕ ಪ್ರವಚನವಿರುವ ವಿಡಿಯೋವನ್ನು ಸಾಮಾಜಿಕ ಜಾಲತಾಣದಲ್ಲಿ ಹರಿಯಬಿಟ್ಟ ಹಿನ್ನೆಲೆಯಲ್ಲಿ ಉಂಟಾದ ತೀವ್ರ ವಿರೋಧದ ಬಳಿಕ ಉಡುಪಿ ಶಿರೂರು ಮಠವು ವಿಷಾದ ವ್ಯಕ್ತಪಡಿಸಿ ಪತ್ರಿಕಾ ಪ್ರಕಟಣೆ ಹೊರಡಿಸಿದೆ.

“ಅದ್ವೈತ ಜಾಗರಣ ವೇದಿಕೆ” ಎಂಬ ಫೇಸ್‌ಬುಕ್ ಗ್ರೂಪ್‌ನಲ್ಲಿ ಹಂಚಿಕೆಯಾಗಿದ್ದ ವಿಡಿಯೋದಲ್ಲಿ ಶಂಕರಾಚಾರ್ಯರ ಬಗ್ಗೆ ಆಕ್ಷೇಪಾರ್ಹ ಹೇಳಿಕೆಗಳಿದ್ದವು. ಈ ವಿಡಿಯೋ ವೈರಲ್ ಆದ ಬೆನ್ನಲ್ಲೇ ಶಂಕರಾಚಾರ್ಯರ ಭಕ್ತರು ಮತ್ತು ಅದ್ವೈತ ಸಮುದಾಯದಿಂದ ತೀವ್ರ ಆಕ್ರೋಶ ವ್ಯಕ್ತವಾಯಿತು.

ಈ ಬೆಳವಣಿಗೆಯ ಹಿನ್ನೆಲೆಯಲ್ಲಿ ಉಡುಪಿ ಶ್ರೀಕೃಷ್ಣ ಮಠದ ಪರ್ಯಾಯ ಶ್ರೀ ಶಿರೂರು ಮಠದ ದಿವಾನರು ಈ ಘಟನೆಯನ್ನು “ಅನಪೇಕ್ಷಿತ” ಎಂದು ಉಲ್ಲೇಖಿಸಿ ತೀವ್ರ ವಿಷಾದ ವ್ಯಕ್ತಪಡಿಸಿ ಪತ್ರ ಬಿಡುಗಡೆ ಮಾಡಿದ್ದಾರೆ.

Also Read ಪ್ರಧಾನಿ ಮೋದಿ ನೆದರ್ಲ್ಯಾಂಡ್ ಭೇಟಿ ಭಾರತ ಸಹಕಾರದ ಸೇತುವೆ ಕಟ್ಟುವ ದ್ವಿಪಕ್ಷೀಯ ಸಂಬಂಧಗಳ ವಿಸ್ತರಣೆ…

ಅಲ್ಲದೇ, ವಿಡಿಯೋದಲ್ಲಿ ನಿಂದನಾತ್ಮಕ ಪ್ರವಚನ ನೀಡಿದ್ದ ಬಾಲಕಿಯಿಂದಲೂ ಕ್ಷಮಾಪಣಾ ವಿಡಿಯೋ ಮಾಡಿಸಲಾಗಿದೆ.

ಅದ್ವೈತ ಸಮುದಾಯದ ಆಕ್ಷೇಪ

ಆದರೆ ಕೇವಲ ವಿಷಾದ ವ್ಯಕ್ತಪಡಿಸುವುದರಿಂದ ಮಾಧ್ವ ಮಠ ಅಥವಾ ಮಾಧ್ವ ಸಮುದಾಯವು ಈ ಜವಾಬ್ದಾರಿಯಿಂದ ನುಣುಚಿಕೊಳ್ಳಲು ಸಾಧ್ಯವಿಲ್ಲ ಎಂದು ಅದ್ವೈತ ಸಮುದಾಯದ ಮುಖಂಡರು ಆಕ್ಷೇಪಿಸಿದ್ದಾರೆ.

“ಇದು ಗೊತ್ತಿಲ್ಲದೆ ನಡೆದ ಘಟನೆಯಲ್ಲ. ಪುಟ್ಟ ಮಕ್ಕಳು ದೊಡ್ಡವರ ಮಾರ್ಗದರ್ಶನವಿಲ್ಲದೆ ಬಾಯಿತಪ್ಪಿ ಹೇಳಿದ ಮಾತುಗಳೂ ಅಲ್ಲ. ಮಾಧ್ವ ಮಠದವರ ಗ್ರಂಥಗಳಲ್ಲೇ ಶಂಕರಾಚಾರ್ಯರ ನಿಂದನೆ ತುಂಬಿ ತುಳುಕುತ್ತಿದೆ” ಎಂದು ಅವರು ಆರೋಪಿಸಿದ್ದಾರೆ.

ಜಾಗೃತಗೊಂಡ ಅದ್ವೈತಿಗಳು

“ಒಂದು ಸಂತೋಷದ ವಿಷಯವೆಂದರೆ ಅದ್ವೈತಿಗಳು ಈಗ ಜಾಗೃತರಾಗಿದ್ದಾರೆ. ಜಗದ್ಗುರು ಶ್ರೀಶ್ರೀ ಶಂಕರಾಚಾರ್ಯರ ನಿಂದಾ ನಿರ್ಮೂಲನೆಗಾಗಿ ನಾವು ಹೋರಾಟ ಆರಂಭಿಸಿದಾಗ ಅದ್ವೈತಿಗಳು ಸುಮ್ಮನಿದ್ದರು. ಆದರೆ ಈಗ ಪರಿಸ್ಥಿತಿ ಬದಲಾಗಿದೆ. ನಿಂದನೆ ಕಂಡಲ್ಲಿ ತೀವ್ರವಾಗಿ ವಿರೋಧಿಸುತ್ತಿದ್ದಾರೆ” ಎಂದು ಅವರು ಹೇಳಿದ್ದಾರೆ.

Also Read ಕಾಪು ಮಹಿಳೆ ಹತ್ಯೆ – ಇಬ್ಬರು ಪೊಲೀಸ್ ವಶಕ್ಕೆ

ಎಲ್ಲಾ ಅದ್ವೈತಿಗಳ ತೀವ್ರ ವಿರೋಧದ ಹಿನ್ನೆಲೆಯಲ್ಲೇ ಇಂದು ಮಾಧ್ವ ಮಠವು ವಿಷಾದ ವ್ಯಕ್ತಪಡಿಸಲು ಮುಂದಾಗಿದೆ. “ಶಂಕರಾಚಾರ್ಯರ ನಿಂದನೆ ಆಕ್ಷೇಪಾರ್ಹ ಎಂಬುದು ಮಾಧ್ವ ಮಠಕ್ಕೆ ಅರಿವಾಗಿದೆ. ಕ್ಷಮಾಪಣೆ ಕೇಳಬೇಕು ಎಂಬ ಮನಸ್ಥಿತಿ ಮೂಡಿದೆ. ನಿಂದನೆಯನ್ನು ಸತ್ಯವೆಂದು ಮೊಂಡುವಾದ ಮಾಡಿಲ್ಲ” ಎಂದು ಅವರು ಅಭಿಪ್ರಾಯಪಟ್ಟಿದ್ದಾರೆ.