ಇಂದು ಮಂಗಳೂರು ಜಿಲ್ಲಾ ನ್ಯಾಯಾಲಯದ ಅಂಗಳದಲ್ಲಿ ಅಪರೂಪದಲ್ಲಿಯೇ ಅಪರೂಪವಾದಂತಹ ನ್ಯಾಯ ಸಂದಾಯವಾಗಿದೆ. ಸಾಮಾನ್ಯ ಜನರಲ್ಲಿ ವ್ಯವಸ್ಥೆಯ ಬಗ್ಗೆ ನಂಬಿಕೆ ಹಾಗೂ ವಿಶ್ವಾಸ ಹೆಚ್ಚಾಗಲು ಈ ಒಂದು ನ್ಯಾಯಾಲಯದ ಆದೇಶವು ಕಾರಣವಾಗಿದೆ.
ಮಂಗಳೂರಿನ ಜಿಲ್ಲಾ ನ್ಯಾಯಾಲಯದಲ್ಲಿ ಇಂದು ಒಬ್ಬ ಧರ್ಮ ಗುರುವಿನ ನೀಚ ಕೆಲಸಕ್ಕೆ ಶಿಕ್ಷೆ ಪ್ರಕಟವಾಗುವ ಮೂಲಕ ಸಮಾಜಕ್ಕೆ ಖಡಕ್ ಸಂದೇಶ ರವಾನೆಯಾಗಲು ಕಾರಣವಾಗಿದೆ. ನ್ಯಾಯಾಲಯದ ಈ ಶಿಕ್ಷೆಯು ಧ್ವನಿ ಇಲ್ಲದ ಸಾಮಾನ್ಯ ಜನರಲ್ಲಿ ಆಶಾಭಾವನೆಯನ್ನು ಮೂಡಿಸಿದೆ.
ಹೌದು, ಅಬ್ದುಲ್ ಲತೀಫ್ ಅಲಿಯಾಸ್ ಲತೀಫ್ ದಾರಿಮಿ ಎಂಬ ಧರ್ಮ ಗುರುವೇ ಈಗ ನ್ಯಾಯಾಲಯದಿಂದ 20 ವರ್ಷ ಶಿಕ್ಷೆ, ಸಂತ್ರತೆಗೆ ಐದು ಲಕ್ಷದ ಇಪ್ಪತ್ತು ಸಾವಿರ ಪರಿಹಾರ ಹಾಗೂ 80 ಸಾವಿರ ದಂಡಕ್ಕೆ ಒಳಪಟ್ಟಿದ್ದಾರೆ. ದಕ್ಷಿಣ ಕನ್ನಡ ಜಿಲ್ಲೆಯ ಕಲ್ಲಡ್ಕ ಮಸೀದಿಯಿಂದ ನಡೆಸಲ್ಪಡುತ್ತಿರುವ ಮದರಸದಲ್ಲಿ ಧರ್ಮದ ಪಾಠ ಮಾಡುತ್ತಿದ್ದ ಲತೀಫ್ ದಾರಿಮಿ, ಅದೇ ಮದರಸಕ್ಕೆ ಧಾರ್ಮಿಕ ಸಂಸ್ಕಾರ ಕಲಿಯಲು ಬರುತ್ತಿದ್ದ 14 ವರ್ಷದ ತಂದೆ ಇಲ್ಲದ ಹೆಣ್ಣು ಮಗಳೊಬ್ಬಳನ್ನು ತನ್ನ ವಿಕೃತ ಕಾಮಕ್ಕೆ ಬಳಸಿಕೊಂಡು ಸಿಕ್ಕಾಕಿಕೊಂಡಿದ್ದ ಇದೇ ವರ್ಷದ ಆದಿಯಲ್ಲಿ. ಆ ಹೆಣ್ಣು ಮಗಳ ತಂದೆಗಿಂತಲೂ ಹತ್ತು ವರ್ಷದಷ್ಟು ದೊಡ್ಡ ವಯಸ್ಸಿನ ಈ ಧರ್ಮ ಗುರು ಮಾಡಿದ ಪಾಪ ಈಗ ಅವನನ್ನು ಜೈಲಿನ ಕಂಬಿಯ ಹಿಂದೆ ತಳ್ಳಿದೆ. ಈ ಒಂದು ಪ್ರಕರಣ ನಡೆದು ಕೇವಲ ಒಂಬತ್ತು ತಿಂಗಳಷ್ಟೇ ಆಯಿತು. ಜನವರಿ ತಿಂಗಳ ಆದಿಯಲ್ಲಿ ಈ ಪ್ರಕರಣವು ಬೆಳಕಿಗೆ ಬಂದಿತ್ತು. ಈಗ ತ್ವರಿತ ಗತಿಯಾಗಿ ನಡೆದ ಕಾನೂನು ಸಮರದಲ್ಲಿ, ಧರ್ಮ ಗುರು ಲತೀಫ್ ಧಾರಿಮಿಗೆ ಶಿಕ್ಷೆ ಆಗುವ ಮೂಲಕ ಈ ಧರ್ಮ ಗುರುವಿನ ಪರವಾಗಿ ಬ್ಯಾಟ್ ಬೀಸುತ್ತಿದ್ದವರಿಗೆ ಘೋರ ಮುಖಭಂಗವಾಗಿದೆ. ಅವರ ಪ್ರತಿಷ್ಠೆಗೆ ತೀವ್ರ ತರಹದ ಧಕ್ಕೆಯಾಗಿದೆ ಅಂದರೂ ತಪ್ಪಾಗಲಿಕ್ಕಿಲ್ಲ.
ಈ ಒಂದು ತ್ವರಿತಗತಿಯ ನ್ಯಾಯದಾನದಿಂದಾಗಿ, ನ್ಯಾಯಾಂಗದ ಮೇಲೆ ಭಯ ಭಕ್ತಿ ಎರಡೂ ಹೆಚ್ಚಾಗಿದೆ. ಹಾಗೆಯೇ ವಿಶ್ವಾಸ ಇಮ್ಮಡಿಯಾಗಿದೆ ಎಂಬ ಮಾತುಗಳು ಸಾರ್ವಜನಿಕ ವಲಯದಿಂದ ಕೇಳಿ ಬರುತ್ತಿದೆ. ಈ ಪ್ರಕರಣದ ತನಿಖಾ ಅಧಿಕಾರಿಗಳಾಗಿ ಅನಂತಪದ್ಮನಾಭರವರು ಕ್ರಮಜರುಗಿಸಿ ನ್ಯಾಯಾಲಯಕ್ಕೆ ಸಂಪೂರ್ಣ ತನಿಕಾ ವರದಿಯನ್ನು ನೀಡಿದ್ದರು. ಸಂತ್ರಸ್ತೆಯ ಪರವಾಗಿ ಉಚ್ಚ ನ್ಯಾಯಾಲಯದ ನ್ಯಾಯವಾದಿಗಳಾದ ಶ್ರೀಮತಿ ಸೌದಾ ಅವರು, ವಾದಿಸಿ ಪ್ರಕರಣಕ್ಕೆ ನ್ಯಾಯ ಒದಗಿಸಲು ಹೋರಾಡಿದ್ದರು.