ಕುಂದಾಪುರ ಪತ್ರಕರ್ತರೊಬ್ಬರ ಮೇಲೆ ಇಲ್ಲಿನ ತಾಲೂಕು ಸರ್ಕಾರಿ ಆಸ್ಪತ್ರೆಯ ವೈದ್ಯ ಮಹೇಂದ್ರ ಶೆಟ್ಟಿ ಎಂಬಾತ ಏಕಾಏಕಿ ನಗರದ ಹೋಟೆಲ್ ಒಂದರಲ್ಲಿ ಹಲ್ಲೆ ನಡೆಸುತ್ತಾನೆ. ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ಈಗಾಗಲೇ ಕುಂದಾಪುರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಲಾಗಿದೆ ಹಾಗೂ ವೈದ್ಯರನ್ನು ಸರ್ಕಾರಿ ಸೇವೆಯಿಂದ ಅಮಾನತ್ತು ಗೊಳಿಸಲಾಗಿದೆ.

ಇದರಿಂದ ಆ ವೈದ್ಯ ಪಾಠ ಕಲಿಯುತ್ತಾನಾ? ಸಂತ್ರಸ್ತ ಪತ್ರಕರ್ತ, ಸರ್ಕಾರಿ ಆಸ್ಪತ್ರೆಯಲ್ಲಿನ ಅವ್ಯವಹಾರ ಹಾಗೂ ನಿಯಮಬಾಹಿರ ಚಟುವಟಿಕೆಯನ್ನು ಅದ್ಯಯನ ನಡೆಸಿ ವರದಿ ಮಾಡಿರುತ್ತಾರೆ. ಈ ವರದಿಯಿಂದ ಕುಪಿತಗೊಂಡ ಡಾಕ್ಟರ್ ಶೆಟ್ಟಿ, ತನ್ನ ಜೊತೆಗೆ ಇನ್ನೊಬ್ಬ ಆಯುರ್ವೇದ ವೈದ್ಯೆಯನ್ನು ಕರೆದುಕೊಂಡು ಬಂದು, ಹೋಟೆಲ್ ಒಂದರಲ್ಲಿ ಪತ್ನಿ ಹಾಗೂ ಸ್ನೇಹಿತರೊಂದಿಗೆ ತಿಂಡಿ ತಿನ್ನುತ್ತಿರುವಾಗ ಏಕಾ ಏಕಿ ಪತ್ರಕರ್ತನ ಮೇಲೆ ಹಲ್ಲೆ ನಡೆಸಿದ್ದಾನೆ ಈ ಒಂದು ಪ್ರಕರಣವು ಹೋಟೆಲಿನ ಸಿಸಿ ಕ್ಯಾಮೆರಾದಲ್ಲೂ ದಾಖಲಾಗಿದೆ. ಜನರ ಕಾಪಾಡುವ ದೇವರು ಎಂದು ಕರೆಯಲಾಗುವ ಡಾಕ್ಟರ್ ಶೆಟ್ಟಿಯ ಈ ನಡವಳಿಕೆ ವೈದ್ಯಕೀಯ ಸಮುದಾಯಕ್ಕೆ ಕಪ್ಪು ಚುಕ್ಕೆ.

Also Read ಉಡುಪಿ ಸಬ್ ರಿಜಿಸ್ಟರ್ ಕಚೇರಿಯಲ್ಲಿ ಕಾನೂನುಬಾಹಿರ ಚಟುವಟಿಕೆ

ಇಂತಹ ಕಪ್ಪು ಚುಕ್ಕೆ ವ್ಯಕ್ತಿಯನ್ನು ಕೇವಲ ಅಮಾನತ್ತು ಮಾಡಿದರೆ ಸಾಕೆ? ಈ ವ್ಯಕ್ತಿಯ ನಡವಳಿಕೆ ಅತ್ಯಂತ ಕ್ರೂರತನದಿಂದ ಕೂಡಿದೆ ಎಂಬ ಆರೋಪವು ಬಹಳ ಸಮಯದಿಂದ ಇದೆ. ಆತ ಕೆಲಸ ಮಾಡಿದ ಕಡೆಯಲ್ಲೆಲ್ಲಾ, ಕೆಟ್ಟ ಹೆಸರು ಸಂಪಾದಿಸಿದ್ದಾನೆ ಹೊರತು ಒಳ್ಳೆಯ ಹೆಸರು ಕಿಂಚಿತ್ತು ಇಲ್ಲ. ಅವನ ಕೈಗೆ ವೈದ್ಯಕೀಯ ಸಲಕರಣೆ ಸಿಕ್ಕರೆ ಏನಾಗಬಹುದು? ಸರ್ಕಾರ ಯೋಚಿಸಬೇಕಿದೆ. ವೈದ್ಯಕೀಯ ಕ್ಷೇತ್ರ ಯೋಚಿಸಬೇಕಿದೆ. ಸಂಭಂಧಪಟ್ಟ ಅಧಿಕಾರಿಗಳು, ಯೂನಿಯನ್ ನವರು ಯೋಚಿಸಬೇಕಿದೆ.

ಉಡುಪಿ ಜಿಲ್ಲೆಯಲ್ಲಿ ಸಾವಿರಾರು ಡಾಕ್ಟರ್ಸ್ಗಳಿದ್ದಾರೆ. ರೋಗಿಗಳ ಮನಸ್ಥಿತಿಯನ್ನು ಅರ್ಥ ಮಾಡಿಕೊಂಡು ಶಾಂತವಾಗಿ ಅಷ್ಟೇ ಸoಯಮದಿಂದ ಪ್ರತಿಕ್ರಿಯೆ ನೀಡುತ್ತಾ, ಅವರನ್ನು ಗುಣಮುಖ ಮಾಡುವ ನಿಟ್ಟಿನಲ್ಲಿ ಕಾರ್ಯಚರಿಸುತ್ತಿರುವ ವೈದ್ಯರುಗಳ ಮಧ್ಯೆ ಈ ಮಹೇಂದ್ರ ಶೆಟ್ಟಿ ಎಂಬ ರೌಡಿ ವೈದ್ಯ ವೃತ್ತಿಗೆ ಅಪಕ್ಯಾತಿ ಯಾಗಿದ್ದಾನೆ ಎಂಬ ಮಾತು ಕುಂದಾಪುರದಿಂದ ಕೇಳಿ ಬರುತ್ತಿದೆ.

Also Read Maths hate ಮಾಡ್ತಿರಾ ? ಹಾಗಾದ್ರೆ ಈ ವರದಿ ನೋಡಿ ಸಮಸ್ಯೆ ನಿಮ್ಮಲ್ಲಿಲ್ಲ … research ಹೇಳುತ್ತೆ ಸಂಖ್ಯೆಗಳಲ್ಲಿ ಇದೆ!”

ತಕ್ಷಣವೇ, ಈತನಿಗೆ ನೀಡಲಾಗಿರುವ ವೈದ್ಯಕೀಯ ಸೇವೆಯನ್ನು ನೀಡಲು ಅರ್ಹವಾಗಿದ್ದ ಸರ್ಟಿಫಿಕೇಟ್ ಅನ್ನು ಹಿಂದಕ್ಕೆ ಪಡೆಯುವ ಕೆಲಸ ಆಗಬೇಕು. ಆದರಿಂದ ಮಾತ್ರ ಈತ ಬುದ್ಧಿ ಕಲಿಯಬಹುದು. ಅಹಂಕಾರ ಹಾಗೂ ಹಣದ ಹಪಾಹಪಿ ಬಿಟ್ಟರೆ ಬೇರೆನೂ ಇಲ್ಲ. ಸೇವೆ ಅನ್ನುವುದಕ್ಕೆ ಈತನ ಬಳಿ ಜಾಗವೇ ಇಲ್ಲ. ಅಂತಹ ಮನಸ್ಥಿತಿಯ ವ್ಯಕ್ತಿಯ ಕೈಗೆ ವೈದ್ಯಕೀಯ ಸರ್ಟಿಫಿಕೇಟ್ ಸಿಕ್ಕರೆ ಇನ್ನೇನಾಗುತ್ತದೆ? ಅದೇ ಇಲ್ಲಾಗಿದೆ ಅನ್ನೋದು ಸಾರ್ವಜನಿಕರ ಆಕ್ರೋಶದ ನುಡಿಯಾಗಿದೆ. ಹಾಗಾಗಿ ಕೇವಲ ಅಮಾನತ್ತು ಶಿಕ್ಷೆಯಿಂದ ಆತ ಪಾಠವನ್ನು ಕಲಿಯುವುದಿಲ್ಲ, ತನ್ನನ್ನು ತಾನು ತಿದ್ದಿಕೊಳ್ಳುವುದು ಇಲ್ಲ. ಖಾಸಗಿ ಕ್ಷೇತ್ರದಲ್ಲಿ ಸುಲಿಗೆಯನ್ನು ಮುಂದುವರಿಸುತ್ತಾನೆ ಅಷ್ಟೇ ಎಂದು, ಇಲ್ಲಿನ ಜನರು ಮಾತನಾಡಿಕೊಳ್ಳುತ್ತಿದ್ದಾರೆ. ಹಾಗಾಗಿ ಆತನಿಗೆ ನೀಡಲಾಗಿರುವಂತಹ ಸರ್ಟಿಫಿಕೇಟ್ ಹಿಂಪಡೆಯುವ ಕೆಲಸ ಸಂಬಂಧ ಪಟ್ಟ ಇಲಾಖೆಯಿಂದ ಆಗಬೇಕಿದೆ.

Also Read ನಿರ್ಮಾಣ ಹಂತ ಕಟ್ಟಡದಿಂದ ಬಿದ್ದು ಕಾರ್ಮಿಕ ಸಾವು- ಶಣೈ ಮೇಲೆ ಕೇಸು