ಹನ್ನೊಂದರ ಹರೆಯದ ಇಬ್ಬರು ಅವಳಿ ಹೆಣ್ಣು ಮಕ್ಕಳವರು. ಹೆಸರು ಸಿದ್ದಿ ಮತ್ತು ರಿದ್ದಿ. ಇಬ್ಬರೂ ಸುಂದರ ಮತ್ತು ಚುರುಕಾದ ಹುಡುಗಿಯರು. ಇವರಿಬ್ಬರನ್ನು ಮೊನ್ನೆ ರಾತ್ರಿ ಸ್ವಂತ ಅಪ್ಪನೇ ಕತ್ತುಸೀಳಿ ಕೊಂಡು ಹಾಕಿದ್ದಾನೆ. ಹಾಗೆ ಕೊಂದು ಹಾಕಿದ ಅಪ್ಪ ಒಂದೆರಡು ಗಂಟೆಗಳ ಕಾಲ ಸುಮ್ಮನಿದ್ದವನು, ಕೊನೆಗೆ ತಾನೇ ಖುದ್ದಾಗಿ ಪೊಲೀಸರಿಗೆ ಫೋನ್ ಮಾಡಿ ಕರೆಸಿಕೊಂಡು ಸರೆಂಡರಾಗಿದ್ದಾನೆ

ಅವನ ಹೆಸರು ಶಶಿರಂಜನ್. ಬಿಹಾರ್ ಮೂಲದ ಶಶಿ ರಂಜನ್ ಉತ್ತರ ಪ್ರದೇಶದಲ್ಲಿ ಮೆಡಿಕಲ್ ರೆಪ್ ಆಗಿ ಕೆಲಸ ಮಾಡುತ್ತಿದ್ದ. ಸಭ್ಯಸ್ತನಂತೆ ಕಾಣುತ್ತಿದ್ದ ಶಶಿ ರಂಜನ್ ವಿಚಿತ್ರ ಸ್ವಭಾವದ ವ್ಯಕ್ತಿಯಾಗಿದ್ದ ಅನ್ನುವುದು ಗೊತ್ತಿದ್ದದ್ದು ಆತನ ಹೆಂಡತಿಗೆ ಮಾತ್ರ. ಹೆಂಡತಿಯ ಮೇಲೆ ವಿಪರೀತ ಸಂಶಯವನ್ನು ಹೊಂದಿದ್ದ ಶಶಿರಂಜನ್, ಹೆಂಡತಿಯ ಮೇಲೆ ನಿಗಾ ಇಡುವುದಕ್ಕಾಗಿ ಸಿಸಿಟಿವಿಯನ್ನು ಫಿಕ್ಸ್ ಮಾಡಿದ್ದ.

ಅವಳ ಹೆಸರು ರೇಷ್ಮಾ, ಶಶಿರಂಜನ ಜೊತೆಗೆ 2014ರಲ್ಲಿ ಮದುವೆಯಾಗಿದ್ದಳು. ರೇಷ್ಮಾ ಪಶ್ಚಿಮ ಬಂಗಾಳ ಮೂಲದ ಹೆಣ್ಣುಮಗಳು. ಆತ ಬಿಹಾರದವ, ಅವಳು ಪಶ್ಚಿಮ ಬಂಗಾಳದವಳು. ಇಬ್ಬರೂ ಬದುಕುತ್ತಿರುವುದು ಉತ್ತರ ಪ್ರದೇಶದಲ್ಲಿ. ಬಹಳ ಸಮಯದಿಂದ ಶಶಿ ರಂಜನ್ ವಿಚಿತ್ರವಾಗಿ ಆಡುತ್ತಿದ್ದ ಅನ್ನೋದನ್ನ ಸ್ವತಹ ಹೆಂಡತಿ ರೇಷ್ಮಾ ಹೇಳುತ್ತಾಳೆ. ಮಾನಸಿಕ ತೊಂದರೆಗೆ ಸಿಲುಕಿದಂತೆ ಕಾಣುವ ಶಶಿರಂಜನ್, ಈ ಬಗ್ಗೆ ಟ್ರೀಟ್ಮೆಂಟ್ ಪಡೆಯಲು ಒಪ್ಪುತ್ತಲೆ ಇರಲಿಲ್ಲ. ಆದರೆ ಇವತ್ತು ಇಬ್ಬರು ಮಕ್ಕಳನ್ನು ಇಷ್ಟು ಕ್ರೂರವಾಗಿ ಕೊಂದು ಹಾಕುತ್ತಾನೆ ಎಂದು ಎಣಿಸಿರಲಿಲ್ಲ. ಅಷ್ಟು ಕ್ರೂರಿ ಈ ಶಶಿರಂಜನ ಅಲ್ಲ ಎಂದು ಭಾವಿಸಿದ್ದೆ, ಎಂದು ರೋಧಿ ಸುತ್ತಲೇ ರೇಷ್ಮಾ ಪೊಲೀಸರಲ್ಲಿ ವಿಷಯ ತಿಳಿಸಿದ್ದಾರೆ. ಪ್ರಕರಣ ದಾಖಲಿಸಿಕೊಂಡಿರುವ ಪೊಲೀಸರು ಶಶಿರಂಜನನ್ನು ಬಂಧಿಸಿದ್ದಾರೆ.

Also Read ರಾಜ್ಯ ಗ್ರಾಹಕರ ಹಕ್ಕುಗಳ ರಕ್ಷಣೆಗೆ ಹೊಸ ಸಾರಥಿ!