ಮೂಡಬಿದ್ರಿ ಪುರಸಭೆ ವ್ಯಾಪ್ತಿಯಲ್ಲಿ ಚರಂಡಿ ಕಾಮಗಾರಿಯ ಸಂದರ್ಭದಲ್ಲಿ ಕುಡಿಯುವ ನೀರಿನ ಪೈಪಿಗೆ ಡ್ಯಾಮೇಜ್ ಆಗಿದ್ದು, ಅದರಿಂದಾಗಿ ದಿನಗಟ್ಟಲೆ ಕುಡಿಯುವ ನೀರು ಚರಂಡಿಯ ಪಾಲಾಗುತ್ತಿದೆ.

ಇಲ್ಲಿನ ಜೈನ್ ಪೇಟೆ ಕೆರೆ ಬಸದಿ ಬಳೆ ನಡೆಯುತ್ತಿರುವ ಕಾಮಗಾರಿಯ ಕಾರಣ, ಈ ಅವ್ಯವಸ್ಥೆಯಾಗಿದೆ. ಗುತ್ತಿಗೆದಾರರು ಹಾಗೂ ಕಾಮಗಾರಿ ಮಾಡುತ್ತಿರುವವರಿಗೆ ಸ್ವಲ್ಪವೂ ಪ್ರಜ್ಞೆ ಇಲ್ಲ ಅನ್ನುವುದನ್ನು ಈ ಕಾಮಗಾರಿಯು ಸಾಕ್ಷಿ ಸಹಿತ ತೋರಿಸುತ್ತಿದೆ. ಹಾಗೆಯೇ ಪುರಸಭೆಯ ಅಧಿಕಾರಿಗಳು ಎಷ್ಟು ಚೆಂದ ಕೆಲಸ ಮಾಡುತ್ತಿದ್ದಾರೆ ಎನ್ನುವುದನ್ನು ಈ ಒಂದು ಪ್ರಕರಣವು ಎತ್ತಿ ತೋರಿಸುತ್ತದೆ ಎಂದು ಸಾರ್ವಜನಿಕರು ಹೇಳುವುದರ ಜೊತೆಗೆ ಪುರಸಭೆ ಹಾಗೂ ಗುತ್ತಿಗೆದಾರರಿಗೆ ಹಿಡಿ ಶಾಪ ಹಾಕುತ್ತಿದ್ದಾರೆ.

ಪುರಸಭೆ ವ್ಯಾಪ್ತಿಯ ಅನೇಕ ಕಡೆ ಈ ಕಾರಣದಿಂದಾಗಿ ನೀರಿನ ಅವ್ಯವಸ್ಥೆಯಾಗಿದೆ ಎನ್ನಲಾಗುತ್ತಿದೆ. ಸಾರ್ವಜನಿಕರು, ನೀರು ವೇಸ್ಟ್ ಆಗಿ ಹೋಗುತ್ತಿರುವುದ ವಿಚಾರವಾಗಿ ಪುರಸಭೆಯ ಗಮನಕ್ಕೆ ತಂದಿದ್ದರೂ ಸಹ, ಪುರಸಭೆಯು ಆ ಬಗ್ಗೆ ಗಂಭೀರವಾಗಿ ಯೋಚಿಸದೇ ಇರುವ ಪರಿಣಾಮ, ತಕ್ಷಣವೇ ಕ್ರಮ ಕೈಗೊಳ್ಳದ ಪರಿಣಾಮ ಒಂದಿಡೀದಿನ ನೀರು ಚರಂಡಿಯಲ್ಲಿ ಹರಿದು ಹೋಗಿದೆ ಎಂಬ ಅಪವಾದ ಜನಸಾಮಾನ್ಯರಿಂದ ಕೇಳಿ ಬರುತ್ತಿದೆ. ಈಗಾಗಲೇ ದಕ್ಷಿಣ ಕನ್ನಡ ಜಿಲ್ಲೆಯ ಜಿಲ್ಲಾಧಿಕಾರಿ, ನೀರಿನ ವ್ಯವಸ್ಥೆಯ ಬಗ್ಗೆ ಸಾಕಷ್ಟು ಸಂದೇಶವನ್ನು ನೀಡಿದ್ದಾರೆ. ಇಂತಹ ಸಂದರ್ಭದಲ್ಲಿ ಪುರಸಭೆಯ ಅಧಿಕಾರಿಗಳು ಈ ರೀತಿಯ ಬೇಜವಾಬ್ದಾರಿ ನಡೆಯನ್ನ ಪ್ರದರ್ಶಿಸಿದ್ದು ಅಕ್ಷಮ್ಯ ಎಂಬ ಮಾತನ್ನು ಸ್ಥಳಿಯ ಸಾರ್ವಜನಿಕ ವಲಯದಿಂದ ಕೇಳಿ ಬರುತ್ತಿದೆ.

Also Read 60 ದಿನಗಳ ಸ್ಟಾಕ್ – ಭಾರತಕ್ಕೆ ಎಲ್‌ಪಿಜಿ ಚಿಂತೆ ಇಲ್ಲ!