ಈಗಿನ ದಿನಗಳಲ್ಲಿ ಹೆಚ್ಚಿನ ರಸ್ತೆಗಳ ಪರಿಸ್ಥಿತಿ ಹೇಗಿದೆ ಅಂದ್ರೆ ಮಕ್ಕಳು ಹೊರಗೆ ಆಟ ಆಡೋದು ಕೂಡ ಅಪಾಯವಾಗಿದೆ. ನಿರ್ಭೀತಿಯಿಂದ ಸ್ವಚ್ಛಂದವಾಗಿ ರಸ್ತೆಯಲ್ಲಿ walk ಕೂಡ ಅಸಾಧ್ಯ.ಕೆಲವು ರಸ್ತೆಗಳಲ್ಲಿ Dogs ಗ್ಯಾಂಗ್ ಯಾವುದೇ ಸಮಯದಲ್ಲೂ attack ಮಾಡುವಂತ ಸ್ಥಿತಿ ಎದುರಾಗಿದೆ.ಇದು ಎಚ್ಚರಿಕೆ ಅಲ್ಲ… ಅಪಾಯದ ಗಂಟೆ!

ಭಾರತದಾದ್ಯಂತ ನಾಯಿಕಚ್ಚುವ ಪ್ರಕರಣಗಳು ಆತಂಕಕಾರಿ ಮಟ್ಟಕ್ಕೆ ಏರಿರುವ ಹಿನ್ನೆಲೆಯಲ್ಲಿ, Supreme Court of India ತೀವ್ರ ಕಳವಳ ವ್ಯಕ್ತಪಡಿಸಿದೆ. 2026ರ ಮೊದಲ ನಾಲ್ಕು ತಿಂಗಳಲ್ಲಿ ಮಾತ್ರ ತಮಿಳುನಾಡಿನಲ್ಲಿ ಸುಮಾರು 2.63 ಲಕ್ಷ ಮತ್ತು ಕರ್ನಾಟಕದಲ್ಲಿ 2 ಲಕ್ಷಕ್ಕೂ ಹೆಚ್ಚು ನಾಯಿ ಕಚ್ಚುವ ಪ್ರಕರಣಗಳು ದಾಖಲಾಗಿವೆ ಎಂದು ನ್ಯಾಯಾಲಯ ಗಮನಿಸಿದೆ. ನ್ಯಾಯಾಲಯವು ರಾಜ್ಯ ಸರ್ಕಾರಗಳು ಹಾಗೂ ಸ್ಥಳೀಯ ಆಡಳಿತಗಳ ನಿರ್ಲಕ್ಷ್ಯದಿಂದ ಪರಿಸ್ಥಿತಿ “ಅತ್ಯಂತ ಆತಂಕಕಾರಿ” ಮಟ್ಟಕ್ಕೇರಿದೆ ಎಂದು ಹೇಳಿದೆ.

ಪ್ರಮುಖ ಅಂಶಗಳು

ತಮಿಳುನಾಡಿನಲ್ಲಿ 2026ರ ಜನವರಿಯಿಂದ ಏಪ್ರಿಲ್‌ವರೆಗೆ ಸುಮಾರು 17 ಸಾವುಗಳು ದಾಖಲಾಗಿವೆ.
ಕರ್ನಾಟಕದಲ್ಲಿ ರೇಬೀಸ್ ಸಂಬಂಧಿತ ಕನಿಷ್ಠ 25 ಸಾವುಗಳು ವರದಿಯಾಗಿವೆ.
ಬೆಂಗಳೂರು ನಗರ ಪ್ರದೇಶದಲ್ಲೇ ಸಾವಿರಾರು ನಾಯಿ ಕಚ್ಚುವ ಪ್ರಕರಣಗಳು ದಾಖಲಾಗಿವೆ.
ಶಾಲೆಗಳು, ಆಸ್ಪತ್ರೆಗಳು, ಬಸ್ ನಿಲ್ದಾಣಗಳು ಮತ್ತು ಸಾರ್ವಜನಿಕ ಸ್ಥಳಗಳಲ್ಲಿ ಬೀದಿ ನಾಯಿಗಳ ಹಾವಳಿ ಹೆಚ್ಚಾಗಿದೆ ಎಂದು ಸುಪ್ರೀಂ ಕೋರ್ಟ್ ತಿಳಿಸಿದೆ.

ರಸ್ತೆ ಮೇಲೆ ನಡೆಯುವವರು ಮತ್ತು ಸೈಕಲ್ ಓಡಿಸುವ ಮಕ್ಕಳು ಗಮನಿಸಬೇಕಾದ ಸುರಕ್ಷತಾ ಸೂಚನೆಗಳು

ಬೀದಿ ನಾಯಿಗಳಿಂದ ಸುರಕ್ಷತೆ – ನಡೆದುಕೊಂಡು ಹೋಗುವವರು

ನಾಯಿಯನ್ನು ನೋಡಿ ಓಡಬೇಡಿ; ಅದು ಬೆನ್ನಟ್ಟುವ ಸಾಧ್ಯತೆ ಹೆಚ್ಚುತ್ತದೆ.
ನಾಯಿಯ ಕಣ್ಣಿಗೆ ನೇರವಾಗಿ ನೋಡಬೇಡಿ; ಅದು ಸವಾಲು ಎಂದು ಭಾವಿಸಬಹುದು.
ಶಾಂತವಾಗಿ ನಿಧಾನವಾಗಿ ಹಿಂದೆ ಸರಿಯಿರಿ.
ಕೈಯಲ್ಲಿ ಕಲ್ಲು ಅಥವಾ ಕಡ್ಡಿ ಹಿಡಿದಂತೆ ನಟಿಸುವುದರಿಂದ ಕೆಲವೊಮ್ಮೆ ನಾಯಿ ದೂರ ಸರಿಯಬಹುದು.
ರಾತ್ರಿ ಒಬ್ಬರೇ ನಿರ್ಜನ ಪ್ರದೇಶಗಳಲ್ಲಿ ನಡೆಯುವುದನ್ನು ತಪ್ಪಿಸಿ.
ಆಹಾರ ತಿನ್ನುತ್ತಿರುವ ಅಥವಾ ಮರಿ ನಾಯಿಗಳ ಬಳಿ ಹೋಗಬೇಡಿ.
ಅಪರಿಚಿತ ನಾಯಿಗಳನ್ನು ಮುಟ್ಟಲು ಪ್ರಯತ್ನಿಸಬೇಡಿ.

ಸೈಕಲ್ ಓಡಿಸುವ ಮಕ್ಕಳಿಗೆ ವಿಶೇಷ ಎಚ್ಚರಿಕೆ

ನಾಯಿಗಳು ಬೆನ್ನಟ್ಟಿದರೆ ಸೈಕಲ್ ವೇಗವಾಗಿ ಓಡಿಸಬೇಡಿ; ನಿಧಾನವಾಗಿ ನಿಲ್ಲಿಸಿ.ಸೈಕಲ್‌ನಿಂದ ಇಳಿದು ಶಾಂತವಾಗಿ ನಿಲ್ಲಿ.ಅಥವಾ ಹೆದರಿಸಲು ಮುಂದಾಗಿ ಅಪಾಯ ಎದುರಾದರೆ ಸಹಾಯಕ್ಕಾಗಿ ಜೋರಾಗಿ ಕಿರುಚಿ….
ಮಕ್ಕಳಿಗೆ ನಾಯಿಗಳನ್ನು ಕೆಣಕಬಾರದು ಎಂದು ತಿಳಿಸಿ.ಶಾಲೆಗೆ ಹೋಗುವ ದಾರಿಯಲ್ಲಿ ನಾಯಿಗಳ ಗುಂಪು ಇರುವ ಪ್ರದೇಶಗಳನ್ನು ತಪ್ಪಿಸಿ.
ಸಂಜೆ ಮತ್ತು ರಾತ್ರಿ ವೇಳೆಯಲ್ಲಿ ಮಕ್ಕಳನ್ನು ಒಬ್ಬರೇ ಕಳುಹಿಸಬೇಡಿ.ಪೋಷಕರು ಮಕ್ಕಳಿಗೆ ತುರ್ತು ಪರಿಸ್ಥಿತಿಯಲ್ಲಿ ಸಹಾಯ ಕೇಳುವುದು ಹೇಗೆ ಎಂಬುದನ್ನು ಕಲಿಸಬೇಕು.