5.5 ವರ್ಷದ ಬಾಲಕಿ ಕೊಲೆ ಕೇಸ್: 3 ತಿಂಗಳು FIR ದಾಖಲಿಸದ 3 ಪೊಲೀಸರು ಸಸ್ಪೆಂಡ್, “ದೊಡ್ಡವರ ತಪ್ಪಿಗೆ ಚಿಕ್ಕವರಿಗೆ ಶಿಕ್ಷೆ”

ಬುಧವಾರ – ಕಳೆದ 3 ತಿಂಗಳಿಂದ ಜನರ ಮನ ಕಲಕುತ್ತಿದ್ದ ಐದುವರೆ ವರ್ಷದ ಬಾಲಕಿ ಕೊಲೆ ಪ್ರಕರಣದಲ್ಲಿ ಇದೀಗ ಪೊಲೀಸ್ ಇಲಾಖೆಯ ಮೇಲೆಯೇ ಅನುಮಾನದ ಬೆರಳು ತಿರುಗಿದೆ. ಪ್ರಕರಣದಲ್ಲಿ ಲೋಪವೆಸಗಿದ ಆರೋಪದ ಮೇಲೆ 3 ಪೊಲೀಸ್ ಅಧಿಕಾರಿಗಳನ್ನು ಇಂದು ಅಮಾನತುಗೊಳಿಸಲಾಗಿದೆ.

ಸಸ್ಪೆಂಡ್ ಆದ ಪೊಲೀಸರು ಯಾರು?
ಇಲಾಖೆ ಇನ್ನೂ ಅಧಿಕೃತವಾಗಿ ಹೆಸರು ಬಹಿರಂಗಪಡಿಸಿಲ್ಲ. ಆದರೆ ಸ್ಥಳೀಯ ಮೂಲಗಳ ಪ್ರಕಾರ, ಮಗು ಸಾವನ್ನಪ್ಪಿ 3 ತಿಂಗಳಾದರೂ FIR ದಾಖಲಿಸದೇ ವಿಳಂಬ ಮಾಡಿದ ಠಾಣೆಯ ಉನ್ನತ ಅಧಿಕಾರಿಗಳು ಈ ಪಟ್ಟಿಯಲ್ಲಿದ್ದಾರೆ. “ಮಗು ಸತ್ತು 3 ತಿಂಗಳು, FIRನೇ ದಾಖಲಿಸದ ಅಧಿಕಾರಿಗಳು ಇನ್ನೇನು ಮಾಡಿಯಾರು” ಎಂದು ಹಿರಿಯ ಅಧಿಕಾರಿಗಳು ಅವರನ್ನು ಮನೆಗೆ ಕಳುಹಿಸಿದ್ದಾರೆ.

Also Read ಅಮೆರಿಕದ ಭೀಕರ ವಾಯು ದಾಳಿ: ಇರಾನ್‌ನ ಆರ್ಥಿಕ ಹೃದಯ ‘ಖಾರ್ಗ್ ದ್ವೀಪ’ದ ಸೇನಾ ನೆಲೆಗಳು ಧ್ವಂಸ – ಪ್ರತಿದಾಳಿ ಮಾಡಿದರೆ ತೈಲ ಕೇಂದ್ರಗಳೇ ಮುಂದಿನ ಗುರಿ ಎಂದು ಟ್ರಂಪ್ ಕಠಿಣ ಎಚ್ಚರಿಕೆ

ಆರೋಪಿ ಪ್ರಿಯಾಂಕ ಬಾಯ್ಬಿಟ್ಟ ಸತ್ಯವೇನು?
ನಿನ್ನೆ ಪೊಲೀಸರು ಸಕಲೇಶ್‌ಪುರದವರೆಗೆ ಹೋಗಿ ಪ್ರಮುಖ ಆರೋಪಿ ಪ್ರಿಯಾಂಕಳನ್ನು ಬಂಧಿಸಿ ಕರೆತಂದರು. ನ್ಯಾಯಾಧೀಶರ ಮುಂದೆ ಹಾಜರುಪಡಿಸಿ 5 ದಿನಗಳ ಪೊಲೀಸ್ ಕಸ್ಟಡಿ ಪಡೆದಿದ್ದಾರೆ.

ಕಸ್ಟಡಿ ವಿಚಾರಣೆ ವೇಳೆ ಆ “ಕಿಲ್ಲರ್ ಅಮ್ಮ” ಮಗುವನ್ನು ಕೊಂದ ನಂತರ ಏನೆಲ್ಲಾ ಮಾಡಿದಳು, ಯಾವ ಕಾರಣಕ್ಕೆ ಕೊಲೆ ಮಾಡಿದಳು ಎಂಬುದನ್ನು ಡಿಟೇಲ್ ಆಗಿ ಹೇಳಿದ್ದಾಳೆ. ಆಕೆ ಹೇಳಿದ ಕ್ರೂರತೆಯನ್ನು ಕೇಳಿ ಸ್ವತಃ ತನಿಖಾಧಿಕಾರಿಗಳೇ ದಂಗಾಗಿದ್ದಾರೆ ಎನ್ನಲಾಗಿದೆ.

ಕೇಸ್ ಈಗ ಯಾರ ಕೈಯಲ್ಲಿ?
ವಿಳಂಬ ಮತ್ತು ಲೋಪದ ಆರೋಪದ ಹಿನ್ನೆಲೆಯಲ್ಲಿ ಈಗ ಪ್ರಕರಣ ACP ಅನುಷಾ ರವರಿಗೆ ವರ್ಗಾವಣೆಯಾಗಿದೆ. “ದೊಡ್ಡವರ ತಪ್ಪಿಗೆ ಚಿಕ್ಕವರಿಗೆ ಶಿಕ್ಷೆ” ಎಂಬಂತಾಗಿರುವ ಪೊಲೀಸರ ಅಮಾನತು ಕಥೆ ಇದೀಗ ಬಿಸಿ ಬಿಸಿ ಚರ್ಚೆಯಾಗಿದೆ.

Also Read ಪರಿಸರ ನಾಶಕ್ಕಾಗಿ ಸುಳ್ಳು ಸರ್ಟಿಫಿಕೇಟ್ ರೆಡಿಮಾಡಿಕೊಂಡು ಒಂದು ಊರನ್ನೇ ಭಯದಲ್ಲಿರಿಸಿದ ಉಡುಪಿ ಜಿಲ್ಲಾ ಆಡಳಿತ

ಜನರ ಪ್ರಶ್ನೆ ಒಂದೇ, ಹೆಣ್ಣುಮಗಳ ಸಾವಿಗೆ ಮತ್ತೊಬ್ಬ ಹೆಣ್ಣುಮಗಳು ನ್ಯಾಯ ಕೊಡಿಸುತ್ತಾರಾ? ACP ಅನುಷಾ ಅವರ ತನಿಖೆಯತ್ತ ಎಲ್ಲರ ಚಿತ್ತ.

ಇಂಥ ಕ್ರೂರತೆಯನ್ನು ತಿಳಿದುಕೊಂಡೂ ತಕ್ಷಣ ಕ್ರಮ ಕೈಗೊಳ್ಳದ ಪೊಲೀಸರಿಗೂ ಕಠಿಣ ಶಿಕ್ಷೆಯಾಗಬೇಕು. ಇಲ್ಲದಿದ್ದರೆ ಸಮಾಜಕ್ಕೆ ತಪ್ಪು ಸಂದೇಶ ಹೋಗುತ್ತದೆ. 5.5 ವರ್ಷದ ಮಗುವಿನ ಸಾವಿಗೆ ನ್ಯಾಯ ಸಿಗುವವರೆಗೆ ಹೋರಾಟ ಮುಂದುವರೆಯಬೇಕು. ಎಸಿಪಿ ಅನುಷಾ ನೇತ್ರತ್ವದಲ್ಲಿ ತನಿಖೆ ಮುಂದುವರೆದಿದೆ

##JusticeForChild #ChildMurderCase #PoliceSuspension #ACPAnusha #BreakingNews