ಉಡುಪಿಯ ಹೃದಯ ಭಾಗದಲ್ಲಿ ಕಾರ್ಯಚರಿಸುತ್ತಿದ್ದ ಸಾಯಿ ರಾಜ್ ಕೋಆಪರೇಟಿವ್ ಸೊಸೈಟಿ ಇದರ ಕಾರ್ಯನಿರ್ವಹಣಾಧಿಕಾರಿಯಾಗಿದ್ದ ಸಚಿನ್ ಶೆಟ್ಟಿ ಎನ್ನುವವರು ಇಂದು ಬೆಳಗ್ಗೆ ಅಂಬಲಪಾಡಿಯ ಫ್ಲ್ಯಾಟಿನಲ್ಲಿ ಆತ್ಮಹತ್ಯೆ ಮಾಡಿಕೊಂಡಿರುವದರ ಹಿಂದೆ ಸೊಸೈಟಿಯ ಒಳಗಿನ ಆಂತರಿಕ ಕಲಹವೆ ಕಾರಣ ಎಂಬ ಶಂಕೆ ವ್ಯಕ್ತವಾಗುತ್ತಿದೆ

ಉಡುಪಿ: ಸಾಯಿ ರಾಜ್ ಸೊಸೈಟಿ ಪ್ರಾರಂಭಿಸುವಲ್ಲಿ ಸಚಿನ್ ಶೆಟ್ಟಿಯ ಕಾರ್ಯ ಬಹುದೊಡ್ಡದಿದೆ. ಅವರ ಶ್ರಮದ ಕಾರಣಕ್ಕೆ ಸೊಸೈಟಿ ವೇಗವಾಗಿ ಬೆಳೆದು ನಿಂತಿತ್ತು ಎನ್ನಲಾಗುತ್ತಿದೆ. ಆದರೆ ಇತ್ತೀಚಿಗಿನ ದಿನದಲ್ಲಿ ಸೊಸೈಟಿಯ ಒಳಗೆ ಆಂತರಿಕ ಕಲಹ ಕಾಣಿಸಿಕೊಂಡಿತ್ತಂತೆ. ಕೆಲವು ಡೈರೆಕ್ಟರ್ಗಳು ತಾವು ಸಂಸ್ಥೆಯಿಂದ ಹೊರ ಹೋಗುವುದಾಗಿ ಹೇಳಿದರಂತೆ. ಜೊತೆಗೆ ಅವರ ಅಸಹಕಾರ ವಿಪರೀತವಾದ ಕಾರಣ ಸಚಿನ್ ಶೆಟ್ಟಿ ತೀವ್ರ ಒತ್ತಡಕ್ಕೆ ಒಳಗಾಗಿದ್ದಾರೆ ಎನ್ನುವ ಗಡಿಪ್ಪು ಇದೆ. ಅಷ್ಟೇ ಅಲ್ಲ, ದೊಡ್ಡ ಮೊತ್ತದ ಫಿಕ್ಸೆಡ್ ಮೊತ್ತಗಳನ್ನು ಕಲೆಕ್ಟ್ ಮಾಡಲಾಗಿತ್ತು. ಆದರೆ, ಈ ಅಂತ ಕಲಹದ ನಂತರ ಇದಕ್ಕಿದ್ದಂತೆಯೇ ಫಿಕ್ಸೆಡ್ ಇಟ್ಟವರು ಹಣವನ್ನು ಒಮ್ಮೆಲೇ ವಾಪಸ್ ಕೇಳಲು ಮುಂದಾಗಿದ್ದಾರೆ. ಅದರ ಹಿಂದೆ ಬಂಡಾಯ ವೆದ್ದಿರುವ ಡೈರೆಕ್ಟರ್ಸ್ ಕೈಚಳಕ ಕೆಲಸ ಮಾಡಿದೆ ಅನ್ನುವ ಸುದ್ದಿಯು ಇದೆಯಂತೆ!?. ಸೊಸೈಟಿಯು ಗ್ರಾಹಕರಿಗೆ ಸಾಲವನ್ನು ನೀಡಿರುವ ಕಾರಣ ತಕ್ಷಣವೇ, ಫಿಕ್ಸೆಡ್ ಇಟ್ಟವರಿಗೆ ಹಣ ಕೊಡಲು ಆಗಲಿಲ್ಲ. ಈ ಒತ್ತಡವನ್ನು ನಿಭಾಯಿಸುವುದು ಕಷ್ಟವಾಗಿಯೋ ಏನೋ, ಒಟ್ಟಿನಲ್ಲಿ ಇಂದು ಬೆಳಗ್ಗೆ ಅವರು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ ಅನ್ನುವುದು ತಿಳಿದು ಬಂದಿದೆ. ಉಡುಪಿಯ ಸಹಕಾರಿ ವಿಭಾಗದಲ್ಲಿ ಸಚಿನ್ ಶೆಟ್ಟಿ ಅವರ ಆತ್ಮಹತ್ಯೆ ದೊಡ್ಡ ಸದ್ದು ಮಾಡುವ ಸಾಧ್ಯತೆ ಇದೆ. ಸಚಿನ್ ಶೆಟ್ಟಿ ಅವರ ಬಗ್ಗೆ ಸಾರ್ವಜನಿಕವಾಗಿ ಉತ್ತಮ ಅಭಿಪ್ರಾಯವಿದೆ. ಯಾವುದೇ ಅವ್ಯವಹಾರ ಮಾಡುವಂತಹ ವ್ಯಕ್ತಿತ್ವದವರು ಅಲ್ಲ ಎಂಬ ಅಭಿಪ್ರಾಯವೂ ಉಡುಪಿಯಲ್ಲಿ ಕೇಳಿ ಬರುತ್ತಿದೆ. ಸತ್ಯಾಸತ್ಯತೆಯು ತನಿಖೆಯ ನಂತರವೇ ಹೊರಬರಬೇಕಿದೆ

Also Read ಶಾಲೆಯ ಮೊದಲ ದಿನವೇ ಕಣ್ಣೀರು ತರಿಸಿದ ಫಿಲಿಪೈನ್ಸ್‌ ಭೂಕಂಪ ಸೃಷ್ಟಿಸಿದ ಭೀಕರತೆ ಮುಗ್ಧ ಮಕ್ಕಳನ್ನು ಆವರಿಸಿದ ಭೀತಿ..