ಉಡುಪಿಯ ಗೌರವಾನ್ವಿತ ಉದ್ಯಮಿ ಹಾಗೂ ಸಂಭಾವಿತ ರಾಜಕಾರಣಿ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದ್ದ ಮಾಜಿ ಸಚಿವ ಪ್ರಮೋದ್ ಮಧ್ವರಾಜ್ ರವರಿಗೆ ಕೇಂದ್ರ ಬಿಜೆಪಿಯು ಅಂತು ಇಂತು ಗೌರವಯುತವಾದಂತಹ ಸ್ಥಾನವನ್ನು ತಾತ್ಕಾಲಿಕವಾಗಿ ನೀಡಿದೆ ಎಂದು ತಿಳಿದುಬಂದಿದೆ.

ಪ್ರಮೋದ್ ಮಧ್ವರಾಜ್ ಕಾಂಗ್ರೆಸ್ ನಿಂದ ಬಿಜೆಪಿಗೆ ಬಂದು ಕೆಲ ವರ್ಷಗಳೇ ಆದವು. ಆದರೆ ಅವರಿಗೆ ನೀಡಬೇಕಾಗಿದ್ದ ಸ್ಥಾನವನ್ನು ಬಿಜೆಪಿಯು ಇಲ್ಲಿಯವರೆಗೆ ನೀಡಿರಲಿಲ್ಲ ಎಂಬ ಆಪಾದನೆಯು ಮಧ್ವರಾಜ್ ಬೆಂಬಲಿಗರ ಕಡೆಯಿಂದ ಹಲವು ಸಮಯದಿಂದ ಇತ್ತು. ಕಾಂಗ್ರೆಸಿನಲ್ಲಿ ಇದ್ದ ಗೌರವ, ಬಿಜೆಪಿಗೆ ಬಂದ ನಂತರ ಮಧ್ವರಾಜ್ರನ್ನು ಗೌಣ ಮಾಡುತ್ತಿದ್ದಾರೆ ಎನ್ನುವುದು ಅವರ ಆರೋಪವಾಗಿತ್ತು. ಕಳೆದ ವಿಧಾನಸಭಾ ಚುನಾವಣೆಯಲ್ಲಿ ಪಕ್ಷದ ಟಿಕೆಟ್ ಮಧ್ವರಾಜ್ರ ಬದಲು, ಯಶ್ಪಾಲ ಸುವರ್ಣರಿಗೆ ನೀಡಿದಾಗ ಬೆಂಬಲಿಗರು ನೋವುಂಡಿದ್ದರಂತೆ.

Also Read ಬ್ಯಾಂಕ್ ಸಾಲವಿದ್ದ ಮನೆ ಮಾರಾಟ ಮಾರಿ ವಂಚನೆ

ಎಲ್ಲವನ್ನೂ ಸಹಿಸಿಕೊಂಡಿದ್ದ ಮಧ್ವರಾಜ್, ಇತ್ತೀಚೆಗೆ ಶ್ರೀ ಕೃಷ್ಣ ಮಠಕ್ಕೆ ಪ್ರಧಾನಿ ನರೇಂದ್ರ ಮೋದಿ ಅವರು ಬಂದಾಗ ಜೊತೆಗೆ ಬರಲು ಅವಕಾಶ ಕೊಡದಿದ್ದಾಗಲೂ ತುಟಿ ಬಿಚ್ಚಿರಲಿಲ್ಲ. ಆದರೆ ಈ ವಿಚಾರ ದೊಡ್ಡ ಸುದ್ದಿ ಆಯ್ತು, ಪಕ್ಷದ ವಲಯದಲ್ಲಿ ಮುಜುಗರಕ್ಕೂ ಕಾರಣವಾಯಿತು. ಆದರಿಗ, ಅದೆಲ್ಲವನ್ನು ತೊಡೆದು ಹಾಕುವ ಹಾಗೆ ಪ್ರಮೋದ್ ಮಧ್ವರಾಜ್ ರವರಿಗೆ ದೀರ್ಘ ಸಮಯದ ನಂತರ ಗೌರವಯುತವಾದಂತಹ ಒಂದು ಸ್ಥಾನವನ್ನು ಕೇಂದ್ರ ಬಿಜೆಪಿಯು ಕಲ್ಪಿಸಿದೆ.

ಶ್ರೇಷ್ಠ ವ್ಯಕ್ತಿ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿರುವ ಜ್ಯೋತಿಬಾಪುಲೆ ಅವರ 200ನೇ ಹುಟ್ಟು ಹಬ್ಬದ ಪ್ರಯುಕ್ತ ಪಕ್ಷವು, ಸರಣಿ ಕಾರ್ಯಕ್ರಮವನ್ನು ಹಾಕಿಕೊಂಡಿದೆ. ಆ ಕಾರ್ಯಕ್ರಮದ ಪ್ರಯುಕ್ತ ಒಂದು ತಂಡವನ್ನು ರಚಿಸಿದೆ. ಆ ತಂಡದಲ್ಲಿ ಸ್ವತಹ ಪ್ರಧಾನಿ ನರೇಂದ್ರ ಮೋದಿ, ಗೃಹ ಸಚಿವರು, ಹಿರಿಯ ನಾಯಕರುಗಳ ಜೊತೆಗೆ ಉಡುಪಿಯ ಪ್ರಮೋದ್ ಮಧ್ವರಾಜ್ ರವರಿಗೂ ಸ್ಥಾನ ಕಲ್ಪಿಸಲಾಗಿದೆ.

Also Read ಫೇಸ್‌ಬುಕ್ 'ಸುಂದರಿ'ಅವಳಲ್ಲ ಅವನು!ಲವ್ ಮಾಡಿ ಹೆಂಡತಿ ಅಂದುಕೊಂಡವನು ಗಂಡಸು ಅಂತ ಗೊತ್ತಾದಾಗ ನಡೆದಿದ್ದೇ ಬೇರೆ!

ಇದು ತಾತ್ಕಾಲಿಕವಾದಂತಹ ತಂಡ. ಆದರೆ, ಸ್ವತಃ ಪ್ರಧಾನಿಯವರೇ ಇರುವಂತಹ ತಂಡದಲ್ಲಿ ಅವಕಾಶ ಸಿಕ್ಕಿರುವ ವಿಚಾರವಾಗಿ, ಮಧ್ವರಾಜ್ ರವರ ಬೆಂಬಲಿಗರು ಸಂತುಷ್ಟ ರಾದಂತೆ ಕಾಣುತ್ತಿದೆ.