ಒಂದೆಡೆ ಅರಬ್ಬೀ ಸಮುದ್ರದ ಅಲೆಗಳು…
ಮತ್ತೊಂದೆಡೆ ಭಾರತದ ಸ್ವದೇಶಿ ತಂತ್ರಜ್ಞಾನದಿಂದ ನಿರ್ಮಿತ ಯುದ್ಧನೌಕೆ…
ಮಧ್ಯದಲ್ಲಿ ದೇಶದ ಸಮುದ್ರ ಗಡಿಯನ್ನು ಕಾಪಾಡುವ ಭಾರತೀಯ ನೌಕಾಪಡೆ…ಶತ್ರು ಜಲಾಂತರ್ಗಾಮಿಗಳಿಗೆ ಮೌನವಾಗಿ ಬೇಟೆಯಾಡುವ ‘ಸೈಲೆಂಟ್ ಹಂಟರ್’!

Yes,‘ಕರ್ನಾಟಕದ ಕಾರವಾರದ INS ಕದಂಬ ನೌಕಾನೆಲೆಯಲ್ಲಿ ಭಾರತದ ನೌಕಾಪಡೆಗೆ ಮತ್ತೊಂದು ಶಕ್ತಿಶಾಲಿ ಯುದ್ಧನೌಕೆ ಸೇರ್ಪಡೆಯಾಗಿದೆ. ಮಾಹೆ ವರ್ಗದ ಎರಡನೇ ಆಂಟಿ-ಸಬ್‌ಮರಿನ್ ವಾರ್ಫೇರ್ ಶ್ಯಾಲೋವಾಟರ್ ಕ್ರಾಫ್ಟ್ (ASW-SWC) ‘INS Malvan’ ಅನ್ನು ಏರ್ ಚೀಫ್ ಮಾರ್ಷಲ್ ಎ.ಪಿ. ಸಿಂಗ್ ಲೋಕಾರ್ಪಣೆಗೊಳಿಸಿದರು. ಸಮುದ್ರ ಭದ್ರತೆ ಮತ್ತು ಸುರಕ್ಷಿತ ಸಮುದ್ರ ಮಾರ್ಗಗಳ ಮಹತ್ವವನ್ನು ಅವರು ಒತ್ತಿಹೇಳಿದ್ದಾರೆ. ಸಮುದ್ರ ಮಾರ್ಗಗಳು ವ್ಯಾಪಾರವನ್ನು ನಿರ್ಧರಿಸುತ್ತವೆ, ವ್ಯಾಪಾರವೇ ದೇಶದ ಆರ್ಥಿಕ ಭವಿಷ್ಯವನ್ನು ನಿರ್ಧರಿಸುತ್ತದೆ ಎಂಬ ಸಂದೇಶವನ್ನು ಅವರು ನೀಡಿದ್ದಾರೆ.

ಕಾರವಾರದ INS ಕದಂಬದಲ್ಲಿ ಯುದ್ಧನೌಕೆಯ ಲೋಕಾರ್ಪಣೆ ನಡೆದಿರುವುದು ಇದೇ ಮೊದಲ ಬಾರಿಗೆ ಎಂಬುದು ಕರ್ನಾಟಕದ ಪಾಲಿಗೂ ಹೆಮ್ಮೆಯ ಕ್ಷಣವಾಗಿದೆ.ಆಧುನಿಕ ಯುದ್ಧಗಳಲ್ಲಿ ಸಮುದ್ರ, ಆಕಾಶ ಮತ್ತು ಭೂಮಿ — ಮೂರು ಕ್ಷೇತ್ರಗಳ ನಡುವಿನ ಸಮನ್ವಯವೇ ಭಾರತದ ಭದ್ರತೆಯ ಪ್ರಮುಖ ಅಸ್ತ್ರವಾಗಲಿದೆ.

ಕೊಚ್ಚಿನ್ ಶಿಪ್‌ಯಾರ್ಡ್ ಲಿಮಿಟೆಡ್ ನಿರ್ಮಿಸಿರುವ ಈ ನೌಕೆಯಲ್ಲಿ ಶೇ.80ಕ್ಕೂ ಹೆಚ್ಚು ಸ್ವದೇಶಿ ಉಪಕರಣಗಳು ಬಳಕೆಯಾಗಿವೆ. 78.8 ಮೀಟರ್ ಉದ್ದ ಹಾಗೂ 1,150 ಟನ್ ತೂಕದ ಈ ಯುದ್ಧನೌಕೆ, ಕರಾವಳಿ ಕಣ್ಗಾವಲು ಮತ್ತು ಆಳವಿಲ್ಲದ ನೀರಿನಲ್ಲಿ ಶತ್ರು ಜಲಾಂತರ್ಗಾಮಿಗಳನ್ನು ಪತ್ತೆಹಚ್ಚಿ ಎದುರಿಸಲು ವಿಶೇಷವಾಗಿ ವಿನ್ಯಾಸಗೊಳಿಸಲಾಗಿದೆ.

30 ಎಂಎಂ ನೇವಲ್ ಗನ್, ಟಾರ್ಪಿಡೊ ಲಾಂಚರ್‌ಗಳು, ರಾಕೆಟ್ ಲಾಂಚರ್‌ಗಳು, ‘ಅಭಯ್’ ಸೋನಾರ್ ಹಾಗೂ ಅತ್ಯಾಧುನಿಕ ಯುದ್ಧ ನಿರ್ವಹಣಾ ವ್ಯವಸ್ಥೆಗಳನ್ನು ಹೊಂದಿರುವ INS Malvan, ಭಾರತದ ಸಮುದ್ರ ಭದ್ರತೆಯನ್ನು ಮತ್ತಷ್ಟು ಬಲಪಡಿಸಲಿದೆ.

ಮಹಾರಾಷ್ಟ್ರದ ಐತಿಹಾಸಿಕ ಕರಾವಳಿ ಪಟ್ಟಣ ಮಾಲ್ವಣ್ ಹೆಸರನ್ನು ಪಡೆದಿರುವ ಈ ನೌಕೆ, ಛತ್ರಪತಿ ಶಿವಾಜಿ ಮಹಾರಾಜರ ಶಕ್ತಿಶಾಲಿ ಕಡಲ ಪರಂಪರೆಗೆ ಗೌರವ ಸಲ್ಲಿಸುತ್ತದೆ. ನೌಕೆಯ ಚಿಹ್ನೆಯಲ್ಲಿರುವ ‘ಬಾಘ್ ನಖ್’ ಧೈರ್ಯ ಮತ್ತು ಚುರುಕುತನದ ಸಂಕೇತವಾಗಿದೆ.ನೌಕೆಯ ಚಿಹ್ನೆಯಲ್ಲಿ ಬಳಸಲಾಗಿರುವ ‘ಬಾಘ್ ನಖ್’ ಅಥವಾ ಹುಲಿಯ ಉಗುರು ಧೈರ್ಯ, ವೇಗ ಮತ್ತು ಚುರುಕುತನದ ಸಂಕೇತವಾಗಿದೆ. ಶತ್ರುವಿನ ಮೇಲೆ ನಿಖರವಾಗಿ ದಾಳಿ ನಡೆಸುವ ಸಾಮರ್ಥ್ಯವನ್ನು ಪ್ರತಿಬಿಂಬಿಸುವ ಈ ಚಿಹ್ನೆ, ಛತ್ರಪತಿ ಶಿವಾಜಿ ಮಹಾರಾಜರ ಯುದ್ಧಪರಂಪರೆಯೊಂದಿಗೆ ಭಾವನಾತ್ಮಕ ಸಂಪರ್ಕವನ್ನೂ ಹೊಂದಿದೆ.

‘ಮೇಕ್ ಇನ್ ಇಂಡಿಯಾ’ ಮತ್ತು ‘ಆತ್ಮನಿರ್ಭರ ಭಾರತ’ದ ಹೆಮ್ಮೆಯ ಪ್ರತೀಕವಾಗಿರುವ INS Malvan, ಭಾರತದ ಕರಾವಳಿ ಭದ್ರತೆ, ಜಲಾಂತರ್ಗಾಮಿ ವಿರೋಧಿ ಕಾರ್ಯಾಚರಣೆ ಹಾಗೂ ಸುರಕ್ಷಿತ ಸಮುದ್ರ ವ್ಯಾಪಾರಕ್ಕೆ ಹೊಸ ಬಲ ನೀಡಲಿದೆ.

ಕಾರವಾರದ ನೆಲದಿಂದ ಭಾರತದ ಸಮುದ್ರಶಕ್ತಿಗೆ ಮತ್ತೊಂದು ಬಲಿಷ್ಠ ಕವಚ ಸೇರ್ಪಡೆಯಾಗಿದೆ!

##INS_Malvan #IndianNavy #Karwar #INSKadamba #MakeInIndia #AtmanirbharBharat #Karnataka Proud