ಈಗಾಗಲೇ ಲಕ್ಷಾಂತರ ವಾಹನ ಮಾಲೀಕರು ಹಣ ಖರ್ಚು ಮಾಡಿ HSRP ಅಳವಡಿಸಿಕೊಂಡಿದ್ದಾರೆ. ಅವರ ಪರಿಸ್ಥಿತಿ ಏನು? ನಿಯಮ ಪಾಲಿಸಿದವರಿಗೆ ನ್ಯಾಯ ಎಲ್ಲಿದೆ?

ಕರ್ನಾಟಕದಲ್ಲಿ HSRP ನಂಬರ್ ಪ್ಲೇಟ್ ಕಡ್ಡಾಯ ಯೋಜನೆ ವಿಫಲವಾಗಿ ಸರ್ಕಾರ ಅದನ್ನು ಹಿಂಪಡೆದಿದೆ. ಜನರ ನಿರಾಸಕ್ತಿ ಹಾಗೂ ಅನುಷ್ಠಾನ ಗೊಂದಲದಿಂದ ಈ ನಿಯಮ ಇನ್ನು ಕಡ್ಡಾಯವಿಲ್ಲ. ಒಂದು ನಿಯಮ ಜಾರಿಗೆ ತರಬೇಕಾದರೆ ಅದನ್ನು ಗಟ್ಟಿಯಾಗಿ, ಸ್ಪಷ್ಟವಾಗಿ ಹಾಗೂ ಕಟ್ಟುನಿಟ್ಟಾಗಿ ಅನುಷ್ಠಾನಗೊಳಿಸಬೇಕಿತ್ತು. ಮರುಮರು ಗಡುವು ವಿಸ್ತರಣೆ ಮಾಡುವುದು ಜನರಲ್ಲಿ ಗಂಭೀರತೆಯನ್ನು ಕಡಿಮೆ ಮಾಡಿತು. ಸರ್ಕಾರ ಆರಂಭದಲ್ಲೇ ಕಟ್ಟುನಿಟ್ಟಿನ ಕ್ರಮ ತೆಗೆದುಕೊಂಡಿದ್ದರೆ, ಬಹುಶಃ ಇಂದು ಈ ಯೋಜನೆ ಯಶಸ್ವಿಯಾಗುತ್ತಿತ್ತು.

ಅದೇ ವೇಳೆ, ಏಪ್ರಿಲ್ 1, 2026ರಿಂದ ಪಿಯುಸಿಸಿ (PUCC) pollution under control certificate ಮಾಹಿತಿಯನ್ನು ಕೇಂದ್ರದ ವಾಹನ್ ಪೋರ್ಟಲ್‌ಗೆ ಲಿಂಕ್ ಮಾಡಿರುವುದರಿಂದ ಹೊರ ರಾಜ್ಯಗಳಲ್ಲಿ ವಾಹನ ಸವಾರರು ಅನಾವಶ್ಯಕ ದಂಡದಿಂದ ಮುಕ್ತರಾಗಿದ್ದಾರೆ.

ಕರ್ನಾಟಕದಲ್ಲಿ ಹೈ ಸೆಕ್ಯುರಿಟಿ ರಿಜಿಸ್ಟ್ರೇಶನ್ ಪ್ಲೇಟ್ (HSRP) ಕಡ್ಡಾಯ ಯೋಜನೆ ಸಂಪೂರ್ಣವಾಗಿ ವಿಫಲವಾಗಿದೆ. ಹಲವು ಬಾರಿ ಗಡುವು ವಿಸ್ತರಣೆ ಮಾಡಿದರೂ ವಾಹನ ಸವಾರರು ಆಸಕ್ತಿ ತೋರದ ಕಾರಣ ಸಾರಿಗೆ ಇಲಾಖೆ ತನ್ನ ಆದೇಶವನ್ನು ಹಿಂಪಡೆದಿದೆ. ಸುಮಾರು 2 ಕೋಟಿ ಹಳೆಯ ವಾಹನಗಳಲ್ಲಿ ಕೇವಲ 59 ಲಕ್ಷ ವಾಹನಗಳು ಮಾತ್ರ HSRP ಅಳವಡಿಸಿಕೊಂಡಿದ್ದು, 1.41 ಕೋಟಿ ವಾಹನಗಳು ಇನ್ನೂ ಬಾಕಿಯಿವೆ. ಅನುಷ್ಠಾನ ಗೊಂದಲ, ಕಠಿಣ ನಿಯಮಗಳ ಕೊರತೆ ಹಾಗೂ ಜನರ ನಿರಾಸಕ್ತಿ ಈ ಯೋಜನೆ ವಿಫಲವಾಗಲು ಪ್ರಮುಖ ಕಾರಣಗಳಾಗಿವೆ.

ಹಾಗೇ ಕರ್ನಾಟಕ ಸರ್ಕಾರವು ಇನ್ನೊಂದು ಮಹತ್ವದ ನಿರ್ಧಾರ ಕೈಗೊಂಡಿದ್ದು, ಪಿಯುಸಿಸಿ (PUCC) ಮಾಹಿತಿಯನ್ನು ಕೇಂದ್ರ ಸರ್ಕಾರದ ವಾಹನ್ ಪೋರ್ಟಲ್‌ಗೆ ಲಿಂಕ್ ಮಾಡಲಾಗಿದೆ (ಏಪ್ರಿಲ್ 1, 2026ರಿಂದ). ಇದರಿಂದಾಗಿ ಇತರ ರಾಜ್ಯಗಳಲ್ಲಿ ವಾಹನದ ಮಾಲಿನ್ಯ ಪ್ರಮಾಣಪತ್ರ ಆನ್‌ಲೈನ್‌ನಲ್ಲಿ ಕಾಣಿಸಿಕೊಳ್ಳುತ್ತದೆ. ಮೊದಲು ಮಾಹಿತಿ ಕಾಣಿಸದ ಕಾರಣ ಸಾವಿರಾರು ರೂಪಾಯಿ ದಂಡ ಕಟ್ಟಬೇಕಾಗುತ್ತಿತ್ತು, ಈಗ ಆ ಸಮಸ್ಯೆ ನಿವಾರಣೆಯಾಗಿದೆ.

ಹೆಚ್ಚು ಮುಖ್ಯವಾಗಿ, HSRP ವಿಷಯವಾಗಿ ಯಾವುದೇ ಹೊಸ ನಿಯಮ ತರೋದಕ್ಕೂ ಮುಂಚೆ ಅದರ ಸಾಧ್ಯತೆ (success rate), ಜಾರಿಗೆ ಬೇಕಾದ ಸೌಲಭ್ಯಗಳು, ಜನರ ಪ್ರತಿಕ್ರಿಯೆ ಇವುಗಳನ್ನು ಸಮಗ್ರವಾಗಿ ಅಧ್ಯಯನ ಮಾಡಬೇಕು. ಇಲ್ಲದಿದ್ದರೆ, ಇಂತಹ ಯೋಜನೆಗಳು ಮಧ್ಯದಲ್ಲೇ ವಿಫಲವಾಗಿ, ಸರ್ಕಾರಕ್ಕೂ ಜನರಿಗೂ ನಷ್ಟವಾಗುತ್ತದೆ.

##KarnatakaDrivers #HSRPUpdate #PUCC #TrafficRules #VehicleUpdate #DriverAlert #RoadSafety #IndiaTraffic #CarOwners #DriveSafe