ಅವಿವೇಕದ ಅತಿರೇಕ — “ಜನಪ್ರತಿನಿಧಿ” ಎಂಬ ಹೆಸರಿನಲ್ಲಿ ಸಾರ್ವಜನಿಕ ಶಿಸ್ತಿಗೆ ಧಕ್ಕೆ

ಕರಾವಳಿ ಜಿಲ್ಲೆಗಳಾದ ದಕ್ಷಿಣ ಕನ್ನಡ ಹಾಗೂ ಉಡುಪಿಯಲ್ಲಿ ದಿನದಿಂದ ದಿನಕ್ಕೆ ಹೆಚ್ಚುತ್ತಿರುವ ಅನಧಿಕೃತ ಪ್ಲೆಕ್ಸ್, ಕಟೌಟ್ ಮತ್ತು ಬ್ಯಾನರ್ ಸಂಸ್ಕೃತಿ ಕೇವಲ ಅಸಹ್ಯಕರವಾಗಿರುವುದಲ್ಲ, ಸಾರ್ವಜನಿಕ ಬದುಕಿನ ಮೇಲೆ ನೇರ ಪರಿಣಾಮ ಬೀರುತ್ತಿರುವ ಗಂಭೀರ ಸಮಸ್ಯೆಯಾಗಿದೆ. ಕಾನೂನು, ನ್ಯಾಯಾಲಯದ ಆದೇಶ, ಪರಿಸರ—allವನ್ನು ನಿರ್ಲಕ್ಷಿಸಿ ತಮ್ಮ ಸ್ವಾರ್ಥದ ಪ್ರಚಾರಕ್ಕಾಗಿ ರಸ್ತೆಗಳು, ವೃತ್ತಗಳು, ಸರ್ಕಾರಿ ಜಾಗಗಳು ತುಂಬಿಸುವ ಈ “ಸೋ-ಕಾಲ್ಡ್” ಜನಪ್ರತಿನಿಧಿಗಳ ವರ್ತನೆ ವಿಷಾದ ಕರ.

ಇನ್ನಷ್ಟು ವಿಷಾದಕರ ಸಂಗತಿ ಎಂದರೆ, ಇಂತಹ ಅಕ್ರಮಗಳಿಗೆ ಬೆಂಬಲ ನೀಡುವ ಕೆಲ ಸಂಘ ಸಂಸ್ಥೆಗಳು ಮತ್ತು ಅರಿವು ಇಲ್ಲದ ಅನುಯಾಯಿಗಳು. ಸಮಾಜಕ್ಕೆ ಮಾದರಿ ಆಗಬೇಕಾದವರು ನಿಯಮ ಮೀರಿ ನಡೆದುಕೊಂಡರೆ, ಸಾಮಾನ್ಯ ಜನರಲ್ಲಿ ತಪ್ಪು ಸಂದೇಶವೇ ಹೋಗುತ್ತದೆ. ಇದು ನಾಯಕತ್ವವಲ್ಲ—ಇದು ಜವಾಬ್ದಾರಿಯಿಲ್ಲದ, ಅಸಂವೇದನಶೀಲ careless ನಡೆ.dontcare ಮನಸ್ಥಿತಿ.

ಇಂದಿನ ಯುಗದಲ್ಲಿ ಸಾಮಾಜಿಕ ಜಾಲತಾಣಗಳೇ ಸಾಕು ಪ್ರಚಾರಕ್ಕೆ. ಹೆಸರು-ಖ್ಯಾತಿ ಬೇಕಾದರೆ ಉತ್ತಮ ಕೆಲಸ ಮಾಡಿ, ಅದನ್ನು ಆನ್‌ಲೈನ್‌ನಲ್ಲಿ ಹಂಚಿಕೊಳ್ಳಿ. ಜನರಿಗೆ ತೊಂದರೆ ಕೊಟ್ಟು, ನಗರವನ್ನು ಕುರೂಪಗೊಳಿಸಿ ಗಮನ ಸೆಳೆಯುವ ಪ್ರಯತ್ನಗಳು ಅಸಹ್ಯಕರ.

ಮುಖ್ಯ ಸಮಸ್ಯೆಗಳು:

ಪರಿಸರಕ್ಕೆ ಭಾರೀ ಹಾನಿ ಉಂಟುಮಾಡುವ ಪ್ಲಾಸ್ಟಿಕ್ ಪ್ಲೆಕ್ಸ್
ರಸ್ತೆ ತಿರುವುಗಳು, ಪ್ರಮುಖ ಸ್ಥಳಗಳಲ್ಲಿ ಚಾಲನೆಗೆ ಅಡ್ಡಿ → ಅಪಘಾತಗಳ ಅಪಾಯ
ಸಾರ್ವಜನಿಕ ಆಸ್ತಿಯ ದುರ್ಬಳಕೆ
ಕಾನೂನು ಹಾಗೂ ನ್ಯಾಯಾಲಯದ ಆದೇಶಗಳ ನಿರ್ಲಕ್ಷ್ಯ
ತೆರವು ಮಾಡಿದ ನಂತರ ಸರಿಯಾದ ವಿಲೇವಾರಿ ಇಲ್ಲದೆ ಮತ್ತಷ್ಟು ಮಾಲಿನ್ಯ
ಹಬ್ಬ-ಉತ್ಸವಗಳ ಹೆಸರಿನಲ್ಲಿ ಹಣದ ದುರುಪಯೋಗ

ಅಧಿಕಾರಿಗಳ ನಿಷ್ಕ್ರಿಯತೆ ಕೂಡ ಖಂಡನೀಯ. ಕಾನೂನು ಅಧಿಕಾರ ಇದ್ದೂ ಕ್ರಮ ಕೈಗೊಳ್ಳದಿರುವುದು ಈ ಸಮಸ್ಯೆಯನ್ನು ಮತ್ತಷ್ಟು ಗಂಭೀರವಾಗಿಸುತ್ತಿದೆ.

ಕಟ್ಟುನಿಟ್ಟಿನ ಕ್ರಮ ಅಗತ್ಯ:

ಭಾರೀ ದಂಡ ಕಡ್ಡಾಯ:
ಅನಧಿಕೃತ ಪ್ಲೆಕ್ಸ್‌ನಲ್ಲಿ ಯಾರ ಫೋಟೋ/ಹೆಸರು ಇದ್ದರೂ, ಹಾಗೆಯೇ ಅದನ್ನು ಅಳವಡಿಸಿದವರ ಮೇಲೂ ದೊಡ್ಡ ಪ್ರಮಾಣದ ದಂಡ ವಿಧಿಸಬೇಕು.
ಹೆಸರನ್ನು ಬಹಿರಂಗಪಡಿಸುವ ಕ್ರಮ:
ನಿಯಮ ಉಲ್ಲಂಘಿಸಿದವರ ಹೆಸರುಗಳನ್ನು ಪತ್ರಿಕೆ, ಮಾಧ್ಯಮಗಳಲ್ಲಿ ಪ್ರಕಟಿಸಬೇಕು.
ತಕ್ಷಣ ತೆರವು + ವೆಚ್ಚ ವಸೂಲಿ:
ಪ್ಲೆಕ್ಸ್ ತೆಗೆದುಹಾಕುವ ವೆಚ್ಚವನ್ನು ಸಂಬಂಧಿಸಿದವರಿಂದಲೇ ವಸೂಲಿ ಮಾಡಬೇಕು.

ಜನಸಾಮಾನ್ಯರ ಪಾಲ್ಗೊಳ್ಳಿಕೆ — ಫ್ಲೆಕ್ಸ್ ಫ್ರೀ ನಗರಕ್ಕೆ ಮಾರ್ಗ:

ಹೆಲ್ಪ್‌ಲೈನ್ ವ್ಯವಸ್ಥೆ:
ಅನಧಿಕೃತ ಪ್ಲೆಕ್ಸ್ ಕಂಡರೆ ತಕ್ಷಣ ದೂರು ನೀಡಲು ವಿಶೇಷ ಹೆಲ್ಪ್‌ಲೈನ್ ಅಥವಾ ಮೊಬೈಲ್ ಆಪ್ ವ್ಯವಸ್ಥೆ ಇರಬೇಕು.
ಪ್ರಮಾಣದೊಂದಿಗೆ ದೂರು → ಪ್ರೋತ್ಸಾಹ ಧನ:
ಫೋಟೋ/ವೀಡಿಯೋ ಸಾಕ್ಷ್ಯಗಳೊಂದಿಗೆ ದೂರು ನೀಡಿದ ನಾಗರಿಕರಿಗೆ ಪ್ರೋತ್ಸಾಹ ಧನ (reward) ನೀಡುವ ವ್ಯವಸ್ಥೆ ಮಾಡಿದರೆ ಜನರು ಸಕ್ರಿಯವಾಗಿ ಭಾಗವಹಿಸುತ್ತಾರೆ.
ಜನಜಾಗೃತಿ ಅಭಿಯಾನ:
“Flex-Free City” ಎಂಬ ಅಭಿಯಾನವನ್ನು ಪ್ರಚಾರ ಮಾಡಿ, ಶಾಲೆ-ಕಾಲೇಜುಗಳು, ಯುವ ಸಂಘಟನೆಗಳು, ಸ್ಥಳೀಯ ನಿವಾಸಿಗಳನ್ನು ಒಳಗೊಂಡಂತೆ ಜಾಗೃತಿ ಮೂಡಿಸಬೇಕು.
ಸಾಮಾಜಿಕ ಹೊಣೆಗಾರಿಕೆ ನಿರ್ಮಾಣ:
ಪ್ಲೆಕ್ಸ್ ಹಾಕಿಸುವವರನ್ನು ಪ್ರಶ್ನಿಸುವ ಧೈರ್ಯ ಸಾಮಾನ್ಯ ಜನರಲ್ಲಿ ಬರಬೇಕು. ಇದು ಕೇವಲ ಸರ್ಕಾರದ ಕೆಲಸವಲ್ಲ—ಪ್ರತಿ ನಾಗರಿಕರ ಜವಾಬ್ದಾರಿ.

ರಚನಾತ್ಮಕ ಸಲಹೆಗಳು:

ಸರಿಯಾದ ಜಾಗಗಳಲ್ಲಿ ಮಾತ್ರ ಬಳಕೆ:
ಸಾರ್ವಜನಿಕ ಶೌಚಾಲಯ, ಗೋಡೆಗಳ ರಕ್ಷಣೆ, ಸ್ವಚ್ಛತಾ ಜಾಗೃತಿ, ಟ್ರಾಫಿಕ್ ನಿಯಮಗಳ ಬಗ್ಗೆ ಮಾಹಿತಿ ನೀಡಲು ಪ್ಲೆಕ್ಸ್ ಬಳಸಬಹುದು.
ಅಕ್ರಮ ಪ್ರದೇಶಗಳಲ್ಲಿ ನಿಗಾವಳಿ:
ಪ್ಲೆಕ್ಸ್ ಜೊತೆಗೆ CCTV ಕ್ಯಾಮೆರಾ, “ನಿಗಾವಳಿ ಪ್ರದೇಶ” ಫಲಕ, ಉತ್ತಮ ಬೆಳಕು ವ್ಯವಸ್ಥೆ.
ಪರಿಸರ ಸ್ನೇಹಿ ಪರ್ಯಾಯಗಳು:
ಡಿಜಿಟಲ್ ಡಿಸ್ಪ್ಲೇ, ಬಟ್ಟೆಯ ಬ್ಯಾನರ್—ಪ್ಲಾಸ್ಟಿಕ್ ಸಂಪೂರ್ಣ ನಿಷೇಧ.