ಕಾಕ್ರೋಚ್’ಗಳ ಸಂಸತ್ ಚಲೋ… ದೆಹಲಿ ಹೈ ಅಲರ್ಟ್!

ನವದೆಹಲಿ: ಪರೀಕ್ಷಾ ಅಕ್ರಮಗಳು, ಪ್ರಶ್ನೆಪತ್ರಿಕೆ ಸೋರಿಕೆಗಳು ಮತ್ತು ಶಿಕ್ಷಣ ವ್ಯವಸ್ಥೆಯಲ್ಲಿನ ಹೊಣೆಗಾರಿಕೆಯ ಕೊರತೆಯನ್ನು ವಿರೋಧಿಸಿ ‘Cockroach Janta Party’ ನೇತೃತ್ವದಲ್ಲಿ ಸಾವಿರಾರು ವಿದ್ಯಾರ್ಥಿಗಳು ಮತ್ತು ಯುವಕರು ದೆಹಲಿಯ ಜಂತರ್ ಮಂತರ್‌ನಲ್ಲಿ ಜಮಾಯಿಸಿದ್ದಾರೆ. ಅವರ ಪ್ರಮುಖ ಬೇಡಿಕೆ ಕೇಂದ್ರ ಶಿಕ್ಷಣ ಸಚಿವ ಧರ್ಮೇಂದ್ರ ಪ್ರಧಾನ ರಾಜೀನಾಮೆ ಹಾಗೂ ಪರೀಕ್ಷಾ ವ್ಯವಸ್ಥೆಯಲ್ಲಿ ಸಮಗ್ರ ಸುಧಾರಣೆ.

ಹೌದು. ಇದು ಸಾಮಾನ್ಯ ವಿದ್ಯಾರ್ಥಿ ಪ್ರತಿಭಟನೆ ಅಲ್ಲ — ‘Cockroach Janta Party (CJP)’ ಎಂಬ ಹೆಸರಿನಲ್ಲಿ ರೂಪುಗೊಂಡಿರುವ ಯುವಜನರ ಶಿಕ್ಷಣ-ವ್ಯವಸ್ಥೆಯಲ್ಲಿನ ಎಲ್ಲಾ ಲೋಪದೋಷಗಳ ವಿರೋಧಿ ಚಳವಳಿಯಾಗಿ ತನ್ನ ಭಾಹುವನ್ನ ಚಾಚಿದೆ..; “ವಿದ್ಯಾರ್ಥಿಗಳ ಭವಿಷ್ಯಕ್ಕೆ ಯಾರು ಹೊಣೆ?” ಎಂಬ ಪ್ರಶ್ನೆಯೊಂದಿಗೆ ಚಳವಳಿ ಮುಂದುವರಿದಿದೆ.

Also Read ಮತದಾನದ ಹಕ್ಕು ಉಳಿಸಿಕೊಳ್ಳಿ: ಎಸ್‌ಐಆರ್ ಗಡುವು ಆಗಸ್ಟ್.17ರವರೆಗೆ ವಿಸ್ತರಣೆ

ಚಲೋ ಸಂಸತ್’… ಪೊಲೀಸರು ತಡೆದರು

ಸಂಸತ್‌ ಅಧಿವೇಶನದ ಸಮಯದಲ್ಲಿ ಪ್ರತಿಭಟನಾಕಾರರು ಜಂತರ್ ಮಂತರ್‌ನಿಂದ ಸಂಸತ್ತಿನತ್ತ ಮೆರವಣಿಗೆ ನಡೆಸಲು ಮುಂದಾದರು. ಪೊಲೀಸರು ಬ್ಯಾರಿಕೇಡ್‌ಗಳನ್ನು ಹಾಕಿ ತಡೆದಿದ್ದು, ಘರ್ಷಣೆಯ ಪರಿಸ್ಥಿತಿ ನಿರ್ಮಾಣವಾಯಿತು. ವರದಿಗಳ ಪ್ರಕಾರ ಪೊಲೀಸರು ಲಾಠಿ ಬಳಸಿದ್ದು, ಕೆಲವು ವರದಿಗಳಲ್ಲಿ ಕಣ್ಣೀರಿನ ಅನಿಲ ಬಳಕೆಯೂ ಉಲ್ಲೇಖವಾಗಿದೆ. ಪ್ರತಿಭಟನಾಕಾರರು ಪೊಲೀಸ್ ಕ್ರಮವನ್ನು ಖಂಡಿಸಿದರೆ, ಅಧಿಕಾರಿಗಳು ಪ್ರತಿಭಟನೆಯನ್ನು ನಿಯಂತ್ರಿಸುವ ಕ್ರಮ ಅಗತ್ಯವಿತ್ತು ಎಂದು ಸಮರ್ಥಿಸಿಕೊಂಡಿದ್ದಾರೆ.

ಈ ಪ್ರತಿಭಟನೆಗೆ ಮತ್ತಷ್ಟು ಬಲ ನೀಡಿದ ,ಸೋನಂ ವಾಂಗ್ಚುಕ್ ನಡೆಸಿದ ಉಪವಾಸ ಸತ್ಯಾಗ್ರಹ. ನಂತರ ಅವರ ಆರೋಗ್ಯ ಹದಗೆಟ್ಟ ಬಳಿಕ ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಯಿತು. ಈ ಹಿನ್ನೆಲೆಯಲ್ಲಿ ಚಳವಳಿಯ ನಾಯಕರು ಹಾಗೂ ಬೆಂಬಲಿಗರು ಇನ್ನಷ್ಟು ಆಕ್ರೋಶಗೊಂಡಿದ್ದಾರೆ.

ಸಂಸತ್ತಿನಲ್ಲೂ ಪ್ರತಿಧ್ವನಿ…!ಇದು ಸರ್ಕಾರಕ್ಕೆ ಎಷ್ಟು ದೊಡ್ಡ ಸವಾಲು?

ದೆಹಲಿಯ ಬೀದಿಗಳಲ್ಲಿನ ಪ್ರತಿಭಟನೆ ಇದೀಗ ರಾಜಕೀಯ ಚರ್ಚೆಯಾಗಿ ಸಂಸತ್ತಿನಲ್ಲೂ ಪ್ರತಿಧ್ವನಿಸಿದೆ. ಪ್ರತಿಪಕ್ಷ ನಾಯಕರು ಪೊಲೀಸ್ ಕ್ರಮವನ್ನು ಪ್ರಶ್ನಿಸಿದ್ದು, ವಿದ್ಯಾರ್ಥಿಗಳ ಮೇಲಿನ ಬಲಪ್ರಯೋಗದ ಬಗ್ಗೆ ಸರ್ಕಾರದಿಂದ ಉತ್ತರ ಕೇಳಿದ್ದಾರೆ. ಈ ಮೂಲಕ ‘ಕಾಕ್ರೋಚ್’ ಪ್ರತಿಭಟನೆ ಶಿಕ್ಷಣ ಸಮಸ್ಯೆಯಿಂದ ರಾಜಕೀಯ ಸಂಕಷ್ಟದ ಹಂತಕ್ಕೆ ತಲುಪಿದೆಯೇ? ಎಂಬ ಚರ್ಚೆ ಆರಂಭವಾಗಿದೆ. ಪ್ರಶ್ನೆಪತ್ರಿಕೆ ಸೋರಿಕೆ, ಪರೀಕ್ಷಾ ಅಕ್ರಮ, ನಿರುದ್ಯೋಗ ಮತ್ತು ಯುವಜನರ ಭವಿಷ್ಯದ ಬಗ್ಗೆ ಹೆಚ್ಚುತ್ತಿರುವ ಅಸಮಾಧಾನ—ಈ ಎಲ್ಲಾ ವಿಷಯಗಳು ಒಂದೇ ವೇದಿಕೆಯಲ್ಲಿ ಸೇರುತ್ತಿವೆ. ಆದ್ದರಿಂದ CJP ಪ್ರತಿಭಟನೆ ಕೇವಲ ಒಂದು ದಿನದ ವಿದ್ಯಾರ್ಥಿ ಪ್ರತಿಭಟನೆಯೇ ಅಥವಾ ದೇಶವ್ಯಾಪಿ ಯುವ ಚಳವಳಿಯಾಗಿ ಬೆಳೆಯುತ್ತದೆಯೇ ಎಂಬುದು ಈಗಿನ ದೊಡ್ಡ ಪ್ರಶ್ನೆ. ಇಂದಿನ ಸಂಸತ್ ಚಲೋ ಮತ್ತು ಪೊಲೀಸ್ ಕ್ರಮದ ನಂತರ ಚಳವಳಿಗೆ ಮತ್ತಷ್ಟು ವೇಗ ಸಿಗುವ ಸಾಧ್ಯತೆ ಇದೆ.

Also Read ಕರ್ನಾಟಕದಲ್ಲಿ ಈಗ ಏನು ಟ್ರೆಂಡಿಂಗ್ ಗೊತ್ತಾ…! ಸಾಲು ಸಾಲು ಹಗರಣ, ಲಂಚವತಾರ , ಅಕ್ರಮ ನೇಮಕಾತಿ,ಟ್ರಾನ್ಸ್‌ಫರ್ ಮಾಫಿಯಾ ..ಒಂದೋ ಎರಡೋ….!??

##CockroachJantaParty #DelhiProtest #StudentProtest #DharmendraPradhan #ExamPaperLeak #EducationCrisis #ParliamentProtest