ಮಾಸ್ಕೋ: ವಿಶ್ವದ ಅತ್ಯಂತ ಬಿಗಿ ಭದ್ರತೆ ಹೊಂದಿರುವ ರಾಷ್ಟ್ರಾಧ್ಯಕ್ಷರಲ್ಲಿ ರಷ್ಯಾ ಅಧ್ಯಕ್ಷ ವ್ಲಾದಿಮಿರ್ ಪುಟಿನ್ ಕೂಡ ಒಬ್ಬರು. ಅವರ ಭದ್ರತೆ ಎಂದರೆ ಕೇವಲ ಸುತ್ತಲೂ ನಿಂತಿರುವ ಬಾಡಿಗಾರ್ಡ್‌ಗಳು ಮಾತ್ರವಲ್ಲ. ಅವರು ಪ್ರಯಾಣಿಸುವ ವಿಮಾನದಿಂದ ಹಿಡಿದು, ಕಾರು, ಆಹಾರ, ಸಿಬ್ಬಂದಿ ಹಾಗೂ ವೈಯಕ್ತಿಕ ಮಾಹಿತಿಯವರೆಗೂ ಹಲವು ಹಂತಗಳಲ್ಲಿ ಕಟ್ಟುನಿಟ್ಟಿನ ಭದ್ರತಾ ವ್ಯವಸ್ಥೆ ಇದೆ ಎಂದು ವರದಿಯಾಗಿದೆ.

ಪುಟಿನ್‌ ಸೆಕ್ಯುರಿಟಿಯ ಅಚ್ಚರಿ ಸಂಗತಿ!
“ಪುಟಿನ್‌ಗೆ ಶೌಚಾಲಯಕ್ಕೂ ಭದ್ರತೆ? ವಿಮಾನದಿಂದ ಹಿಡಿದು ಊಟ ಕೊನೆಗೆ ಮಲದ ಮಾದರಿವರೆಗೆ… ರಷ್ಯಾ ಅಧ್ಯಕ್ಷರ ರಹಸ್ಯ ಭದ್ರತಾ ಲೋಕ!”

ಪುಟಿನ್ ವಿದೇಶ ಪ್ರವಾಸ ಕೈಗೊಂಡಾಗ ಅವರ ಚಲನವಲನವನ್ನು ರಹಸ್ಯವಾಗಿಡಲು ಹಲವು ಭದ್ರತಾ ಕ್ರಮಗಳನ್ನು ಕೈಗೊಳ್ಳಲಾಗುತ್ತದೆ. ಅವರಿಗಾಗಿ ಬಳಸುವ ವಿಶೇಷ ವಿಮಾನವನ್ನು ‘ಫ್ಲೈಯಿಂಗ್ ಕ್ರೆಮ್ಲಿನ್’ ಎಂದೇ ಕರೆಯಲಾಗುತ್ತದೆ. ವಿಶೇಷ ಸಂವಹನ ವ್ಯವಸ್ಥೆ ಸೇರಿದಂತೆ ರಾಷ್ಟ್ರದ ನಾಯಕ ವಿದೇಶದಲ್ಲಿದ್ದರೂ ರಷ್ಯಾದೊಂದಿಗೆ ಸಂಪರ್ಕದಲ್ಲಿರಲು ಅಗತ್ಯವಿರುವ ವ್ಯವಸ್ಥೆಗಳನ್ನು ಈ ವಿಮಾನ ಹೊಂದಿದೆ ಎಂದು ವರದಿಗಳು ಹೇಳುತ್ತವೆ.

ಇನ್ನು ನೆಲದ ಮೇಲೂ ಭದ್ರತೆ ಕಡಿಮೆಯಾಗುವುದಿಲ್ಲ. ಪುಟಿನ್ ಸಂಚರಿಸುವ Aurus Senat ಕಾರು ವಿಶೇಷ ಭದ್ರತಾ ವ್ಯವಸ್ಥೆಗಳನ್ನು ಹೊಂದಿರುವ ಅಧ್ಯಕ್ಷೀಯ ವಾಹನವಾಗಿದೆ. ಅವರ ಸಂಚಾರದ ಮಾರ್ಗ, ಸ್ಥಳ ಮತ್ತು ಸುತ್ತಮುತ್ತಲಿನ ಭದ್ರತೆಯನ್ನೂ ಮುಂಚಿತವಾಗಿ ಪರಿಶೀಲಿಸಲಾಗುತ್ತದೆ.

ಆದರೆ ಪುಟಿನ್ ಅವರ ಭದ್ರತೆಯಲ್ಲಿರುವ ಅತ್ಯಂತ ವಿಚಿತ್ರವಾಗಿ ಕಾಣುವ ಸಂಗತಿ ಅವರ ದೇಹದ ತ್ಯಾಜ್ಯಕ್ಕೆ ಸಂಬಂಧಿಸಿದ್ದು.

ವಿದೇಶ ಪ್ರವಾಸದ ವೇಳೆ ಪುಟಿನ್ ಅವರ ಮೂತ್ರ ಮತ್ತು ಮಲದ ಮಾದರಿಗಳನ್ನು ಸಂಗ್ರಹಿಸಿ ಮತ್ತೆ ರಷ್ಯಾಕ್ಕೆ ಕೊಂಡೊಯ್ಯಲಾಗುತ್ತದೆಎಂಬ ವರದಿಗಳು ಹಲವು ವರ್ಷಗಳಿಂದ ಹರಿದಾಡುತ್ತಿವೆ.

ಇದಕ್ಕೆ ಹೇಳಲಾಗುವ ಪ್ರಮುಖ ಕಾರಣವೆಂದರೆ, ಅವರ ದೇಹದ ತ್ಯಾಜ್ಯದಿಂದ ವಿದೇಶಿ ಗುಪ್ತಚರ ಸಂಸ್ಥೆಗಳು ಅವರ ಆರೋಗ್ಯ ಅಥವಾ ದೇಹಕ್ಕೆ ಸಂಬಂಧಿಸಿದ ಜೈವಿಕ ಮಾಹಿತಿಯನ್ನು ಪಡೆಯುವುದನ್ನು ತಡೆಯುವುದು. ಆದರೆ ಈ ಪ್ರಕ್ರಿಯೆಯ ಸಂಪೂರ್ಣ ವಿವರಗಳನ್ನು ಕ್ರೆಮ್ಲಿನ್ ಅಧಿಕೃತವಾಗಿ ಸಾರ್ವಜನಿಕಗೊಳಿಸಿಲ್ಲ ಎಂಬುದನ್ನೂ ಗಮನಿಸಬೇಕು.

ಅಂದರೆ, ಸಾಮಾನ್ಯ ವ್ಯಕ್ತಿಗೆ ಪ್ರವಾಸ ಮುಗಿದ ಮೇಲೆ ಉಳಿಯುವುದು ನೆನಪುಗಳು. ಆದರೆ ಪುಟಿನ್ ಅವರ ವಿದೇಶ ಪ್ರವಾಸದ ಸಂದರ್ಭದಲ್ಲಿ, ವರದಿಗಳ ಪ್ರಕಾರ ‘ಸುಸು–ಕಕ್ಕಾ’ ಕೂಡ ವಿದೇಶದಲ್ಲೇ ಉಳಿಯುವುದಿಲ್ಲ! ಅದನ್ನೂ ಭದ್ರತಾ ವ್ಯವಸ್ಥೆಯ ಭಾಗವಾಗಿ ರಷ್ಯಾಕ್ಕೆ ಮರಳಿ ಕೊಂಡೊಯ್ಯಲಾಗುತ್ತದೆ ಎನ್ನಲಾಗಿದೆ.

ಆಹಾರದ ವಿಚಾರದಲ್ಲೂ ಪುಟಿನ್ ಅವರ ಭದ್ರತೆ ಕುರಿತು ಹಲವು ವರದಿಗಳಿವೆ. ಅವರ ಆಹಾರದಲ್ಲಿ ವಿಷಪ್ರಯೋಗ ಅಥವಾ ಇತರ ಅಪಾಯಗಳನ್ನು ತಡೆಯಲು ವಿಶೇಷ ಮುನ್ನೆಚ್ಚರಿಕೆಗಳನ್ನು ಕೈಗೊಳ್ಳಲಾಗುತ್ತದೆ ಎಂದು ವರದಿಯಾಗಿದೆ. ಆದರೆ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುವ ಪ್ರತಿಯೊಂದು ಕಥೆಯನ್ನೂ ಖಚಿತ ಮಾಹಿತಿ ಎಂದು ಪರಿಗಣಿಸಲು ಸಾಧ್ಯವಿಲ್ಲ.

ಪುಟಿನ್ ಅವರ ಭದ್ರತೆಯ ಮತ್ತೊಂದು ವಿಶೇಷತೆ ಎಂದರೆ ಅವರ ಸುತ್ತಲಿನ ಸಿಬ್ಬಂದಿಯ ಮೇಲಿನ ನಿಯಂತ್ರಣ. ಅತ್ಯಂತ ಸಮೀಪದ ಸಿಬ್ಬಂದಿ, ಭದ್ರತಾ ಸಿಬ್ಬಂದಿ ಮತ್ತು ಇತರ ಸಹಾಯಕರ ಸಂಪರ್ಕ ಹಾಗೂ ಮೊಬೈಲ್ ಬಳಕೆಯ ಮೇಲೂ ಕಟ್ಟುನಿಟ್ಟಿನ ನಿಯಮಗಳಿವೆ ಎಂದು ವರದಿಗಳು ಹೇಳುತ್ತವೆ.

ಹೀಗಾಗಿ ಪುಟಿನ್ ಅವರ ಭದ್ರತೆ ಎಂದರೆ ಕೇವಲ “ಬಂದೂಕು ಹಿಡಿದ ಬಾಡಿಗಾರ್ಡ್‌ಗಳು” ಅಲ್ಲ. ಅವರ ವಿಮಾನದಿಂದ ಕಾರಿನವರೆಗೆ, ಆಹಾರದಿಂದ ಸಿಬ್ಬಂದಿವರೆಗೆ, ಅವರ ಚಲನವಲನದಿಂದ ವೈಯಕ್ತಿಕ ಆರೋಗ್ಯ ಮಾಹಿತಿಯವರೆಗೆ ಪ್ರತಿಯೊಂದು ವಿಚಾರವನ್ನೂ ರಕ್ಷಿಸುವ ಪ್ರಯತ್ನ ನಡೆಯುತ್ತದೆ.

ಒಬ್ಬ ರಾಷ್ಟ್ರಾಧ್ಯಕ್ಷನನ್ನು ರಕ್ಷಿಸುವುದು ಎಂದರೆ ಕೇವಲ ಆ ವ್ಯಕ್ತಿಯನ್ನು ರಕ್ಷಿಸುವುದಲ್ಲ… ಅವರ ದೇಹಕ್ಕೆ ಸಂಬಂಧಿಸಿದ ಮಾಹಿತಿಯನ್ನೂ ರಕ್ಷಿಸುವುದು!

ಅದಕ್ಕಾಗಿಯೇ ಪುಟಿನ್ ಅವರ ಭದ್ರತಾ ವ್ಯವಸ್ಥೆಯಲ್ಲಿನ ‘ಸೂಸು–ಕಕ್ಕಾ ಕೂಡ ವಾಪಸ್’ ಎನ್ನುವ ಈ ಅಂಶ ವಿಶ್ವದಾದ್ಯಂತ ಕುತೂಹಲ ಮೂಡಿಸಿದೆ.

##VladimirPutin #PutinSecurity #Russia #PutinNews #RussiaNews #WorldNews #ViralNews