ನವದೆಹಲಿ/ಲೇಹ್: ದೇಶಕ್ಕಾಗಿ ಉಪವಾಸ ಸತ್ಯಾಗ್ರಹ ಮಾಡುವಾಗ ವ್ಯಕ್ತಿ ಒಂದೇ. ಆದರೆ ವ್ಯವಸ್ಥೆಯಲ್ಲಿ ಕೊಡುವ ಪ್ರಾಮುಖ್ಯತೆ ಮಾತ್ರ ಬೇರೆ ಬೇರೆ. ಇದೇ ಪ್ರಶ್ನೆಯನ್ನು ಈಗ ಜನಸಾಮಾನ್ಯರು ಕೇಳುತ್ತಿದ್ದಾರೆ.

2011 ರಲ್ಲಿ ಅಣ್ಣಾ ಹಜಾರೆ ಲೋಕಪಾಲ್‌ಗಾಗಿ ಉಪವಾಸ ಸತ್ಯಾಗ್ರಹ ಮಾಡಿದಾಗ ಪ್ರತಿ ಚಾನಲ್‌ಗಳಲ್ಲಿ 24 ಗಂಟೆ ಲೈವ್ ಪ್ರಸಾರವಾಗಿತ್ತು. ಅದೇ ರೀತಿ ಲಡಾಖ್‌ಗಾಗಿ, ಪರಿಸರಕ್ಕಾಗಿ, ಸಂವಿಧಾನದ 6ನೇ ಪರಿಚ್ಛೇದಕ್ಕಾಗಿ ಹೋರಾಡುತ್ತಿರುವ ಸೋನಂ ವಾಂಗ್ಚುಕ್ ಅವರು ಉಪವಾಸ ಸತ್ಯಾಗ್ರಹ ಮಾಡಿದಾಗ ಮುಖ್ಯವಾಹಿನಿಗಳಲ್ಲಿ ಆ ಮಟ್ಟದ ಪ್ರಚಾರ ಕಾಣಿಸಿಲ್ಲ ಎಂಬ ಆರೋಪ ಕೇಳಿಬಂದಿದೆ.

ಸೋನಂ ವಾಂಗ್ಚುಕ್ ಯಾರು?

“Three Idiots” ಸಿನಿಮಾದ “ಫುಂಗ್ಸುಕ್ ವಾಂಗ್ಡು” ಪಾತ್ರಕ್ಕೆ ಸ್ಫೂರ್ತಿಯಾದ ವ್ಯಕ್ತಿ ಇವರೇ.

ಪರಿಚಯ: ಇಂಜಿನಿಯರ್: ಶೈಕ್ಷಣಿಕ ಸುಧಾರಣೆಗಾಗಿ “SECMOL” ಸಂಸ್ಥೆ ಸ್ಥಾಪಿಸಿದವರು ಪರಿಸರವಾದಿ: ಲಡಾಖ್‌ನ ಮರುಭೂಮಿಯಲ್ಲಿ “ಐಸ್ ಸ್ತೂಪ” ತಂತ್ರಜ್ಞಾನದಿಂದ ನೀರಿನ ಸಮಸ್ಯೆ ಪರಿಹರಿಸಿದವರ ವಿಜ್ಞಾನಿ ಮತ್ತು ಸಾಮಾಜಿಕ ಹೋರಾಟಗಾರ: ಸುಸ್ಥಿರ ಅಭಿವೃದ್ಧಿ, ಸ್ಥಳೀಯ ಜನರ ಹಕ್ಕುಗಳಿಗಾಗಿ ಹೋರಾಡುತ್ತಿರುವವರು

Also Read ಜಮೀರ್ ಅಹಮದ್ ಉಚ್ಛಾಟನೆಗೆ ಕ್ಷಣಗಣನೆ

“ಜನರಿಗಾಗಿ, ಭೂಮಿಗಾಗಿ ಹೋರಾಡುವವರು ನಿಜವಾದ ದೇಶಭಕ್ತರು” ಎಂಬ ಸಂದೇಶದೊಂದಿಗೆ ಅವರು ಲಡಾಖ್‌ಗೆ 6ನೇ ಪರಿಚ್ಛೇದ ರಕ್ಷಣೆ, ಪರಿಸರ ರಕ್ಷಣೆಗಾಗಿ ಉಪವಾಸ ಸತ್ಯಾಗ್ರಹ ನಡೆಸಿದ್ದರು.

ಜನರ ಪ್ರಶ್ನೆ

“ಅಣ್ಣಾ ಹಜಾರೆ ಉಪವಾಸ ಮಾಡಿದಾಗ ಪ್ರತಿ ಚಾನಲ್‌ನಲ್ಲಿ ಲೈವ್ ಇತ್ತು. ಆದರೆ ಸೋನಂ ವಾಂಗ್ಚುಕ್ ಅವರು ಲಡಾಖ್‌ನ ಹಿಮದಲ್ಲಿ ಕುಳಿತು ದೇಶಕ್ಕಾಗಿ ಉಪವಾಸ ಮಾಡಿದಾಗ ಯಾವ ಚಾನಲ್ ತೋರಿಸಿತು?” – ಇದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿರುವ ಪ್ರಶ್ನೆ. ಜನರು ಹೇಳುತ್ತಿರುವುದು:
“ಮಾಧ್ಯಮ ಲೋಕವು TRP, ರಾಜಕೀಯ ಲಾಭ ನೋಡಿ ಸುದ್ದಿ ತೋರಿಸುತ್ತಿದೆಯೇ? ಜನಪರ ಹೋರಾಟಗಾರರನ್ನು ನಿರ್ಲಕ್ಷಿಸುತ್ತಿದೆಯೇ? ಇದರಿಂದ ನಮ್ಮ ಪ್ರಸಾರ ಮಾಧ್ಯಮ ಯಾವ ಗತಿಗೆ ಹೋಗಿದೆ ಎಂಬುದು ಗೊತ್ತಾಗುತ್ತದೆ.” ಎಂಬುದಾಗಿದೆ.