1 ಗಂಟೆಯ ‘ಸರ್ಚ್ ಆಪರೇಷನ್’ಗೆ ಇಡೀ ಊರನ್ನೇ ಹುಡುಕಾಟಕ್ಕೆ ಇಳಿಸಿದ ಯುವತಿ !

ಕಡಬ:ಈಶ್ವರಮಂಗಲ ಮೂಲದ ಯುವಕನೋರ್ವ ಕಡಬದ ತನ್ನ ಪ್ರೇಯಸಿ ಎನ್ನಲಾದ ಯುವತಿಯ ಜನ್ಮದಿನದ ಅಂಗವಾಗಿ ಶುಭಾಶಯ ಕೋರಲು ಬಾಡಿಗೆ ಕಾರಿನಲ್ಲಿ ಆಗಮಿಸಿದ್ದ ಎನ್ನಲಾಗಿದೆ. ಕಡಬ ಸಂತೆಕಟ್ಟೆ ಬಳಿ ಇಬ್ಬರೂ ಭೇಟಿಯಾದಾಗ, ಯಾವುದೋ ವಿಷಯಕ್ಕೆ ಸಂಬಂಧಿಸಿದಂತೆ ಇಬ್ಬರ ನಡುವೆ ಸಣ್ಣ ವಾಗ್ವಾದ ನಡೆದಿದೆ ಎನ್ನಲಾಗಿದೆ.ಈ ವೇಳೆ ಸಣ್ಣ ವಿಚಾರಕ್ಕೆ ಕೋಪಗೊಂಡ ಯುವತಿ ಕಾರಿನ ಕೀಯನ್ನು ಕಸಿದುಕೊಂಡು ಸಮೀಪದ ಚರಂಡಿಗೆ ಎಸೆದಿದ್ದಾಳೆ ಎನ್ನಲಾಗಿದೆ.

ಕೆಲವೊಮ್ಮೆ ಕೋಪದ ಕ್ಷಣದಲ್ಲಿ ಮಾಡುವ ಸಣ್ಣ ಕೆಲಸವೇ ಪಜೀತಿಗೆ ಕಾರಣವಾಗುತ್ತೆ ಯುವಕ-ಯುವತಿಯ ನಡುವಿನ ಸಣ್ಣ ಮಾತಿನ ಚಕಮಕಿಯಲ್ಲಿ, ಚರಂಡಿಗೆ ಬಿದ್ದ ಕಾರಿನ ಕೀ ಪತ್ತೆಹಚ್ಚಲು ಒಂದು ಗಂಟೆಗೂ ಹೆಚ್ಚು ಕಾಲ ಹುಡುಕಾಟ ನಡೆಸಿದ ಪ್ರಸಂಗ ನಡೆದಿದೆ.

ನಂತರ ‘ಸರ್ಚ್ ಆಪರೇಷನ್’ ಶುರುವಾಯಿತು! ಕಾರಿನ ಕೀ ಚರಂಡಿಗೆ ಬಿದ್ದಿದ್ದರಿಂದ ಕಾರನ್ನು ಅಲ್ಲಿಂದ ಕದಲಿಸಲು ಸಾಧ್ಯವಾಗದೆ, ಏನು ತೋಚದೇ ಯುವಕ ಹಾಗೂ ಸ್ಥಳೀಯರು ಕೀ ಪತ್ತೆಗಾಗಿ ಚರಂಡಿಯ ಸುತ್ತಮುತ್ತ ಹುಡುಕಾಟ ಆರಂಭಿಸಿದರು.ಒಂದು ಗಂಟೆಗೂ ಹೆಚ್ಚು ಕಾಲ ಚರಂಡಿಯ ಕೊಳಚೆ ನೀರು, ಹೂಳು ಹಾಗೂ ಗಿಡಗಂಟಿಗಳ ನಡುವೆ ಹುಡುಕಾಟ ನಡೆಸಲಾಯಿತು. ಸ್ಥಳೀಯರು ಕೂಡ ಈ ವಿಚಿತ್ರ ಪ್ರಸಂಗವನ್ನು ನೋಡಲು ಜಮಾಯಿಸಿದ್ದು, ಕೆಲವರು ಹುಡುಕಾಟದಲ್ಲೂ ಕೈಜೋಡಿಸಿದರು. ಸಣ್ಣ ಕೋಪದ ಕ್ಷಣದಲ್ಲಿ ಎಸೆದ ಒಂದು ಕೀ, ಇಡೀ ಪ್ರದೇಶದಲ್ಲಿ ದೊಡ್ಡ ಗೊಂದಲವನ್ನೇ ಸೃಷ್ಟಿಸಿತು!

Also Read ಕರಾವಳಿಯಲ್ಲಿ ವಾಪಸ್ ಆದ ಮುಂಗಾರು: ಜುಲೈ 6ರವರೆಗೆ ಆರೆಂಜ್ ಅಲರ್ಟ್ – ಜನರಿಗೆ ಎಚ್ಚರಿಕೆ

ಈ ಘಟನೆಯ ದೃಶ್ಯಗಳು ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದ್ದು, “ಕೋಪದಲ್ಲಿ ಕೀ ಎಸೆದರೆ, ಬಳಿಕ ಹುಡುಕಾಟಕ್ಕೆ ಇಡೀ ಊರೇ ಬೇಕಾಗಬಹುದು!” ಇದೇ ನಿತ್ಯದ ಜೀವನ ಪಾಠ… ಎಂಬ ರೀತಿಯ ಪ್ರತಿಕ್ರಿಯೆಗಳು ವ್ಯಕ್ತವಾಗುತ್ತಿವೆ.

ಜನನಿಬಿಡ ಪ್ರದೇಶವಾದ ಸಂತೆಕಟ್ಟೆಯಲ್ಲಿ ಚರಂಡಿಯೊಳಗೆ ಕಾರಿನ ಕೀ ಹುಡುಕುತ್ತಿರುವ ದೃಶ್ಯ ಕಂಡು ಸಾರ್ವಜನಿಕರು ಕುತೂಹಲದಿಂದ ಜಮಾಯಿಸಿದರು. ಕೀ ಸಿಗದ ಕಾರಣ ಹುಡುಕಾಟವನ್ನು ಸದ್ಯ ಸ್ಥಗಿತಗೊಳಿಸಲಾಗಿದೆ.ಹಲವು ಗಂಟೆಗಳ ಕಾಲನಡೆದಹುಡುಕಾಟವೂ ಫಲ ನೀಡದ
ಹಿನ್ನೆಲೆಯಲ್ಲಿ ಯುವಕ ಕಾರನ್ನು ಅಲ್ಲಿಯೇ ಬಿಟ್ಟು, ಸಂಜೆ ಸುಮಾರು 7.30ರ ವೇಳೆಗೆ ರಿಕ್ಷಾದಲ್ಲಿ ಮನೆಗೆ ತೆರಳಿದ್ದಾನೆ ಎಂದು ತಿಳಿದುಬಂದಿದೆ. ಘಟನೆ ಹಾಸ್ಯಾಸ್ಪದ ತಿರುವು ಪಡೆದಿದ್ದರೂ, ಸಂತೆಕಟ್ಟೆಯಲ್ಲಿ ಕೆಲಕಾಲ ಕುತೂಹಲದ ವಾತಾವರಣ ನಿರ್ಮಾಣವಾಗಿತ್ತು.

Also Read ಅವಮಾನವೇ ಯಶಸ್ಸಿನ ಇಂಧನ: ಕೋಮಲ್ ಗನಾತ್ರಾ ಎಂಬ ಅದಮ್ಯ ಚೇತನ ಕೇವಲ 2 ವಾರಗಳ ಸಂಸಾರ, ನಂತರ ಜೀವಮಾನದ ಸಾಧನೆ!

##Kadaba #CarKeyDrama #ViralVideo #FunnyIncident #KarnatakaNews #LocalNews #TrendingNews