ಕಾಂಗ್ರೆಸ್ ನಾಯಕ ಹಾಗೂ ಸಾಮಾಜಿಕ ಹೋರಾಟಗಾರ ಎಂಜಿ ಹೆಗ್ಡೆ ಬರೆದಿರುವ ಪುಸ್ತಕ ಬಿಡುಗಡೆ ಕಾರ್ಯಕ್ರಮವು ಮಾರ್ಚ್ ಒಂದರ ಬೆಳಗ್ಗೆ ಮಂಗಳೂರು ನಗರದಲ್ಲಿ ನಡೆಯಲಿದೆ.

ಭಾರತವು ಮುಸ್ಲಿಂ ದೇಶ ವಾಗುವುದೇ ಎಂಬ ತಲೆಬರಹದಡಿ ಮುದ್ರಣವಾಗಿರುವ ಪುಸ್ತಕವು ಬಿಡುಗಡೆಗು ಮೊದಲೇ ಸಂಚಲನವನ್ನುಂಟು ಮಾಡುತ್ತಿದೆ. ಅದೇ ಪುಸ್ತಕದ ಬಿಡುಗಡೆಯ ಕಾರ್ಯಕ್ರಮವು ಮಂಗಳೂರು ನಗರದ ಬಲ್ಮಠದ ಸಹೋದಯ ಹಾಲಿನಲ್ಲಿ ಮಾರ್ಚ್ ಒಂದರ ಬೆಳಗ್ಗೆ 10 ಗಂಟೆಗೆ ನಿಗದಿಯಾಗಿದೆ.

ಈ ಪುಸ್ತಕ ಬಿಡುಗಡೆಯ ಜೊತೆಗೇನೆ ಎಂಜಿ ಹೆಗಡೆಯವರೇ ಬರೆದ ಗಾಂಧೀಮನೆಯ ಅವಲಕ್ಕಿಸರ ಎಂಬ ಪುಸ್ತಕದ ಪರಿಚಯದ ಕಾರ್ಯಕ್ರವನ್ನು ಹಮ್ಮಿಕೊಳ್ಳಲಾಗಿದೆ.

ಕಾರ್ಯಕ್ರಮದ ಮುಖ್ಯ ಅತಿಥಿಯಾಗಿ ರಮಾನಾಥ್ ರೈ ಮಾಜಿ ಸಚಿವರು ಹಾಗೂ ಇನ್ನೊಬ್ಬ ಮಾಜಿ ಸಚಿವರಾದ ಜಯಪ್ರಕಾಶ್ ಹೆಗಡೆ ಆಗಮಿಸಲಿದ್ದು,ಇವರ ಜೊತೆಗೆ ಇನ್ನು ಕೆಲವು ಅತಿಥಿಗಳು ಉಪಸ್ಥಿತರಿರಲಿದ್ದಾರೆ.

Also Read ಸೌಜನ್ಯಾ ಹೋರಾಟಗಾರ ಮಹೇಶ್ ಶೆಟ್ಟಿ ತಿಮರೋಡಿಗೆ ಮತ್ತೆ ಶಾಕ್; ಸುಪ್ರೀಂ ಕೋರ್ಟ್ ಮಹತ್ವದ ಆದೇಶ

ಭಾರತವು ಮುಸ್ಲಿಂ ರಾಷ್ಟ್ರವಾಗುವುದೇ? ಪುಸ್ತಕದ ಶೀರ್ಷಿಕೆಯು ಸಾಕಷ್ಟು ಜನರ ಕೆಂಗಣ್ಣಿಗೆ ಕಾರಣ ಆಗುವಂತಿದೆ. ಈ ಪುಸ್ತಕವನ್ನು ಬರೆದ ಎಂಜಿ ಹೆಗಡೆಯವರು ಅದರ ಬಗ್ಗೆ ಮಾತನಾಡುತ್ತಿಲ್ಲ,ಮುಗುಮ್ ಆಗಿದ್ದಾರೆ. ಆದರೆ ಈ ಪುಸ್ತಕವನ್ನು ಸಾಕಷ್ಟು ಅಧ್ಯಯನವನ್ನು ಮಾಡಿ ಸಕಲ ದಾಖಲೆಗಳನ್ನು ಕ್ರೂಢೀಕರಿಸಿ ಬರೆದಿದ್ದೇನೆ ಅನ್ನುವುದು ಸ್ವತಃ ಎಂ ಜಿ ಹೆಗಡೆಯವರ ಅಧಿಕೃತ ಹೇಳಿಕೆಯಾಗಿದೆ. ಎಲ್ಲರೂ ಈ ಪುಸ್ತಕವನ್ನು ತೆಗೆದುಕೊಂಡು ಓದಿದ ನಂತರವೇ ಸತ್ಯ ಗೊತ್ತಾಗುತ್ತದೆ ಅನ್ನುವುದು ಅವರ ಹೇಳಿಕೆಯಾಗಿದೆ.