ಡೆಹ್ರಾಡೂನ್‌ನಲ್ಲಿ ನಡೆದಿರುವ ಈ ಘಟನೆ ಅತ್ಯಂತ ದುರದೃಷ್ಟಕರ ಮತ್ತು ಮನುಕುಲವೇ ತಲೆತಗ್ಗಿಸುವಂತಹದ್ದಾಗಿದೆ. ಇಂದಿನ ಆಧುನಿಕ ಯುಗದಲ್ಲೂ ಮಹಿಳೆಯರ ಮೇಲಿನ ಇಂತಹ ಕ್ರೌರ್ಯ ಜೀವಂತವಾಗಿದೆ ಎಂಬುದಕ್ಕೆ ಈ ಘಟನೆ ಸಾಕ್ಷಿಯಾಗಿದೆ. ಸಂತ್ರಸ್ತೆಯ ತಂದೆ ನೀಡಿದ ದೂರಿನ ಅನ್ವಯ ಈ ನೈಜ ಘಟನೆಯು ,

ಉತ್ತರಾಖಂಡದ ಡೆಹ್ರಾಡೂನ್‌ನಲ್ಲಿ ವರದಕ್ಷಿಣೆ ಮತ್ತು ಕೌಟುಂಬಿಕ ಕಲಹದ ಹಿನ್ನೆಲೆಯಲ್ಲಿ ಈ ಘೋರ ಕೃತ್ಯ ನಡೆದಿದೆ. ಸಂತ್ರಸ್ತ ಮಹಿಳೆಯನ್ನು ಆಕೆಯ ಗಂಡ ಮತ್ತು ಅತ್ತೆ-ಮಾವ ಸೇರಿ ಕಳೆದ 10 ತಿಂಗಳುಗಳಿಂದ ಮನೆಯ ಸಣ್ಣ ಶೌಚಾಲಯದಲ್ಲಿ (Toilet) ಕೂಡಿಹಾಕಿದ್ದರು. ಶೌಚಾಲಯದೊಳಗೆ ಬಂಧಿಸಿ , ತೀವ್ರ ದೈಹಿಕ ಮತ್ತು ಮಾನಸಿಕ ಹಿಂಸೆ ನೀಡಿದ್ದಾರೆ ಎಂದು ಆರೋಪಿಸಲಾಗಿದೆ. ಆಕೆಗೆ ಸೂರ್ಯನ ಬೆಳಕು ಅಥವಾ ಹೊರಗಿನ ಪ್ರಪಂಚವನ್ನು ನೋಡಲು ಸಹ ಅವಕಾಶ ನೀಡುತ್ತಿರಲಿಲ್ಲ. ಅಮಾನವೀಯ ಬಂಧನದಲ್ಲಿದ್ದಳು.

ಹಸಿವು ಮತ್ತು ಕ್ರೌರ್ಯದ ಪರಾಕಾಷ್ಠೆ

ಮನೆಯ ಶೌಚಾಲಯದಲ್ಲೇ ಬಂಧಿಯಾಗಿದ್ದ ಮಹಿಳೆಗೆ ಸರಿಯಾದ ಆಹಾರವನ್ನು ನೀಡಲಾಗುತ್ತಿರಲಿಲ್ಲ. ಆಕೆಗೆ ಬದುಕಿರಲು ಕೇವಲ ಹಸಿ ಅಕ್ಕಿ (Raw Rice) ಮತ್ತು ಅತ್ಯಂತ ಕಡಿಮೆ ನೀರನ್ನು ಮಾತ್ರ ನೀಡಲಾಗುತ್ತಿತ್ತು ಎಂದು ಸಂತ್ರಸ್ತೆಯ ತಂದೆ ಆರೋಪಿಸಿದ್ದಾರೆ. ಹಸಿವಿನಿಂದಾಗಿ ಆಕೆ ತೀವ್ರ ಅಪೌಷ್ಟಿಕತೆಯಿಂದ ಬಳಲುತ್ತಿದ್ದು, ಅಸ್ಥಿಪಂಜರದಂತಾಗಿದ್ದಾಲ್ಲೆನ್ನಲಾಗಿದೆ

Also Read ಯುವ ಜನಾಂಗದ ಹೋರಾಟ ಕಿಚ್ಚಾಗದಂತೆ ನೋಡಿಕೊಳ್ಳಿ

ದೈಹಿಕ ದೌರ್ಜನ್ಯ ಮತ್ತು ತಲೆಕೂದಲು ಕಿತ್ತ ಕ್ರೌರ್ಯ

ಕೇವಲ ಹಸಿವಿನಿಂದ ಹಿಂಸಿಸುವುದು ಮಾತ್ರವಲ್ಲದೆ, ಆಕೆಯ ಮೇಲೆ ಪ್ರತಿದಿನ ತೀವ್ರ ದೈಹಿಕ ಹಲ್ಲೆ ನಡೆಸಲಾಗುತ್ತಿತ್ತು. ಆಕೆಯ ಅತ್ತೆ-ಮಾವಂದಿರು ಡ್ರೈನ್ ಪೈಪ್‌ಗಳು, ಕಬ್ಬಿಣದ ಸರಳುಗಳು, ಕುರ್ಚಿಗಳು ಮತ್ತು ನೆಲ ಒರೆಸುವ ಯಂತ್ರಗಳುಸೇರಿದಂತೆ ಮನೆಯ ವಸ್ತುಗಳನ್ನು ಬಳಸಿ ಆಕೆಯನ್ನು ಥಳಿಸಿದ್ದಾರೆ ಎಂದು ವರದಿಯಾಗಿದೆ . ಸಂತ್ರಸ್ತೆಯ ತಂದೆ ಪೊಲೀಸರಿಗೆ ನೀಡಿರುವ ದೂರಿನಲ್ಲಿ ಅತ್ಯಂತ ಭಯಾನಕ ವಿಷಯವೊಂದನ್ನು ಉಲ್ಲೇಖಿಸಿದ್ದಾರೆ. ಕೋಲುಗಳು ಮತ್ತು ಬಾಟಲಿಗಳಿಂದ ತೀವ್ರವಾದ ಗಾಯಗಳಾಗಿದ್ದು, ಅತ್ತೆ-ಮಾವ ಮತ್ತು ಗಂಡ ಸೇರಿ ಆಕೆಯ ತಲೆಗೂದಲನ್ನು ಬುಡಸಮೇತ ಕೈಯಿಂದಲೇ ಎಳೆದು ಕಿತ್ತಿದ್ದಾರೆ. ಇದರಿಂದಾಗಿ ಆಕೆಯ ತಲೆಯ ಚರ್ಮ ಸಂಪೂರ್ಣವಾಗಿ ಬೋಳಾಗಿದ್ದು (Bare Scalp), ತೀವ್ರ ಗಾಯಗಳಾಗಿವೆ.

ಬೆಳಕಿಗೆ ಬಂದಿದ್ದು ಹೇಗೆ?

ಅವಳನ್ನು ಅವಳ ಹೆತ್ತವರಿಂದ ಸಂಪೂರ್ಣವಾಗಿ ದೂರವಿಡಲಾಗಿತ್ತು, ಫೋನ್ ಬಳಸುವುದನ್ನು ನಿಷೇಧಿಸಲಾಗಿತ್ತು ಮತ್ತು ಅವಳ ಸ್ವಂತ ಮಕ್ಕಳಿಂದ ದೂರವಿಡಲಾಗಿತ್ತು. ಅವಳ ಕುಟುಂಬದವರು ಅವಳನ್ನು ನೋಡಲು ಕರೆ ಮಾಡಿದಾಗಲೆಲ್ಲಾ, ಅತ್ತೆ-ಮಾವಂದಿರು ಅವಳು “ಮಲಗುತ್ತಿದ್ದಾಳೆ ಅಥವಾ ಸ್ನಾನ ಮಾಡುತ್ತಿದ್ದಾಳೆ” ಎಂದು ಸುಳ್ಳು ಹೇಳುವ ಮೂಲಕ ದೌರ್ಜನ್ಯವನ್ನು ಮುಚ್ಚಿಹಾಕುತ್ತಿದ್ದರು.

Also Read ಯಾರದ್ದೋ ಹಠ, ಮತ್ತ್ಯಾರದೋ ಚಟ, ಹೆತ್ತವರ ಜಗಳಕ್ಕೆ ಬಲಿಯಾಯ್ತು ಮಗುವಿನ ಬಾಲ್ಯ -ಭವಿಷ್ಯ!

ಮಗಳ ಪರಿಸ್ಥಿತಿಯ ಬಗ್ಗೆ ಅನುಮಾನಗೊಂಡು ಆಕೆಯ ತಂದೆ ಮನೆಗೆ ಭೇಟಿ ನೀಡಿದಾಗ ಈ ಘೋರ ಸತ್ಯ ಬೆಳಕಿಗೆ ಬಂದಿದೆ. ತಕ್ಷಣ ಅವರು ಪೊಲೀಸರಿಗೆ ದೂರು ನೀಡಿದ್ದು, ಪೊಲೀಸರು ಸ್ಥಳಕ್ಕೆ ಧಾವಿಸಿ ಶೌಚಾಲಯದ ಬಾಗಿಲು ಮುರಿದು ಮಹಿಳೆಯನ್ನು ರಕ್ಷಿಸಿದ್ದಾರೆ.

ಪ್ರಸ್ತುತ ಸ್ಥಿತಿ ದೀರ್ಘಕಾಲದ ಹಸಿವು ಮತ್ತು ಹಿಂಸಾಚಾರವು ಮಹಿಳೆಯ ದೈಹಿಕ ಮತ್ತು ಮಾನಸಿಕ ಆರೋಗ್ಯದ ಮೇಲೆ ತೀವ್ರ ಪರಿಣಾಮ ಬೀರಿದ್ದೂ ಮಹಿಳೆಯನ್ನು ಆಸ್ಪತ್ರೆಗೆ ದಾಖಲಿಸಲಾಗಿದ್ದು, ಆಕೆಯ ಸ್ಥಿತಿ ಗಂಭೀರವಾಗಿದೆ.

🛑 ಕಾನೂನು ಕ್ರಮ: ಈ ಸಂಬಂಧ ಡೆಹ್ರಾಡೂನ್ ಪೊಲೀಸರು ಮಹಿಳೆಯ ಗಂಡ ಮತ್ತು ಅತ್ತೆ-ಮಾವನ ವಿರುದ್ಧ ಕೌಟುಂಬಿಕ ದೌರ್ಜನ್ಯ, ವರದಕ್ಷಿಣೆ ಕಿರುಕುಳ ಮತ್ತು ಕೊಲೆ ಯತ್ನ ಸೇರಿದಂತೆ ವಿವಿಧ ಗಂಭೀರ ಸೆಕ್ಷನ್‌ಗಳ ಅಡಿಯಲ್ಲಿ ಪ್ರಕರಣ ದಾಖಲಿಸಿಕೊಂಡು ತನಿಖೆ ಕೈಗೊಂಡಿದ್ದಾರೆ.

ಪೊಲೀಸರು ಸೆಲಾಕುಯಿ ಪೊಲೀಸ್ ಠಾಣೆಯಲ್ಲಿ ಎಫ್‌ಐಆರ್ ದಾಖಲಿಸಿದ್ದು , ಆಕೆಯ ಪತಿ ರಾಹುಲ್ ಖಂಡೂರಿ (ದೆಹಲಿಯಲ್ಲಿ ಕೆಲಸ ಮಾಡುತ್ತಿದ್ದಾರೆ) ಮತ್ತು ಪೋಷಕರನ್ನು ಪ್ರಮುಖ ಆರೋಪಿಗಳೆಂದು ಹೆಸರಿಸಿ ಡೆಹ್ರಾಡೂನ್ ಪೊಲೀಸರು ಈ ವಿಷಯದ ಬಗ್ಗೆ ಸಂಪೂರ್ಣ ತನಿಖೆಯನ್ನು ಪ್ರಾರಂಭಿಸಿದ್ದಾರೆ ಮತ್ತು ಆರೋಪಿಗಳನ್ನು ಸಕ್ರಿಯವಾಗಿ ಪತ್ತೆಹಚ್ಚುತ್ತಿದ್ದಾರೆ

##CrimeAgainstWomen #HeartBreaking##DehradunHorror #SilentScreams #HiddenCruelty #HeartTouchingNews