ತುಮಕೂರಿನಲ್ಲಿ 10 ಲಕ್ಷದ ವಜ್ರಾಭರಣ ಕದ್ದ ಈ ಮಹಾಚೋರನ ಕಥೆ ಕೇಳಿದರೆ ನಿಜಕ್ಕೂ ಶಾಕ್ ಆಗ್ತೀರಾ!”

Karavali Maruta | 2 months ago | 31 July 2026

“ಕಳ್ಳ ಯಾರು ಅನ್ನೋದು ಗೊತ್ತಿದೆ… ಸಾಕ್ಷಿಯೂ ಇದೆ… ಸಿಸಿಟಿವಿಯಲ್ಲೇ ಕಳ್ಳತನದ ದೃಶ್ಯ ಸೆರೆಯಾಗಿದೆ… ಆದರೆ ಬಂಧಿಸಲು ಆಗಲ್ಲ! ಪೊಲೀಸರಿಗೆ ದೂರು ಕೊಡಲು ಆಗುತ್ತಿಲ್ಲ! ಯಾಕೆ ಗೊತ್ತಾ?

ವಜ್ರಾಭರಣ ಕದ್ದ ಮಹಾಚೋರನ ಸುಳಿವು ಕೊನೆಗೆ ಬಯಲಾಯ್ತು …ಆ ಕಳ್ಳ ಯಾರು ಅಂತ! ತಿಳಿದು ಜ್ಯುವೆಲರಿ ಮಾಲೀಕ ಮತ್ತು ತುಮಕೂರಿನ ಪೊಲೀಸರೇ ಬೆಚ್ಚಿಬಿದ್ದ ರಹಸ್ಯ ಘಟನೆ ನಡೆದಿದ್ದು

ತುಮಕೂರು ನಗರದ ಕಾಲ್‌ಟೆಕ್ಸ್ ಸರ್ಕಲ್ ಸಮೀಪದ ಜ್ಯುವೆಲರಿ ಅಂಗಡಿಯಲ್ಲಿ. ರಾತ್ರಿ ಕತ್ತಲೆ… ಜ್ಯುವೆಲರಿ ಅಂಗಡಿ ಸಂಪೂರ್ಣ ಬಂದ್… ಬೆಳಗ್ಗೆ ಅಂಗಡಿ ತೆರೆದ ಸಿಬ್ಬಂದಿಗೆ ಎದುರಾದ ದೃಶ್ಯ ಮಾತ್ರ ಸಿನಿಮಾವನ್ನೂ ಮೀರಿಸುವಂತಿತ್ತು. ಡಿಸ್‌ಪ್ಲೇಯಲ್ಲಿ ಇಟ್ಟಿದ್ದ ಲಕ್ಷಾಂತರ ರೂಪಾಯಿ ಮೌಲ್ಯದ ವಜ್ರಖಚಿತ ಚಿನ್ನಾಭರಣಗಳು ನಾಪತ್ತೆ! ಶಟರ್ ಮುರಿದಿಲ್ಲ… ಬೀಗ ಒಡೆದಿಲ್ಲ… ಯಾರೂ ಒಳನುಗ್ಗಿದ ಗುರುತು ಇಲ್ಲ. ಹಾಗಾದರೆ ಆಭರಣಗಳು ಎಲ್ಲಿಗೆ ಹೋದವು? ಇದೇ ಪ್ರಶ್ನೆ ಅಂಗಡಿ ಮಾಲೀಕರನ್ನಷ್ಟೇ ಅಲ್ಲ, ಪೊಲೀಸರನ್ನೂ ಕಂಗಾಲಾಗುವಂತೆ ಮಾಡಿತು.

Also Read ಸತೀಶ್' ಆಗಿ ಹೋದವ, 'ಸಲೀಂ' ಆಗಿ ವಾಪಸ್ …!26 ವರ್ಷಗಳ ಬಳಿಕ ತಾಯಿಯ ಮಡಿಲಿಗೆ ಮರಳಿದ ಮಗನ ಭಾವುಕ ಕಥೆ

ಸುಮಾರು 50 ಗ್ರಾಂಗೂ ಅಧಿಕ ತೂಕದ ವಜ್ರಖಚಿತ ಚಿನ್ನಾಭರಣಗಳು, ಅಂದರೆ 10 ಉಂಗುರಗಳು ಮತ್ತು 3 ಸರಗಳು, ಒಟ್ಟು ಸುಮಾರು 10 ಲಕ್ಷ ರೂಪಾಯಿ ಮೌಲ್ಯದ ಒಡವೆಗಳು ಕಾಣೆಯಾಗಿದ್ದವು.

ಮೊದಲಿಗೆ ಎಲ್ಲರ ಅನುಮಾನ ಒಳಗಿನ ಸಿಬ್ಬಂದಿಯ ಮೇಲೆಯೇ ಬಿತ್ತು. ಆದರೆ ಯಾವುದೇ ಸುಳಿವು ಸಿಗಲಿಲ್ಲ. ಕೊನೆಗೆ ಸಿಸಿಟಿವಿ ದೃಶ್ಯ ಪರಿಶೀಲಿಸಲು ಮುಂದಾದರು. ಕ್ಯಾಮೆರಾ ದೃಶ್ಯ ನೋಡಿದ ಕ್ಷಣ ಎಲ್ಲರೂ ದಂಗಾದರು ಯಾಕೆಂದರೆ ಅಲ್ಲಿ ಕಾಣಿಸಿಕೊಂಡಿದ್ದ ಕಳ್ಳ ಮನುಷ್ಯನಲ್ಲ!

ಪರದೆ ಮೇಲೆ ಪುಟ್ಟದೊಂದು ಇಲಿ ಸದ್ದಿಲ್ಲದೆ ಓಡಾಡುತ್ತಾ, ಒಂದೊಂದೇ ವಜ್ರಾಭರಣವನ್ನು ತನ್ನ ಬಾಯಲ್ಲಿ ಕಚ್ಚಿಕೊಂಡು ಎಳೆದುಕೊಂಡು ಹೋಗುತ್ತಿರುವುದು ಸ್ಪಷ್ಟವಾಗಿ ದಾಖಲಾಗಿತ್ತು. ಆ ಇಲಿ ಅಚ್ಚುಕಟ್ಟಾಗಿ ಆಭರಣಗಳನ್ನು ತನ್ನ ಬಿಲದೊಳಗೆ ಸಾಗಿಸುತ್ತಿರುವ ದೃಶ್ಯ ನೋಡಿ ಸಿಬ್ಬಂದಿ ಮತ್ತು ಮಾಲೀಕರು ಬೆಚ್ಚಿಬಿದ್ದರು.

Also Read ರೇಣುಕಾಸ್ವಾಮಿ ಕೊಲೆ ಪ್ರಕರಣಕ್ಕೆ ಹೊಸ ತಿರುವು: ದರ್ಶನ್ ಆಪ್ತರ ‘ಮಾಫಿ ಸಾಕ್ಷಿ’ ಅರ್ಜಿ ಏಕೆ ಮಹತ್ವದ್ದು?

ಆದರೆ ನಿಜವಾದ ಟ್ವಿಸ್ಟ್ ಇನ್ನೂ ಬಾಕಿ ಇತ್ತು.

ಸಿಸಿಟಿವಿ ಆಧರಿಸಿ ಇಲಿಯ ಜಾಡು ಹಿಡಿದ ಸಿಬ್ಬಂದಿ, ಅದು ಹೋಗಿದ್ದ ಬಿಲವನ್ನು ತೋಡಲು ಆರಂಭಿಸಿದರು. ಕೆಲವೇ ಕ್ಷಣಗಳಲ್ಲಿ ಬಿಲದೊಳಗಿಂದ ಹೊಳೆಯುವ ಚಿನ್ನದ ಕಿರಣಗಳು ಕಾಣಿಸತೊಡಗಿದವು. ಬಿಲವನ್ನು ಸಂಪೂರ್ಣ ತೆರೆಯುತ್ತಿದ್ದಂತೆ ಎಲ್ಲರೂ ಕಂಗಾಲಾದರು. ಕಳ್ಳತನವಾಗಿದ್ದ ಎಲ್ಲಾ 10 ಉಂಗುರಗಳು ಮತ್ತು 3 ಸರಗಳು ಅಲ್ಲಿ ಭದ್ರವಾಗಿ ಇಟ್ಟಿದ್ದವು! ಒಂದೂ ಮಿಸ್ ಆಗಿರಲಿಲ್ಲ.

ಸುಮಾರು 10 ಲಕ್ಷ ರೂಪಾಯಿ ಮೌಲ್ಯದ ಎಲ್ಲಾ ವಜ್ರಾಭರಣಗಳು ಸುರಕ್ಷಿತವಾಗಿ ವಾಪಸ್ ಸಿಕ್ಕಿದ್ದರಿಂದ ಅಂಗಡಿ ಮಾಲೀಕರು ನಿಟ್ಟುಸಿರು ಬಿಟ್ಟರು.

ಈ ವಿಚಿತ್ರ ಘಟನೆ ಈಗ ತುಮಕೂರಿನಾದ್ಯಂತ ಭಾರೀ ಚರ್ಚೆಗೆ ಕಾರಣವಾಗಿದೆ. ಸಾಮಾಜಿಕ ಜಾಲತಾಣಗಳಲ್ಲಿ ಈ ಸಿಸಿಟಿವಿ ದೃಶ್ಯ ವೈರಲ್ ಆಗಿದ್ದು, ಜನರು ಇದನ್ನು ‘ಟಾಮ್ ಅಂಡ್ ಜೆರಿ’ ಸಿನಿಮಾದ ನೈಜ ದೃಶ್ಯ ಎಂದು ಹೋಲಿಕೆ ಮಾಡುತ್ತಿದ್ದಾರೆ.

Also Read ಅಧಿಕಾರಕ್ಕಿಂತ ಕೆಲಸ ಮುಖ್ಯ ಎನ್ನುವ ನಾಯಕ? ಕೃಷ್ಣ ಬೈರೇಗೌಡರ ನಡೆ, ಕೆಲಸ ಈಗ ಎಲ್ಲರ ಗಮನ ಸೆಳೆತಿದೆ..

ಕಳ್ಳತನ ಎಂದರೆ ಮನುಷ್ಯನೇ ಮಾಡುತ್ತಾನೆ ಎಂಬ ಕಲ್ಪನೆಯನ್ನು ಈ ಘಟನೆ ಸಂಪೂರ್ಣವಾಗಿ ತಲೆಕೆಳಗಾಗಿಸಿದೆ. ಲಕ್ಷಾಂತರ ರೂಪಾಯಿ ಮೌಲ್ಯದ ವಜ್ರಾಭರಣಗಳನ್ನು ಬಿಲಕ್ಕೆ ಸೇರಿಸಿದ ಈ ಪುಟ್ಟ ಇಲಿ, ಕೊನೆಗೆ ಸಿಸಿಟಿವಿ ಮುಂದೆ ತನ್ನದೇ ರಹಸ್ಯವನ್ನು ಬಯಲು ಮಾಡಿತು. ಒಂದೊಮ್ಮೆ cctv ಇಲ್ಲದೇ ಹೋಗಿದ್ದರೆ ಎಷ್ಟೋ ಜನರ ಮೇಲೆ ಧರ್ಮಕ್ಕೆ ಅನುಮಾನ ಅವಮಾನ ಅಪಮಾನ …!

##Tumkur #JewelleryTheft #DiamondJewellery #CCTVFootage #ViralNews #KarnatakaNews #MouseThief