ನಿನ್ನೆ ಸಂಜೆಯ ಹೊತ್ತಿನಲ್ಲಿ, ಬೈಕಿನಲ್ಲಿ ಬಂದ ದುಷ್ಕರ್ಮಿಗಳು ಎದ್ವಾತದ್ವ ಹಾರಸಿದ ಗುಂಡಿಗೆ, ಚಂದ್ರನಾಥ್ ಎಂಬ ನಿಷ್ಠಾವಂತ ವ್ಯಕ್ತಿ ಮೃತಪಟ್ಟಿದ್ದಾರೆ. ಅಷ್ಟಕ್ಕೂ ಈ ಚಂದ್ರನಾಥ್ ಯಾರು? ಆತನ ಮೇಲೆ ಯಾಕೆ ಈ ಗುಂಡಿನ ದಾಳಿ ನಡೆಯಿತು? ಈ ಬಗ್ಗೆ ನ್ಯಾಯಯುತವಾದ ತನಿಖೆಯಾಗಬೇಕು? ಈ ಕೊಲೆ ಮಾಡಿಸಿದವರು ಯಾರೇ ಆಗಿರಲಿ, ಅವರ ದುಷ್ಕ್ರತ್ಯ ಬಯಲಾಗಬೇಕು.

ಹತ್ಯಯಾದ ಚಂದ್ರನಾಥಗೆ ಇನ್ನು 41 ವರ್ಷ, ಪಶ್ಚಿಮ ಬಂಗಾಳದ ಮೇದಿನಿ ಪುರ ಮೂಲದವರಾದ ಇವರು, ಮಾಜಿ ಸೈನಿಕ ಕೂಡ ಹೌದು. ಈ ಮನುಷ್ಯ BJP ನಾಯಕ ಸುವೆಂದು ಅಧಿಕಾರಿ ಅವರ ಆಪ್ತ ಸಹಾಯಕರಾಗಿ ಗುರುತಿಸಿಕೊಂಡವರು. ಅಧಿಕಾರಿಯ ರಾಜಕೀಯ ಸಕ್ಸಸ್ ಹಿಂದೆ ಚಂದ್ರನಾಥರ ಕಾರ್ಯತಂತ್ರ ಕೆಲಸ ಮಾಡಿದೆ ಅನ್ನೋದು ಎಷ್ಟು ಜನರಿಗೆ ಗೊತ್ತಿತ್ತೋ ಗೊತ್ತಿಲ್ಲ, ಆದರೆ ಅಲ್ಲಿನ ಮಾಧ್ಯಮ ಮಿತ್ರರಿಗೆ ಇದರ ಅರಿವಿತ್ತು. ಸಾಮಾನ್ಯ ಜನರ ದೃಷ್ಟಿಯಲ್ಲಿ ಎಲೆಯ ಮರೆಯ ಕಾಯಿಯಾಗಿದ್ದರು ಅಷ್ಟೇ. ಅಧಿಕಾರಿಯ ಪರವಾಗಿ ಇಷ್ಟೆಲ್ಲ ಮಾಡಿ, ಇನ್ನೇನು ಮುಖ್ಯಮಂತ್ರಿ ಗಾದಿಗೆ ಏರುವ ಹೊತ್ತಿನಲ್ಲಿ ಚಂದ್ರನಾಥರ ಮೇಲೆ ಈ ಭೀಕರ ಅಟ್ಯಾಕ್ ನಡೆದಿದೆ.

ಪ್ರತಿಯೊಂದು ದುಷ್ಕೃತ್ಯದ ಹಿಂದೆಯೂ, ನಾವಂದು ಕೊಂಡದ್ದಕ್ಕಿಂತ ಬೇರೆಯದೆ ಕೈ ಕೆಲಸ ಮಾಡಿರುತ್ತದೆ ಅನ್ನುವುದಕ್ಕೆ ಹಲವು ಅಪರಾಧ ಪ್ರಕರಣಗಳು ಸಾಕ್ಷಿ ನುಡಿಯುತ್ತವೆ. ಇಲ್ಲಿಯೂ ಸಹ, ಅಂತಹುದೇ ಒಂದು ಕಾಣದ ಕೈ ಕೆಲಸ ಮಾಡಿದಂತೆ ಕಾಣುತ್ತದೆ ಅನ್ನುವುದು ಅಲ್ಲಿನ ರಾಜಕೀಯ ಹಾಗೂ ಅಪರಾಧ ಜಗತ್ತಿನ ಬಗ್ಗೆ ಸಾಕಷ್ಟು ವರದಿ ಮಾಡಿದಂತಹ ಪತ್ರಕರ್ತರೊಬ್ಬರ ಅಭಿಪ್ರಾಯವಾಗಿದೆ. ಚಂದ್ರನಾಥರ ಹತ್ಯೆಯ ಹಿಂದೆ ಇರುವ ಆ ಕಾಣದ ಕೈ ಯಾವುದು? ಪಶ್ಚಿಮ ಬಂಗಾಳದಲ್ಲಿ ನಡೆಯುತ್ತಿರುವ ರಾಜಕೀಯ ಜಿದ್ದಾಜಿದ್ದಿ ಹಾಗೂ ಹಿಂಸಾಚಾರ ಇವೆರಡನ್ನೇ ಗಮನದಲ್ಲಿಟ್ಟುಕೊಂಡು ಹೋದರೆ, ಸಹಜವಾಗಿ ಚಂದ್ರನಾಥರ ಹತ್ಯೆಯ ಹಿಂದೆ ಟಿಎಂಸಿ ಇರಬಹುದು ಎಂಬ ಅನುಮಾನ ಬರುತ್ತದೆ. ಸಹಜವಾಗಿ ಇದನ್ನು ಜನರು ಈ ಸಂದರ್ಭ ದಲ್ಲಿ ನಂಬುತ್ತಾರೆ ಕೂಡ. ಆದರೆ ಇದೇ ಸತ್ಯ ಆಗಬೇಕೆಂದಿಲ್ಲ. ಟಿಎಂಸಿಯ ಮೇಲೆ ಅನುಮಾನ ಬರಲೆಂದೇ ಅಥವಾ ಟಿಎಂಸಿಯ ಮೇಲೆ ಈ ಪ್ರಕರಣವನ್ನು ಹೊರಸಿ ಲಾಭ ಪಡೆಯಲೆಂದೆ ಈ ದುಷ್ಕೃತ್ಯ ನಡೆಸಿರಬಹುದು. ಇಂತಹ ಹಲವು ಅಪರಾಧಗಳು ಈ ಹಿಂದೆ ನಡೆದಿದೆ ಕೂಡ. ಅದೇನೇ ಇರಲಿ ಚಂದ್ರನಾಥರ ಹತ್ಯೆಯ ಹಿಂದಿನ ಸತ್ಯ ಬಯಲಾಗಲೇಬೇಕು.

ಚಂದ್ರನಾಥ್, ರಾಮಕೃಷ್ಣ ಮಿಷನ್ ಸಂಸ್ಥೆಯಲ್ಲಿ ಶಿಕ್ಷಣ ಪಡೆದವರು ಹಾಗೂ ಆ ಸಂಸ್ಥೆಯಲ್ಲಿ ಸ್ವಯಂಸೇವಕರಾಗಿ ದುಡಿದವರು. ಶಿಸ್ತಿನ ವ್ಯಕ್ತಿ ಅನ್ನುವುದರಲ್ಲಿ ಎರಡು ಮಾತೇ ಇಲ್ಲ. ಈ ಹಿಂದೆ ಚಂದ್ರನಾಥರ ಕುಟುಂಬ ಸಹ ಟಿಎಂಸಿಯ ಭಾಗ ಆಗಿತ್ತು. ಸುವೆಂದು ಅಧಿಕಾರಿಯ ಜೊತೆಗೆ ಚಂದ್ರನಾಥ್ ಕೂಡ ಟಿಎಂಸಿಯಿಂದ ಹೊರ ಬಂದಿದ್ದರು. ಇದೆಲ್ಲ ನಡೆದು ಕೆಲವು ವರ್ಷಗಳೇ ಕಳೆದು ಹೋಗಿವೆ. ಆದರೆ ಈಗ ಚಂದ್ರನಾಥರ ಹತ್ಯೆಯಾಗಿದೆ, ಅದು ಕೂಡ ರಾಜ್ಯದಲ್ಲಿ ಬಿಗುವಿನ ವಾತಾವರಣವಿರುವ ಸಂದರ್ಭದಲ್ಲಿ ಈ ಹತ್ಯೆ ನಡೆದಿದೆ. ಇಡೀ ರಾಜ್ಯದಲ್ಲಿ ದೊಡ್ಡಮಟ್ಟದ ಪೊಲೀಸ್ ಫೋರ್ಸ್ ಹಾಕಲಾಗಿದ್ದರು, ಸೈನಿಕರನ್ನು ನಿಯೋಜಿಸಿದ್ದರೂ ಯಥೇಚ್ಛವಾಗಿ ಹಿಂಸಾತ್ಮಕ ಚಟುವಟಿಕೆ ಹಾಗೂ ಹತ್ಯೆಯ ಘಟನೆಗಳು ನಡೆಯುತ್ತಿರುವುದು ನೋಡಿದರೆ, ಇದರ ಹಿಂದೆ ಬಹುದೊಡ್ಡ ಕೈ ಕೆಲಸ ಮಾಡುತ್ತಿದೆ ಅಂತನ್ನಿಸುತ್ತದೆ. ಎಂತಹುದೇ ಕೈ ಕೆಲಸ ಮಾಡಿರಲಿ, ನ್ಯಾಯಯುತ ತನಿಖೆಯ ಮೂಲಕ ಆ ಕೈಗೆ ಕೊಳ ಬೀಳಲಿ ಅನ್ನುವುದು ಆರಾಧ್ಯದ ಸಾಮಾನ್ಯ ಜನರ ಮನಸ್ಸಿನ ನಿವೇದನೆಯಾಗಿದೆ.