ಕೊಪ್ಪಳ ಮೂಲದ ದಂಪತಿಗಳಿಬ್ಬರು ಮಂಗಳೂರು ನಗರದ ಕಾವೂರು ಪೊಲೀಸ್ ಠಾಣಾ ವ್ಯಾಪ್ತಿಯ ಪಂಜಿಮಗುರುವಿನಲ್ಲಿ ವಾಸವಾಗಿದ್ದರು. ಹೆಂಡತಿಯ ಅಕ್ರಮ ಸಂಬಂಧ ವಿಚಾರದಲ್ಲಿ ನಡೆದಿರುವಂತಹ ಘಟನೆಯಲ್ಲಿ ಗಂಡ ಬಲಿಯಾಗಿದ್ದಾನೆ ಎಂದು ಹೇಳಲಾದ ಘಟನೆ ನಡೆದಿದೆ.

ಗಣೇಶ್ ಎಂಬ ಕೂಲಿ ಕಾರ್ಮಿಕನೇ ಈಗ, ಹೆಂಡತಿಯ ಅನೈತಿಕ ಚಟಕ್ಕೆ ಬಲಿಯಾದವರಾಗಿದ್ದಾರೆ ಎಂದು ದೂರಲಾಗುತ್ತಿದೆ.. ಹೆಂಡತಿ ಶಿಲ್ಪ ಮತ್ತು ಲಿಂಗಪ್ಪ ಎನ್ನುವವರ ಮಧ್ಯೆ ಅನೈತಿಕ ಸಂಬಂಧ ಏರ್ಪಟ್ಟಿತ್ತು, ಗಣೇಶನಿಗೆ ವಿಪರೀತವಾಗಿ ಕುಡಿಸಿ ಶಿಲ್ಪನ ಜೊತೆಗೆ ಲಿಂಗಪ್ಪ ಸತತವಾಗಿ ಮೋಜು ಮಸ್ತಿ ಮಾಡಿಕೊಂಡು ಬಂದಿದ್ದಾನೆ ಎನ್ನುವುದು ಈಗ ಕೇಳಿ ಬರುತ್ತಿರುವ ಆರೋಪವಾಗಿದೆ.

ಮಧ್ಯದ ಅಮಲಿನಲ್ಲಿ ಮಲಗುತ್ತಿದ್ದ ಗಣೇಶಗೆ ತೀರ ಇತ್ತೀಚೆಗೆ ಹೆಂಡತಿ ಶಿಲ್ಪ ಮತ್ತು ಲಿಂಗಪ್ಪನ ನಡುವಿನ ಅಕ್ರಮ ಸಂಬಂಧದ ವಿಚಾರ ತಿಳಿದು ಬಂದಿದೆ ಎಂದು ಅವರ ಸಂಬಂಧಿಕರು ಹೇಳುತ್ತಿದ್ದಾರೆ. ಅಲ್ಲಿಂದ ಈ ವಿಚಾರವಾಗಿ ಹೆಂಡತಿಯನ್ನು ಪ್ರಶ್ನೆ ಮಾಡಿದ್ದಾನೆ. ಹಾಗೆಯೇ ಲಿಂಗಪ್ಪನನ್ನು ಮನೆಯಿಂದ ದೂರ ಇಡುವ ಪ್ರಯತ್ನ ಮಾಡಿದ್ದಾನೆ. ಆದರೆ, ಅವರ ನಡುವಿನ ಸಂಬಂಧ ದೂರ ಸಾಗಿದ್ದರಿಂದಲೋ ಏನೋ, ಅವರಿಬ್ಬರೂ ಪ್ಲಾನ್ ಮಾಡಿ ಗಣೇಶನ ಮೇಲೆ ಹಲ್ಲೆ ನಡೆಸಿ ನಾಲ್ಕು ಅಡಿ ಕೆಳಗೆ ಬೀಳಿಸಿದ್ದಾರೆ ಎನ್ನುವುದು ಗಣೇಶನ ಸಂಬಂಧಿಕರ ಆರೋಪವಾಗಿದೆ. ಅಲ್ಲಿನ ದೃಶ್ಯ ನೋಡಿದರೆ, ಆತ ಹೇಗೆ ಬಿದ್ದರೂ ಈ ರೀತಿಯ ಪೆಟ್ಟು ಆಗುವುದಿಲ್ಲ ಎಂದು ಗಣೇಶನ ಸಂಬಂಧಿಕರು ಗಟ್ಟಿಯಾಗಿ ಹೇಳುತ್ತಿದ್ದಾರೆ. ಇಲ್ಲಿನ ಪೊಲೀಸರು ಅವಳಿಗೆ ಸಪೋರ್ಟ್ ಮಾಡುತ್ತಿದ್ದಾರೆ ಯಾಕೆ ಅನ್ನುವುದು ಗೊತ್ತಾಗುತ್ತಿಲ್ಲ ಎನ್ನುವುದು ಅವರ ಅಳಲಾಗಿದೆ

ಆದರೆ ಶಿಲ್ಪ ಮಾತ್ರ, ಗಂಡ ಕುಡಿದಿದ್ದ. ಆಯತಪ್ಪಿ ಕೆಳಗೆ ಬಿದ್ದಿದ್ದಾನೆ. ಅವನನ್ನು ಆಸ್ಪತ್ರೆಗೆ ಸೇರಿಸಿದ್ದೇನೆ. ಚಿಕಿತ್ಸೆ ಫಲಕಾರಿಯಾಗಿಲ್ಲ ಅನ್ನೋದು ಅವಳ ಸ್ಟೇಟ್ಮೆಂಟ್. ತನ್ನ ಮತ್ತು ಲಿಂಗಪ್ಪನ ನಡುವಿನ ಸಂಬಂಧದ ವಿಚಾರವನ್ನಾಗಲಿ ಗಲಾಟೆ ನಡೆದಿದ್ದ ವಿಚಾರವನ್ನಾಗಲಿ ಶಿಲ್ಪ ಎಲ್ಲಿಯೂ ಬಾಯಿ ಬಿಟ್ಟಿಲ್ಲ ಎನ್ನಲಾಗುತ್ತಿದೆ. ಶಿಲ್ಪಳ ಸಹೋದರ ಈ ವಿಚಾರದಲ್ಲಿ ಶಿಲ್ಪಗಳಿಂದ ಅಂತರ ಕಾಪಾಡಿಕೊಂಡಿದ್ದಾನೆ. ಶಿಲ್ಪ ಅನೈತಿಕ ಸಂಬಂಧ ಇಟ್ಟುಕೊಂಡು ಕುಟುಂಬದ ಮರ್ಯಾದೆ ತೆಗೆದಿದ್ದಾಳೆ ಅನ್ನುವ ರೀತಿಯಲ್ಲಿ ಅವರು ಮಾತನಾಡಿದ್ದು, ಏನಾದರೂ ಮಾಡಿಕೊಳ್ಳಲಿ ಅವಳಿಗೂ ನಮಗೂ ಸಂಬಂಧವಿಲ್ಲ ಅನ್ನುವ ರೀತಿಯಲ್ಲಿ ಮಾತನಾಡಿದ್ದಾರೆ.

ಗಣೇಶನಿಗೆ ಇನ್ನು 30 ವರ್ಷ, ವೆನ್ಲಾಕ್ ಆಸ್ಪತ್ರೆಯ ವೈದ್ಯರು ಗಣೇಶನ ಸಂಬಂಧಿಕರಿಗೆ ಹೇಳಿದ ಪ್ರಕಾರ ಇದು ಬಿದ್ದ ಪೆಟ್ಟಲ್ಲ ಬಲವಾಗಿ ಹೊಡೆದಿರುವಂತಹ ಪೆಟ್ಟಾಗಿದೆ ಅಂತ ಹೇಳಿದ ಮೇಲೆಯೇ, ಆ ಸಂಬಂಧಿಕರಿಗೆ ಶಿಲ್ಪಾಳ ಮೇಲೆ ಅನುಮಾನ ಬಂದಿದೆ. ಡಾಕ್ಟರ್ ಹೇಳದಿದ್ದರೆ ಅವರು ಶಿಲ್ಪಾಳ ಮಾತೊಂದೇ ನಂಬುತ್ತಿದ್ದರೇನೋ.

ಈಗ, ಶಿಲ್ಪ ಮತ್ತು ಲಿಂಗಪ್ಪನ ಮೇಲೆ ದೂರನ್ನು ಗಣೇಶನ ಅಣ್ಣ ಮುತ್ತಪ್ಪನ ಕೈನಿಂದ ಕೊಡಿಸಲಾಗಿದೆ. ಒಂದು ದಿನದ ಮೊದಲು, ಮುತ್ತಪ್ಪ ನಿಂದ ಬಲವಂತವಾಗಿ ಮೆಟ್ಟಿಲಿನಿಂದ ಬಿದ್ದು ಸತ್ತಿದ್ದಾನೆ ಎಂಬಂತೆ ಪೊಲೀಸರಿಗೆ ದೂರು ಕೊಡಿಸಿದ್ದರು ಅಂತ ಆರೋಪಿಸಿರುವ ಗಣೇಶನ ಸಂಬಂಧಿಕರು, ಹಾಗಾಗಿಯೇ ಊರಿನಿಂದ ಹಿರಿಯರನ್ನು ಕರೆಸಿಕೊಂಡು ಇಂದು ಮತ್ತೆ ದೂರನ್ನು ನೀಡಲಾಗಿದೆ. ಆ ಕಾರಣ ಎರಡನೆಯ ಬಾರಿಗೆ ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ದೂರು ಕಾವೂರು ಪೊಲೀಸ್ ಠಾಣೆಗೆ ಕೊಟ್ಟಂತಾಗಿದೆ ಎನ್ನಲಾಗುತ್ತಿದೆ. ಈ ಬಗ್ಗೆ ಮೃತ ಗಣೇಶನ ಸಂಬಂಧಿಕರು ಪತ್ರಿಕೆಯ ಜೊತೆಗೆ ಮಾತನಾಡುತ್ತಾ, ನಮಗೆ ನ್ಯಾಯ ಬೇಕು. ಗಣೇಶನ ಕೊಲೆಯಾಗಿದೆ. ಅದಕ್ಕೆ ಕಾರಣರಾದವರನ್ನು ಶಿಕ್ಷಿಸಬೇಕು ಎಂಬ ಆಗ್ರಹವನ್ನು ಮಾಡಿದ್ದಾರೆ. ಈ ಬಗ್ಗೆ ಮಂಗಳೂರು ಪೊಲೀಸ್ ಕಮಿಷನರ್ ಅವರಿಗೆ ಮನವಿ ನೀಡುವುದಾಗಿಯೂ ಅವರು ಪತ್ರಿಕೆಗೆ ತಿಳಿಸಿದ್ದಾರೆ.

ಏನೇ ಇರಲಿ, ಇದು ಕೊಲೆ ಮಾಡಿದ್ದು ಅಥವಾ ಬಿದ್ದು ಊಟ ಮಾಡಿಕೊಂಡಿದ್ದಾನೋ ಅನ್ನುವುದು ತನಿಖೆಯ ಮೂಲಕವೇ ಗೊತ್ತಾಗಬೇಕಿದೆ. ಈ ಬಗ್ಗೆ ನಗರದ ಕಾವೂರು ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು ತನಿಖೆ ಮುಂದುವರೆದಿದೆ.

ವರದಿ- ರಾಜೇಶ್