ಸಾಮಾಜಿಕ ಜಾಲತಾಣಗಳಲ್ಲಿ ತೀವ್ರ ವೈರಲ್ ಆಗುತ್ತಿರುವ ಈ ಘಟನೆಯು ಕಾನೂನು ಮತ್ತು ಮಾನವ ಹಕ್ಕುಗಳ ಉಲ್ಲಂಘನೆಗೆ ಹಿಡಿದ ಕನ್ನಡಿಯಾಗಿದೆ. ಪ್ರಕರಣವೊಂದರ ಪ್ರಮುಖ ಆರೋಪಿಯನ್ನು ಬಂಧಿಸಲು ವಿಫಲವಾದ ಪೊಲೀಸರು, ಆತನ ಪತ್ತೆಗಾಗಿ ಆತನ ಪತ್ನಿಯನ್ನು ಗುರಿಯಾಗಿಸಿಕೊಂಡಿದ್ದರು.

ಆ ಕತ್ತಲ ರಾತ್ರಿಯ ಆಘಾತ!

ಘಟನೆ ನಡೆದದ್ದು ಮೇ 2023 ಸಮಯ ಸರಿಯಾಗಿ ಬೆಳಗಿನ ಜಾವ 4:15. ಇಡೀ ಜಗತ್ತೇ ಗಾಢ ನಿದ್ರೆಯಲ್ಲಿದ್ದಾಗ, ಆಕೆಯ ಮನೆಯ ಬಾಗಿಲನ್ನು ಪೊಲೀಸರು ಜೋರಾಗಿ ಬಡಿಯುತ್ತಾರೆ. ಬಾಗಿಲು ತೆರೆದ ಆಕೆಗೆ ಎದುರಾಗಿದ್ದು ಪೊಲೀಸರ ದಂಡು! ಆಕೆಯ ಪತಿ ಯಾವುದೋ ಪ್ರಕರಣದಲ್ಲಿ ಪ್ರಮುಖ ಆರೋಪಿಯಾಗಿದ್ದ, ಆದರೆ ಆತ ಮನೆಯಲ್ಲಿರಲಿಲ್ಲ. ಆಕೆಯ ಮೇಲಿದ್ದ ಒಂದೇ ಒಂದು ತಪ್ಪು ಅಂದರೆ, “ಗಂಡ ಎಲ್ಲಿದ್ದಾನೆ” ಎಂದು ಪೊಲೀಸರಿಗೆ ಹೇಳದೇ ಇದ್ದದ್ದು. ಮನೆಯಲ್ಲಿ 2.5 ವರ್ಷದ ಹಸುಗೂಸು ಅಳುತ್ತಿದ್ದರೂ, ದಯೆ-ದಾಕ್ಷಿಣ್ಯವಿಲ್ಲದ ಪೊಲೀಸರು ಆ ತಾಯಿ ಮತ್ತು ಮಗುವನ್ನು ಕಡುಗತ್ತಲಲ್ಲೇ ಎಳೆದುಕೊಂಡು ಪೊಲೀಸ್ ಠಾಣೆಗೆ ಹೊರಟುಬಿಡುತ್ತಾರೆ!

Also Read ಹೈಕೋರ್ಟ್‌ ಅಂಗಳಕ್ಕೆ ಮೂವರು ಹೊಸ ಮುಖ!ಆ ಮೂವರು ನ್ಯಾಯಾಂಗ ಅಧಿಕಾರಿಗಳು ಯಾರೆಲ್ಲಾ..ಹೇಗೆ ಆಯ್ಕೆ..

ಹೈಕೋರ್ಟ್ ಎಂಬ ನ್ಯಾಯದ ದೇವಸ್ಥಾನ

ಈ ಅನ್ಯಾಯದ ವಿರುದ್ಧ ಪ್ರಕರಣ ಗುವಾಹಟಿ ಹೈಕೋರ್ಟ್ ಮೆಟ್ಟಿಲೇರುತ್ತದೆ. ಅಂದು ಕೋರ್ಟ್ ಹಾಲ್‌ನಲ್ಲಿ ಘರ್ಜಿಸಿದ್ದು ಬೇರೆ ಯಾರೂ ಅಲ್ಲ, ಅಂದಿನ ಮುಖ್ಯ ನ್ಯಾಯಮೂರ್ತಿಗಳಾದ ಜಸ್ಟಿಸ್ ಸಂದೀಪ್ ಮೆಹ್ತಾ ಅವರು. ಇಡೀ ಕೋರ್ಟ್ ಶಾಂತವಾಗಿರುವಾಗ, ಜಡ್ಜ್ ಸಾಹೇಬರು ಪೊಲೀಸರನ್ನು ನಿಲ್ಲಿಸಿ ಒಂದೇ ಒಂದು ಖಡಕ್ ಪ್ರಶ್ನೆ ಕೇಳುತ್ತಾರೆ: “ಅಷ್ಟು ಸಣ್ಣ ಮಗು ಜೊತೆಗಿದೆ ಎಂದು ಗೊತ್ತಿದ್ದರೂ, ಮಧ್ಯರಾತ್ರಿ ಒಬ್ಬ ಮಹಿಳೆಯನ್ನು ಠಾಣೆಗೆ ಎತ್ತಿಕೊಂಡು ಬರಲು ನಿಮಗಿದ್ದ ಅಂತಹ ತುರ್ತು (Anxiety) ಆದರೂ ಏನಿತ್ತು?” ಈ ಪ್ರಶ್ನೆಗೆ ಇಡೀ ಪೊಲೀಸ್ ಪಡೆಗೆ ಮೌನ ಆವರಿಸುತ್ತದೆ, ಉತ್ತರಿಸಲು ಯಾರ ಕೈಯಲ್ಲೂ ಸಾಧ್ಯವಾಗುವುದಿಲ್ಲ.

ಜಡ್ಜ್ ಸಾಹೇಬರ ಸಿಡಿಲಿನಂತಹ ತೀರ್ಪು!

ಪೊಲೀಸರ ಮೌನ ಮತ್ತು ವಕೀಲರ ಸಬೂಬುಗಳಿಂದ ಆಕ್ರೋಶಗೊಂಡ ನ್ಯಾಯಾಧೀಶರು ಇತಿಹಾಸದಲ್ಲೇ ಅತ್ಯಂತ ಅಪರೂಪದ ಆದೇಶವನ್ನು ಹೊರಡಿಸುತ್ತಾರೆ. “ಪ್ರಮುಖ ಆರೋಪಿಯನ್ನು ಹಿಡಿಯಲು ನಿಮ್ಮ ಕೈಲಾಗದಿದ್ದರೆ, ಅದಕ್ಕಾಗಿ ಮಹಿಳೆಯರು ಮತ್ತು ಮಕ್ಕಳನ್ನು ಮಧ್ಯರಾತ್ರಿ ಠಾಣೆಗೆ ತಂದು ದೌರ್ಜನ್ಯ ಮಾಡುವುದು ನಿಮ್ಮ ಪ್ರತಾಪವೇ?” ಎಂದು ತರಾಟೆಗೆ ತೆಗೆದುಕೊಳ್ಳುತ್ತಾರೆ. ಅಷ್ಟಕ್ಕೇ ನಿಲ್ಲದ ಜಡ್ಜ್, ಕಾನೂನು ಉಲ್ಲಂಘಿಸಿದ ಇಡೀ ಪೊಲೀಸ್ ಠಾಣೆಯ ಸಿಬ್ಬಂದಿಯನ್ನು ಸ್ಥಳದಲ್ಲೇ ಅಮಾನತು (Suspend)ಮಾಡಿ ಆದೇಶ ಹೊರಡಿಸುತ್ತಾರೆ! ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ (SP) ಕೋರ್ಟ್ ಮುಂದೆ ತಲೆತಗ್ಗಿಸಿ ಬೇಷರತ್ ಕ್ಷಮೆ ಕೇಳುವ ಪರಿಸ್ಥಿತಿ ನಿರ್ಮಾಣವಾಗುತ್ತದೆ.

Also Read "ಯೋಗೇಶ್ ಗೌಡ ಪ್ರಕರಣದಲ್ಲಿ ಕಾನೂನು ಗರ್ಜನೆ!”ಕಾನೂನು ಕಾಯುವವರೇ ಬೂಟು ನೆಕ್ಕಿಕಾನೂನು ಮುರಿದಾಗ-7 ವರ್ಷಗಳ ಜೈಲು!ಕಾನೂನು ಇನ್ನೂ ಜೀವಂತ!"

ಕಾನೂನಿನ ಪಾಠ ಮತ್ತು ಸಾರ್ವಜನಿಕರ ಜಯ

ಈ ಘಟನೆ ಭಾರತೀಯ ಕಾನೂನಿನ CrPC ಸೆಕ್ಷನ್ 46(4) ರ ಮಹತ್ವವನ್ನು ಜಗತ್ತಿಗೆ ಸಾರುತ್ತದೆ. ಯಾವುದೇ ಮಹಿಳೆಯನ್ನು ಸೂರ್ಯಾಸ್ತದ ನಂತರ ಮತ್ತು ಸೂರ್ಯೋದಯಕ್ಕೆ ಮುನ್ನ ಬಂಧಿಸುವಂತಿಲ್ಲ ಎಂಬ ನಿಯಮವನ್ನು ಈ ಆದೇಶ ಎತ್ತಿ ಹಿಡಿಯುತ್ತದೆ. ಪ್ರಸ್ತುತ ಸುಪ್ರೀಂ ಕೋರ್ಟ್ ನ್ಯಾಯಾಧೀಶರಾಗಿರುವ ಜಸ್ಟಿಸ್ ಸಂದೀಪ್ ಮೆಹ್ತಾ ಅವರ ಈ ಸಿಂಹದಂತಹ ನಡೆ, ಇಂದು ಸಾಮಾಜಿಕ ಜಾಲತಾಣಗಳಲ್ಲಿ ಕೋಟ್ಯಂತರ ಜನರ ಮನ ಗೆದ್ದಿದೆ. “ಪೊಲೀಸರು ಜನಸಾಮಾನ್ಯರನ್ನು ಹೆದರಿಸುವ ರೌಡಿಗಳಲ್ಲ, ಅವರು ಸಾರ್ವಜನಿಕರ ಸೇವಕರು” ಎಂಬ ಸಂದೇಶ ಇಡೀ ದೇಶಕ್ಕೆ ರವಾನೆಯಾಗಿದೆ.

ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಭಾರಿ ಸಂಚಲನ ಸೃಷ್ಟಿಸಿದೆ. “ಪೊಲೀಸರು ಸಾರ್ವಜನಿಕರ ಸೇವಕರಾಗಬೇಕೇ ಹೊರತು ಭಯದ ಮೂಲವಾಗಬಾರದು” ಎಂದು ನೆಟ್ಟಿಗರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ತಪ್ಪು ಮಾಡಿದ ಪೊಲೀಸರ ವಿರುದ್ಧ ಕಠಿಣ ಕ್ರಮ ಕೈಗೊಂಡ ಜಸ್ಟಿಸ್ ಸಂದೀಪ್ ಮೆಹ್ತಾ ಅವರ ಮಾನವೀಯತೆ ಮತ್ತು ನ್ಯಾಯ ಪ್ರಜ್ಞೆಯನ್ನು ದೇಶಾದ್ಯಂತ ಜನರು ಕೊಂಡಾಡುತ್ತಿದ್ದಾರೆ.

Also Read ದೊಡ್ಡ ಮಿಕವನ್ನೇ ಬಲೆಗೆ ಹಾಕಿದ ಲೋಕಾಯುಕ್ತ ಪೊಲೀಸರು

#Justice #WomenRights #HighCourt #PoliceAccountability #SandeepMehta #KannadaNews #HumanRights"