ರಾಜೀನಾಮೆ ಕೊಡುವವರು ಕೊಟ್ಟು ಹೋಗಲಿ, ಒಂದೇ ಒಂದು ನಿಮಿಷವೂ ತಡ ಮಾಡದೆ ಆ ರಾಜೀನಾಮೆಯನ್ನು ಎಕ್ಸೆಪ್ಟ್ ಮಾಡುವುದಾಗಿ ದರ್ಪದ ಹೇಳಿಕೆ ನೀಡಿದ್ದ ಡಿಕೆ ಶಿವಕುಮಾರ್ ಮೆತ್ತಗಾದರ? ಕುರ್ಚಿಯನ್ನು ಉಳಿಸಿಕೊಳ್ಳುವುದು ಈ ದರ್ಪ ಅಹಂಕಾರದಿಂದ ಸಾಧ್ಯವಿಲ್ಲ ಎಂಬ ಅರಿವು ಬಂತಾ?

ಮುಖ್ಯಮಂತ್ರಿ ಸ್ಥಾನದ ಬಿಸಿ ಡಿಕೆ ಶಿವಕುಮಾರ್ ಅಂತಹ ಬಂಡೆಗೆನೆ ತಟ್ಟಲಾರಂಬಿಸಿದೆ ನೋಡಿ. ಸುಮಾರು 25 ಶಾಸಕರು ಬಂಡಾಯ ಏಳಲು ಎಲ್ಲಾ ಸಿದ್ಧತೆ ನಡೆದಿತ್ತು. ತೆರೆಯ ಮರೆಯಲ್ಲಿ ಹಲವು ರೀತಿಯ ಕಸರತ್ತು ನಡೆಯುತ್ತಿದ್ದಂತೆಯೇ ಮುಖ್ಯಮಂತ್ರಿ ಡಿಕೆ ಶಿವಕುಮಾರ್ ಕಂಗಾಲಾದ್ರ? ಅಲ್ಲಿಂದ ಶುರುವಾಗುತ್ತದೆ ರಹಸ್ಯ ಸಭೆಗಳ ಚೈನ್.

ನಿನ್ನೆಯಷ್ಟೇ ಮಾಜಿ ಮುಖ್ಯಮಂತ್ರಿ ಸಿದ್ದರಾಮಯ್ಯನವರೊಂದಿಗೆ ಉಸ್ತುವಾರಿ ಮುಖಂಡರಾದ ಸುರ್ಜೆವಾಲ ಮಾತುಕತೆ ನಡೆಸಿದ್ದರು. ಸಚಿವ ಸ್ಥಾನ ಸಿಗದೆ, ಮುನಿಸಿ ಕೂತಿರುವ ಎಚ್ ಕೆ ಪಾಟೀಲ್ ಅವರನ್ನು ತಣ್ಣಗಾಗಿಸುವ ಪ್ರಯತ್ನ ಮಾಡಿದ್ದರು. ಇಷ್ಟೇ ಅಲ್ಲ, ಎಂ ಕೃಷ್ಣಪ್ಪ ಹಾಗೂ ಪ್ರಿಯಾ ಕೃಷ್ಣ ಇವರಿಬ್ಬರನ್ನು ಅವರ ಮನೆಗೆ ಹೋಗಿ ಭೇಟಿಯಾಗಿ ಸಂಯಮ ಕಾಪಾಡುವಂತೆ ಹೇಳಿದ್ದರು. ಇದು ಸಾಕಾಗದು ಎಂಬಂತೆ, ಸ್ವತಹಾ ಡಿಕೆ ಶಿವಕುಮಾರ್ ಅವರನ್ನೇ ಎಂ ಕೃಷ್ಣಪ್ಪ ಅವರ ಮನೆಗೆ ಕಳುಹಿಸಿ ಅವರಿಂದಲೇ ಕೆಲವು ಭರವಸೆಗಳನ್ನು ನೀಡಿಸಿದರು ಎನ್ನುವುದು ಒಂದೊಂದಾಗಿ ರಿವಿಲ್ ಆಗುತ್ತಿದೆ.

Also Read ಒಂದೇ ಫ್ಲಾಟ್ ಇಬ್ಬಿಬ್ಬಿರ ಹೆಸರಲ್ಲಿ ..!ಡಬಲ್ ಡಾಕ್ಯುಮೆಂಟ್ ದಂಧೆ ಬಯಲು –ಕೋಟಿ ಕೋಟಿ ವಂಚನೆ ಮಾಡಿ ಆರೋಪಿ ಪರಾರಿ! ರಿಯಲ್ ಎಸ್ಟೇಟ್ ಶಾಕ್….

ಇಂದು ಬೆಳ್ಳಂ ಬೆಳಗ್ಗೆ ಸುಜೇವಾಲ ಹಾಗೂ ಮುಖ್ಯಮಂತ್ರಿ ಡಿಕೆ ಶಿವಕುಮಾರ್ ನಡುವೆ ರಹಸ್ಯ ಸಭೆ ಖಾಸಗಿ ಹೋಟೆಲ್ ಒಂದರಲ್ಲಿ ನಡೆದಿದೆ. ಇರುವ ಒಂದು ಸಚಿವ ಸ್ಥಾನವನ್ನು ಮಹಿಳೆಯರಿಗೆ ನೀಡಲೇಬೇಕಾಗಿದೆ. ಬಂಡೆದ್ದ ವರಿಗೆ ಸಮಾಧಾನ ಮಾಡುವುದಾದರೂ ಹೇಗೆ? ಈಗಾಗಲೇ ಮಹಿಳಾ ಸಚಿವ ಸ್ಥಾನವನ್ನು ರೂಪಾ ಸಸಿಧರ್ ಅವರಿಗೆ ನೀಡುವುದು ಬಹುತೇಕ ಖಚಿತವಾಗುತ್ತಿದೆ. ಒಂದು ಕಡೆ ಇಂಡಿ ಶಾಸಕ ಇವತ್ತು ಅದೇನು ಬಾಂಬು ಸಿಡಿಸುತ್ತಾರೋ ಗೊತ್ತಿಲ್ಲ, ಮತ್ತೊಂದು ಕಡೆ ಎಚ್ ಕೆ ಪಾಟೀಲ್ ಮುನಿಸು ಕಾಂಗ್ರೆಸ್ಗೆ ಮುಳುವಾಗಬಹುದು. ಇತ್ತ ಎಂ ಕೃಷ್ಣಪ್ಪ ಅವರ ಬಂಡಾಯ ಅರ್ಧ ಬೆಂಗಳೂರನ್ನು ಅಲುಗಾಡಿಸಬಹುದು. ಇವೆಲ್ಲವುದರ ನಡುವೆ, ಬಿಜೆಪಿ ಹಾಗೂ ಜೆಡಿಎಸ್ ಸುಮ್ಮನೆ ಕೂರುತ್ತದಾ? ಸಮಸ್ಯೆ ಬಂದಿರುವುದು ಇಲ್ಲಿ.

Also Read ಅಂದು ಮುಖ್ಯ ಮಂತ್ರಿ, ಇಂದು ಪುಟ್ಟಪಾತ್ ವ್ಯಾಪಾರಿ!!

ಇಡೀ ದೇಶದಾದ್ಯಂತ, ಬಿಜೆಪಿ ಯಾವುದೇ ರಾಜ್ಯದಲ್ಲಿನ ವಿರೋಧ ಪಕ್ಷಗಳ ನಡುವಿನ ಕಚ್ಛಾಟದ ಲಾಭವನ್ನು ಪಡೆಯಲು ಇಂದೇ ಮುಂದೆ ನೋಡುವುದಿಲ್ಲ ಅನ್ನುವುದು ಜಗತ್ ಜಾಹಿರಾಗಿದೆ. ಬಿಜೆಪಿ ವಿರೋಧಿ ಪಕ್ಷ ಹಾಗೂ ಅದರ ಮಿತ್ರ ಪಕ್ಷಗಳು ಸಹ ಬಿಜೆಪಿಯ ಈ ಪ್ಲಾನಿನ ಬಲಿಪಶುಗಳಾಗಿದ್ದಾರೆ. ಇದೆಲ್ಲಾ ಗೊತ್ತಿದ್ದರೂ ವಿರೋಧಪಕ್ಷಗಳು ತಮ್ಮ ಆಂತರಿಕ ಭಿನ್ನಾಭಿಪ್ರಾಯಗಳನ್ನು ಹೊರಬರದಂತೆ ನೋಡಿಕೊಳ್ಳುವಲ್ಲಿ ಸಂಪೂರ್ಣ ವಿಫಲವಾಗುತ್ತಿರುವುದು ಬಿಜೆಪಿಯ ಪಾಲಿಗೆ ಮೃಷ್ಟಾನ್ನ ಭೋಜನ ಒದಗಿಸಿದಂತಾಗುತ್ತದೆ. ಇದರ ಅರಿವು ಸಹಜವಾಗಿ ಮುಖ್ಯಮಂತ್ರಿ ಡಿಕೆ ಶಿವಕುಮಾರ್ ಗೆ ಆಗಿದೆ. ಹಾಗಾಗಿಯೇ ಈಗ ಮಾತುಕತೆ ನಡೆಸಲು ಸಂಧಾನ ನಡೆಸಲು ಪ್ರಯತ್ನ ನಡೆಸುತ್ತಿದ್ದಾರೆ.

ಸದ್ಯಕ್ಕೆ ಬಂದ ಮಾಹಿತಿಯ ಪ್ರಕಾರ ಪಕ್ಷದ ಹಿರಿಯ ನಾಯಕ ಕೆಎಚ್ ಮುನಿಯಪ್ಪ ಅವರ ರಾಜೀನಾಮೆಯನ್ನು ಪಡೆದು ಆ ಸ್ಥಾನಕ್ಕೆ ಪ್ರೀಯಾ ಕೃಷ್ಣ ರನ್ನು ಅಥವಾ ಎಂ ಕೃಷ್ಣಪ್ಪರವರನ್ನು ಸೇರಿಸಿಕೊಳ್ಳುವ ಇರಾದೆ ಇದೆಯಂತೆ. ಆದರೆ ಕೆಎಚ್ ಮುನಿಯಪ್ಪ ಅವರ ರಾಜೀನಾಮೆ ಪಡೆಯುವುದು ಹೇಗೆ? ಅವರನ್ನು ಕನ್ವಿನ್ಸ್ ಮಾಡುವುದು ಹೇಗೆ ಎನ್ನುವುದು ಈಗ ದೊಡ್ಡ ಪ್ರಶ್ನೆಯಾಗಿದೆ. ಇದೇ ವಿಚಾರವಾಗಿ ಸೃಜವಾಲ ಹಾಗೂ ಡಿಕೆ ಶಿವಕುಮಾರ್ ನಡುವೆ ಇಂದು ಬೆಳ್ಳಂ ಬೆಳಗ್ಗೆ ರಹಸ್ಯ ಸಭೆ ನಡೆದಿದೆ ಎನ್ನಲಾಗುತ್ತಿದೆ.

Also Read ಕೆಪಿಎಸ್‌ಸಿ ನೇಮಕಾತಿ ಹಗರಣ: ಮಾಜಿ ಅಧ್ಯಕ್ಷ ಸಾಹುಕಾರ್‌, ಸದಸ್ಯೆ ಗೀತಾ ಇ.ಡಿ. ಬಂಧನ