ಪ್ರೀತಿಸಿ ಮದುವೆಯಾದ ಗಂಡನ ಸಹವಾಸ ನಾಲ್ಕೇ ವರ್ಷಕ್ಕೆ ಸಾಕಾಗಿ ಹೋಯಿತು ನೋಡಿ. ಮನೆಯವರ ಬಲವಂತಕ್ಕೆ ಗಂಡನ ಮನೆಗೆ ಬಂದ ಈ ಮಹಾನ್ ಪತಿವ್ರತೆ, ಕಟ್ಟಿಕೊಂಡ ಗಂಡ ನಿದ್ರಿಸುತ್ತಿರುವಾಗ ಕಬ್ಬಿಣದ ರಾಡನ್ನು ತಲೆಗೆ ಬೀಸಿ ಕೊಂದು ಹಾಕಿದ್ದಾಳೆ.

ಇಂತಹುದೊಂದು ಘಟನೆ ನಡೆದದ್ದು ಉತ್ತರ ಕರ್ನಾಟಕದ ಗದಗ ಜಿಲ್ಲೆಯಲ್ಲಿ. ಜಿಲ್ಲೆಯ ನರಗುಂದ ತಾಲೂಕಿನ ರಡ್ಡೇರ ನಾಗನೂರು ಗ್ರಾಮದಲ್ಲಿ ನಡೆದಿದೆ.

ಮೃತ ವ್ಯಕ್ತಿಯ ಹೆಸರು ವಿಶ್ವನಾಥ್. ಈತ ಪದವೀಧರ ಹಾಗೂ ಮಾಜಿ ಸೈನಿಕನ ಸುಪುತ್ರ. ಇನ್ನು 28ರ ಯುವಕ. 2022ರಲ್ಲಿ ಅವರ ದೂರದ ಸಂಬಂಧಿಯು ಆಗಿರುವಂತಹ ಕವಿತಾ ಹಾದಿಮನಿ ಎಂಬ ಚಿನುಕುರಳಿಯನ್ನು ಪ್ರೀತಿಸಿ ಮದುವೆಯಾಗುತ್ತಾನೆ. ಪ್ರಾರಂಭದಲ್ಲಿ ಎಲ್ಲವೂ ಸರಿಯಾಗಿತ್ತು. ಅವರ ಪ್ರೀತಿಯ ಆರ್ಭಟಕ್ಕೆ ಮೂರು ವರ್ಷದ ಗಂಡು ಮಗು ಉದಯವಾಗಿದೆ.

Also Read ಮಂಗಳೂರಿನಲ್ಲಿ ಜೂನಿಯರ್ ವಿದ್ಯಾರ್ಥಿಗಳ ಮೇಲೆ ಗ್ಯಾಂಗ್ ಹಲ್ಲೆ:…ಕಾಲೇಜು ವಿದ್ಯಾರ್ಥಿಗಳ ರ‍್ಯಾಗಿಂಗ್ ಸಂಸ್ಕೃತಿಗೆ ಬ್ರೇಕ್ ಬೇಕು

ಆದರೆ, ಇದ್ದಕ್ಕಿದ್ದಂತೆಯೇ ಇವರಿಬ್ಬರ ಮಧ್ಯೆ ಭಿನ್ನಾಭಿಪ್ರಾಯ ಶುರುವಾಗಿದೆ. ಅದರ ಪರಿಣಾಮ ಕವಿತಾ ಸೀದಾ ತವರು ಮನೆಗೆ ಎದ್ದು ಹೋಗುತ್ತಾಳೆ. ಏನೇ ಮಾಡಿದರು ಬರುವುದಿಲ್ಲ. ಆದರೆ ಇತ್ತೀಚೆಗೆ ವಿಶ್ವನಾಥನ ತಂಗಿಯ ಮದುವೆಯ ಕಾರ್ಯ ಇದ್ದ ಕಾರಣದಿಂದಾಗಿ, ಕವಿತಾ ಇಲ್ಲಿಗೆ ಬರುತ್ತಾಳೆ. ಮದುವೆ ಮುಗಿಸಿ ವಾಪಸ್ ತವರು ಮನೆಗೆ ಹೋದವಳು, ಇದ್ದಕ್ಕಿದ್ದಂತೆಯೇ ವಾಪಸ್ ಗಂಡನ ಮನೆಗೆ ಬರುತ್ತಾಳೆ. ಹಾಗೆ ಬಂದವಳ ಬಗ್ಗೆ, ಯಾರೋ ಬುದ್ಧಿ ಹೇಳಿರಬೇಕು ಹಾಗಾಗಿ ಬಂದಿದ್ದಾಳೆ. ಇನ್ನು ಸಂಸಾರ ನಡೆಸಬಹುದು ಎಂಬ ನಿರ್ಧಾರಕ್ಕೆ ವಿಶ್ವನಾಥ್ ಬಂದಿರುತ್ತಾನೆ.

ಹಾಗೆ ಬಂದವಳು ಮತ್ತೆ ಜಗಳ ಶುರುವಿಟ್ಟು ಕೊಂಡಿದ್ದಾಳೆ. ವಿಶ್ವನಾಥನ ತಂದೆ ತಾಯಿ ಇವರ ಜಗಳ ಯಾವತ್ತೂ ಇದ್ದದ್ದೇ ಅಂತ ಅದೇ ಮನೆಯ ಮೇಲ್ಮಹಡಿಯಲ್ಲಿ ಆರಾಮಾಗಿ ಇರುತ್ತಾರೆ. ಆದರೆ, ಮೊನ್ನೆಯ ದಿನ ರಾತ್ರಿ, ಜಗಳ ಆಗಿದ್ದು ವಿಶ್ವನಾಥ್ ತಂದೆ ತಾಯಿಯರಿಗೆ ಕೇಳಿಸದಿದ್ದರೂ ಬೆಳಗಾಗುವಷ್ಟರಲ್ಲಿ ವಿಶ್ವನಾಥ್ ಹೆಣವಾಗಿ ಮಲಗಿದ್ದ. ಅತ್ತೆ ಮಾವ ಬಂದು ಕೇಳಿದಾಗ, ರಾತ್ರಿ ಜಗಳ ಆಯ್ತು, ಆ ಸಂದರ್ಭದಲ್ಲಿ ಹೀಗಾಯ್ತು ಅಂತ ಅಳುತ್ತಾ ಹೇಳುತ್ತಾಳೆ. ಸೀದಾ ಪೊಲೀಸರಿಗೆ ಮಾಹಿತಿ ಹೋಗುತ್ತದೆ. ಪೊಲೀಸರು ಬಂದು ಕವಿತಾ ಹಾದಿಮನಿಯನ್ನು ಬಂದಿಸಿ ವಿಚಾರಿಸಿದಾಗ, ಕೊಲೆಯ ಬಗ್ಗೆ ಬಾಯ್ ಬಿಡುತ್ತಾಳೆ. ಮಲಗಿದ್ದ ಗಂಡನ ತಲೆ ಒಡೆದು ಹಾಕಿದ್ದನ್ನು ಒಪ್ಪಿಕೊಳ್ಳುತ್ತಾಳೆ.

Also Read ಬ್ರಹ್ಮಾವರ ಅಪಾರ್ಟ್‌ಮೆಂಟ್ ರೂಮಿನಲ್ಲಿ ಯುವತಿಯ ನಿಗೂಢ ಸಾವು

ನಿಜವಾಗಿಯೂ ಅವಳೊಬ್ಬಳೇ ಈ ಕೆಲಸ ಮಾಡಿದಳ? ಅಥವಾ ಇನ್ಯಾರದ್ದಾದರೂ ಸಹಾಯ ಪಡೆದಿದ್ದಾಳ? ಅದರ ಬಗ್ಗೆ ಹೆಚ್ಚಿನ ವಿಚಾರಣೆನದ ನಡೆದ ನಂತರ ತಿಳಿದು ಬರುತ್ತದೆ. ಆದರೆ, ಗಂಡನನ್ನು ಕೊಂದು ಜೈಲು ಪಾಳಾದ ಕವಿತಾ ಹಾದಿಮನಿ 3 ವರ್ಷದ ಪಾಪದ ಮಗುವನ್ನು ಅನಾಥಳನ್ನಾಗಿಸಿದ್ದಾಳೆ. ಹೆಣ್ಣನ್ನು ಸಹನಾಮೂರ್ತಿ, ಎಲ್ಲವನ್ನು ಸಹಿಸಿಕೊಳ್ಳುವ ಗಟ್ಟಿಗಿತ್ತಿ, ಮಮತೆಯ ತೊಟ್ಟಿಲು ಅಂತೆಲ್ಲ ಕರೆಯುತ್ತಾರೆ. ಅದೆಲ್ಲದಕ್ಕೂ ತದ್ ವಿರುದ್ಧವಾಗಿರುವಂತಹ ಕವಿತಾ ಹಾದಿಮನಿ ಅಂತವರ ಸಂಖ್ಯೆ ಇವತ್ತು ಸಮಾಜದಲ್ಲಿ ಹೆಚ್ಚುತ್ತಿದೆ ಅನ್ನುವುದು ಮಾತ್ರ ಸತ್ಯ.