ಅಮೆರಿಕಾ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಭಾಗವಹಿಸಿದ್ದ ಕಾರ್ಯಕ್ರಮದಲ್ಲಿ ಗುಂಡಿನ ದಾಳಿ ನಡೆದಿದೆ. ತೀರಾ ಇತ್ತೀಚೆಗೆ ಶ್ವೇತ ಭವನದ ತೀರಾ ಸನಿಹವೇ ಗುಂಡಿನ ದಾಳಿ ನಡೆದಿತ್ತು. ಈಗ ಎರಡನೆಯ ಬಾರಿಗೆ ಮತ್ತೊಮ್ಮೆ ದಾಳಿ ನಡೆದಿರುವುದು ಅಮೆರಿಕಾ ರಕ್ಷಣಾ ವ್ಯವಸ್ಥೆಯ ಮತ್ತು ಇಂಟಲಿಜೆನ್ಸ್ ವ್ಯವಸ್ಥೆಯ ಬಗ್ಗೆ ಅನುಮಾನ ಎದ್ದೇಳಲು ಕಾರಣವಾಗುತ್ತಿದೆ. ಅಷ್ಟೊಂದು ವೀಕ್ ಆಗಿದೆಯಾ ಎಂಬ ಪ್ರಶ್ನೆ ಎದ್ದೇಳುತ್ತಿದೆ.

ಡೊನಾಲ್ಡ್ ಟ್ರಂಪ್ ಹಾಗೂ ಉಪಾಧ್ಯಕ್ಷ ಜೆಡಿ ವ್ಯಾನ್ಸ್ ಕೂಡ ಆ ಕಾರ್ಯಕ್ರಮದಲ್ಲಿ ಉಪಸ್ಥಿತರಿದ್ದರು. ವಾಷಿಂಗ್ಟನ್ ಹಿಲ್ಟನ್ ಹೋಟೆಲಿನಲ್ಲಿ ಶ್ವೇತ ಭವನದ ಪ್ರತಿನಿಧಿಗಳಿಗೆ ಔತಣಕೂಟವನ್ನು ಏರ್ಪಡಿಸಲಾಗಿತ್ತು. ಇಂತಹ ಪ್ರತಿಷ್ಠಿತ ಕಾರ್ಯಕ್ರಮದಲ್ಲಿ ಗುಂಡಿನ ದಾಳಿ ನಡೆಯಬೇಕು ಅಂದರೆ, ಅಲ್ಲಿನ ರಕ್ಷಣಾ ವ್ಯವಸ್ಥೆಯ ಬಗ್ಗೆ ಸಹಜವಾದ ಅನುಮಾನ ಎದ್ದೇಳುತ್ತದೆ. ಹಾಗೆಯೇ ಇಂಟಲಿಜೆನ್ಸ್ ಸೆಕ್ಷನ್ ಯಾವರೀತಿ ಕೆಲಸ ಮಾಡುತ್ತಿದೆ ಎಂಬ ಪ್ರಶ್ನೆಯೂ ಉದ್ಭವವಾಗುತ್ತದೆ.

ಕೆಲವೇ ದಿನಗಳ ಹಿಂದೆ ಶ್ವೇತ ಭವನದ ಹೊರಗಡೆ ವ್ಯಕ್ತಿಯೋರ್ವ ಗುಂಡಿನ ದಾಳಿ ನಡೆಸಿ ಎಸ್ಕೇಪ್ ಆಗಿದ್ದು ಗೊತ್ತೇ ಇದೆ. ಎಸ್ಕೆಪಾದ ಆ ದಾಳಿ ಕೋರನನ್ನು ಅಮೆರಿಕಾದ ರಕ್ಷಣಾ ಇಲಾಖೆಯು ಬಂಧಿಸಿದೆಯಾ ಅಥವಾ ಹೊಡೆದು ಹಾಕಿದೆಯಾ ಇದ್ಯಾವುದಕ್ಕೂ ಇನ್ನೂ ಉತ್ತರ ಸಿಕ್ಕಿಲ್ಲ ಎನ್ನಲಾಗುತ್ತಿದೆ. ಈಗ ಮತ್ತೊಮ್ಮೆ ಗುಂಡಿನ ದಾಳಿ ನಡೆದಿದೆ. ಈ ದಾಳಿಯು ಅಮೆರಿಕಾದ ಅಧ್ಯಕ್ಷರನ್ನು ಅಥವಾ ಇನ್ಯಾರನ್ನೂ ಕೊಲ್ಲುವ ಉದ್ದೇಶದಂತೆ ಕಾಣುತ್ತಿಲ್ಲ. ಕೇವಲ ಅಮೆರಿಕಾದ ರಕ್ಷಣಾ ವ್ಯವಸ್ಥೆಯ ಸ್ಥಿತಿಗತಿಯ ಸತ್ಯವನ್ನು ಜಗತ್ತಿನ್ನೆದುರು ಬಟಾಬಯಲು ಮಾಡುವ ಸಲುವಾಗಿಯೇ ಈ ದಾಳಿ ನಡೆಸಿದಂತೆ ಕಾಣುತ್ತಿದೆ.