CJP ಹೋರಾಟ, ಬಿಜೆಪಿ ಸಂಘಟನೆ, ಮೋದಿ ಸರ್ಕಾರದ ನಂಬಿಕೆ—ಈಗ ವಿದ್ಯಾರ್ಥಿಗಳ ವಿಶ್ವಾಸ ಮರಳಿ ತರುವ ಸವಾಲು!

ಧಾರವಾಡದ ಐದು ಬಾರಿ ಸಂಸದ, ಬಿಜೆಪಿಯ ಸಂಘಟನಾ ರಾಜಕಾರಣದಲ್ಲಿ ದೀರ್ಘ ಅನುಭವ ಹೊಂದಿರುವ ಪ್ರಹ್ಲಾದ್ ಜೋಶಿ ಈಗ ದೇಶದ ಶಿಕ್ಷಣ ವ್ಯವಸ್ಥೆಯ ಅತ್ಯಂತ ಸೂಕ್ಷ್ಮ ಘಟ್ಟದಲ್ಲಿ ಹೊಸ ಹೊಣೆಗಾರಿಕೆ ಸ್ವೀಕರಿಸಿದ್ದಾರೆ. ಕರ್ನಾಟಕದ ಚಳವಳಿಯ ಹೋರಾಟದ ಮೈದಾನದಿಂದ ಬಿಜೆಪಿ ಸಂಘಟನೆಯ ಶಕ್ತಿಶಾಲಿ ನಾಯಕನಾಗಿ, ಅಲ್ಲಿಂದ ಮೋದಿ ಸರ್ಕಾರದ ಪ್ರಮುಖ ಸಚಿವನಾಗಿ ಬೆಳೆದ ಜೋಶಿ, ಇದೀಗ NEET ಸೇರಿದಂತೆ ಸ್ಪರ್ಧಾತ್ಮಕ ಪರೀಕ್ಷೆಗಳ ಮೇಲಿನ ವಿದ್ಯಾರ್ಥಿಗಳ ಕುಸಿದಿರುವ ನಂಬಿಕೆಯನ್ನು ಮರಳಿ ಕಟ್ಟುವ ಕಠಿಣ ಪರೀಕ್ಷೆಗೆ ಒಳಗಾಗಿದ್ದಾರೆ.

ಜೋಶಿಯವರ ರಾಜಕೀಯ ಪಯಣ ಸಾಮಾನ್ಯ ಚುನಾವಣಾ ರಾಜಕಾರಣದಿಂದ ಆರಂಭವಾಗಿಲ್ಲ. 1990ರ ದಶಕದಲ್ಲಿ ಹುಬ್ಬಳ್ಳಿಯ ಇದಗಾ ಮೈದಾನದಲ್ಲಿ ರಾಷ್ಟ್ರಧ್ವಜ ಹಾರಿಸುವ ಚಳವಳಿಯಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡದ್ದು ಅವರ ರಾಜಕೀಯ ಬದುಕಿನ ಪ್ರಮುಖ ತಿರುವು ಎಂದು ಪರಿಗಣಿಸಲಾಗುತ್ತದೆ. ಈ ಹೋರಾಟದ ಮೂಲಕ ಸಂಘಟನಾ ಸಾಮರ್ಥ್ಯ ಮತ್ತು ನೆಲಮಟ್ಟದ ನಾಯಕತ್ವವನ್ನು ಪ್ರದರ್ಶಿಸಿದ ಅವರು, ನಂತರ ಬಿಜೆಪಿ ಸಂಘಟನೆಯಲ್ಲಿ ಹಂತ ಹಂತವಾಗಿ ಮೇಲೇರಿದರು.

ಒಬ್ಬನೇ —ಹಲವು ಪ್ರಮುಖ ಹೊಣೆಗಾರಿಕೆಗಳು.!

ಶಿಕ್ಷಣ ಖಾತೆಯ ಜೊತೆಗೆ ಗ್ರಾಹಕ ವ್ಯವಹಾರಗಳು, ಆಹಾರ ಮತ್ತು ಸಾರ್ವಜನಿಕ ವಿತರಣೆ ಹಾಗೂ ಹೊಸ ಮತ್ತು ನವೀಕರಿಸಬಹುದಾದ ಇಂಧನ ಖಾತೆಗಳನ್ನೂ ಅವರು ಮುಂದುವರಿಸಲಿದ್ದಾರೆ. ಅಂದರೆ, ಆಹಾರ ಭದ್ರತೆ, ಸಾರ್ವಜನಿಕ ವಿತರಣೆ, ಹಸಿರು ಇಂಧನ ಮತ್ತು ಈಗ ದೇಶದ ಪರೀಕ್ಷಾ ವ್ಯವಸ್ಥೆ—ನಾಲ್ಕು ವಿಭಿನ್ನ ಕ್ಷೇತ್ರಗಳ ಜವಾಬ್ದಾರಿ ಒಂದೇ ನಾಯಕನ ಹೆಗಲೇರಿದೆ.

##PralhadJoshi #EducationMinister #NEET2026 #NTA #BJP #DharmendraPradhan #ExamReforms