ಬಹು ನಿರೀಕ್ಷಿತ ಚಿತ್ರ ಡಾನ್ 3 ಇನ್ನು ಸದ್ಯಕ್ಕಂತೂ ಇಲ್ಲ. ಪ್ರಾರಂಭದಲ್ಲಿ ಶಾರುಖ್ ಖಾನ್ ಹಾಗೂ ಅಮಿತಾ ಬಚ್ಚನ್ ಇಬ್ಬರನ್ನು ಈ ಚಿತ್ರದಲ್ಲಿ ಕಾಣಿಸಿಕೊಳ್ಳುವಂತೆ ಮಾಡುವುದು ನಿರ್ದೇಶಕರ ಲೆಕ್ಕಾಚಾರವು ಹುಸಿಯಾಗಿತ್ತು.

ಡಾನ್ -3 ಚಿತ್ರಕ್ಕೆ ರಣವೀರ್ ಸಿಂಗ್ ಆಯ್ಕೆಯಾಗಿದ್ದರು. ಡಾನ್ -2ರಲ್ಲಿ ಶಾರುಖ್ ಖಾನ್ ನಟಿಸಿದ್ದನ್ನು ನಾವೆಲ್ಲರೂ ನೋಡಿದ್ದೇವೆ. ಚಿತ್ರ ಸಕ್ಸಸ್ ಕೂಡ ಕಂಡಿತ್ತು. ಡಾನ್ 3 ಸಂಭಾಷಣೆ ಹಾಗೂ ಕಥೆಯ ವಿಚಾರದಲ್ಲಿ ಶಾರುಖ್ ಖಾನ್ ಅಸಮಾಧಾನಗೊಂಡಿದ್ದರು ಎನ್ನಲಾಗುತ್ತದೆ. ಹಾಗಾಗಿ ಶಾರುಖ್ ಖಾನ್ ಬದಲು, ರಣವೀರ್ ಸಿಂಗ್ ಅವರನ್ನು ಪರ್ಹಾನ್ ಅಕ್ತರ್ ಆಯ್ಕೆ ಮಾಡಿಕೊಂಡಿದ್ದರು. ಅದರ ಬಗ್ಗೆಯೇ ಶಾರುಖ್ ಅಭಿಮಾನಿಗಳು ಸೋಶಿಯಲ್ ಮೀಡಿಯಾಗಳ ಮೂಲಕ ವಿರೋಧವನ್ನು ವ್ಯಕ್ತಪಡಿಸಿದ್ದರು. ಅಷ್ಟೇ ಅಲ್ಲ, ಶಾರುಖ್ ಅಭಿಮಾನಿಗಳ ಹೆಸರಿನಲ್ಲಿ ಬೆದರಿಕೆಗಳೂ ಬಂದಿದ್ದವು ಏನ್ನಲಾಗುತ್ತದೆ.

ಇದ್ಯಾವುದಕ್ಕೂ ಬಗ್ಗದ ಜಗ್ಗದ ನಿರ್ದೇಶಕ ಫರ್ಹಾನ್ ಅಕ್ತರ್, ಯಾವ ಬೆದರಿಕೆಗೂ ಜಗ್ಗುವುದಿಲ್ಲ ಅಂತ ಅಷ್ಟೇ ಖಡಕ್ಕಾಗಿ ಮೆಸೇಜ್ ಪಾಸ್ ಮಾಡಿದ್ದ. ಡಾನ್ -3 ರಣವೀರ್ ಸಿಂಗ್ ನಟನೆಯಲ್ಲಿಯೇ ತೆರೆ ಕಾಣಲಿದೆ ಎಂದು ಹೇಳಿಕೊಂಡಿದ್ದರು ಸಹ. ಆದರೆ, ಇಷ್ಟೆಲ್ಲಾ ನಡೆದ ನಂತರ ಈಗ ಡಾನ್- 3 ಚಿತ್ರವೇ ನೆನೆಗುದಿಗೆ ಬೀಳುತ್ತಿದೆ.

ನಿರ್ದೇಶಕ ಅಕ್ತರ್ ಹಾಗೂ ರಣವೀರ್ ನಡುವೆ ಕಿರಿಕ್ ಆಗಿದೆ. ಆಗಲೇ 10 ಕೋಟಿ ಅಡ್ವಾನ್ಸ್ ಪಡೆದಿದ್ದ ರಣವಿರ್, ನಾನು ಡಾನ್ -3 ಯಲ್ಲಿ ಮುಂದುವರೆಯಲಾರೆ ಎಂದು ಓಪನ್ನಾಗಿ ಹೇಳುವ ಮೂಲಕ ಡಾನ್ -3ಗೆ ಸಂಕಟವನ್ನು ತಂದಿದ್ದರು. ಆರಂಭದಲ್ಲಿ ಚಿಕ್ಕದಾದ ಜಗಳವು ವಿಕೋಪಕ್ಕೆ ಹೋಗಿರುವುದಕ್ಕೆ ಸ್ವತಹ ರಣವೀರ ಹಾಗೂ ಅಕ್ತರ್ ಇವರಿಬ್ಬರೇ ನೇರ ಕಾರಣ. ಇಬ್ಬರಲ್ಲಿರುವ ಇಗೋ, ಇಬ್ಬರನ್ನೂ ಗೂಳಿ ತರಹ ವಿವಾದದಲ್ಲೇ ಮುನ್ನುಗ್ಗುವಂತೆ ಮಾಡಿದೆ. ಪರಿಣಾಮ, ಪರಹಾನ್ ಅಕ್ತಾರ್ 40 ಕೋಟಿ ಹಣವನ್ನು ರಣವೀರ್ ಸಿಂಗ್ ಪರಿಹಾರವಾಗಿ ಸಂದಾಯ ಮಾಡಬೇಕು ಅಂತ ಪಟ್ಟು ಹಿಡಿದು ಕೂತರು. ನಾನು ಒಂದೇ ಒಂದು ರೂಪಾಯಿ ಹಣ ನೀಡುವುದಿಲ್ಲ ಅಂತ ರಣವೀರ್ ಪಟ್ಟು ಹಿಡಿಯುತ್ತಾರೆ. ಇವರಿಬ್ಬರ ನಡುವಿನ ಗಲಾಟೆಯ ಬಗ್ಗೆ ಶಾರುಖ್ ಖಾನ್ ಅಭಿಮಾನಿಗಳು ಹಿರಿಹಿರಿ ಹೀಗಿದ್ದರು.

ವಿಪರೀತ ಅನ್ನುವಷ್ಟು ಡಾನ್-3 ಯ ವಿವಾದವು ಪ್ರಚಾರ ಪಡೆದುಕೊಳ್ಳುತ್ತಿದ್ದಂತೆಯೇ ಹಿರಿಯ ನಟ ಅಮೀರ್ ಖಾನ್ ಮಧ್ಯಪ್ರವೇಶ ಮಾಡುತ್ತಾರೆ. ಅವರ ಎದುರಿನಲ್ಲಿ ಅಕ್ತರ್ ರಣವೀರ್ ನಡುವೆ ಮಾತುಕತೆ ನಡೆಯುತ್ತದೆ. ಡಾನ್ 3 ಚಿತ್ರದಲ್ಲಿ ನಟಿಸಲು ರಣವೀರ್ ಒಪ್ಪುವುದಿಲ್ಲ, ಹಾಗಾಗಿ ಅಡ್ವಾನ್ಸ್ ಆಗಿ ಪಡೆದ 10 ಕೋಟಿಯನ್ನು ವಾಪಾಸ್ ನೀಡಲು ರಣವೀರ್ ಒಪ್ಪಿಕೊಳ್ಳುತ್ತಾರೆ. ನಾನು ಈಗಾಗಲೇ, ಈ ಚಿತ್ರಕ್ಕಾಗಿ ವಿಪರೀತ ಖರ್ಚು ಮಾಡಿದ್ದೇನೆ. ನನಗೆ ನಷ್ಟವಾಗುತ್ತದೆ. 40 ಕೋಟಿ ಪರಿಹಾರ ಬೇಕು ಅಂತ ಕೂತಿದ್ದ ಪರ್ಹಾನ್ ಅಕ್ತರ್, ಅಮೀರ್ ಖಾನ್ ಎದುರು ನಡೆದ ಮಾತುಕತೆಗೆ ಒಪ್ಪಿಕೊಳ್ಳುತ್ತಾರೆ.

ಇವರಿಬ್ಬರ ನಡುವೆಯೇ ಈ ಮಾತುಕತೆ ನಡೆದಿದ್ದರೆ ಯಾವತ್ತೂ ಸುಖಾಂತ್ಯ ವಾಗುತ್ತಿತ್ತು. ಇಬ್ಬರೂ ರಚ್ಚಗೆ ಬಿದ್ದು, ಯುದ್ಧಕ್ಕೆ ನಿಂತಿದ್ದ ಕಾರಣ ವಿವಾದವು ಇಲ್ಲಿಯವರೆಗೆ ಎಳೆದುಕೊಂಡು ಬಂದಿತ್ತು. ಈಗ ಇಬ್ಬರ ನಡುವಿನ ವಿವಾದಕ್ಕೆ ಫುಲ್ ಸ್ಟಾಪ್ ಬಿದ್ದಿದೆ ಆದರೆ ಡಾನ್- 3 ಸಿನಿಮಾಕ್ಕೆ ಮಾತ್ರ ಪರ್ಮನೆಂಟ್ ಬೀಗ ಬಿದ್ದಿದೆ. ಇದರಿಂದ ಖುಷಿಪಡುತ್ತಿರುವವರು ಮಾತ್ರ ಶಾರುಖ್ ಬೆಂಬಲಿಗರು. ನಮ್ಮ ಶಾರುಖ್ ಬಿಟ್ಟು ಚಿತ್ರ ನಿರ್ಮಿಸಲು ಹೋದ ಕಾರಣವೇ ಹೀಗಾಗಿದೆ ಅಂತ ಎಲ್ಲೆಡೆ ಪಸರಿಸುತ್ತಿದ್ದಾರೆ ಅವರ ಅಭಿಮಾನಿಗಳು.